由於老婆大人提早取得了退休禮物 - CANON 5D KIT.
這個週末的天色又如此美麗,她一早已在中環及尖沙嘴一帶做遊客,大拍特拍,拍得好開心之餘,還打電話給還在工作的我,越說越精彩 .....
到下午四時許,終於忍無可忍,放下工作,飛的士去尖沙嘴與她會合,一齊抱着遊客的心態,由黃昏拍到日落,拍到燈火通明,把香港灣仔、中環及尖沙嘴一帶海旁都拍下來。
其實 5D 都幾重,試機責任就由我負責了。
遊客眼中的香港
太陽開始下山
夕陽無限好 日日有黃昏
退去了金黃,披上了藍袍。
中區一帶,燈火通明。
8:00 p.m. 幻 彩 詠 香 江
臨走前,玩多兩張 爆炸鏡。
由四時多影到九點幾,腰酸背痛,喉乾頸涸,要回家休息了。
其實今晚半夜約了 野孩子 去影日出,幾個小時後又出動了。
3 Aug. 2008 午夜四時彩虹集合
一行八人,集資乘兩部的士直達大坳門郊野公園,只要行 5 分鐘,便到達面向東方的平台。
到達時天黑而清明,一眼便認出了獵戶座,好久沒有在香港看星了,馬上架起腳架,試看能否拍下眼前景象。
我的第一張星夜照片
拍第二張時,天邊有點紅。
火 燒 天
太陽出來了 !
東方 紅,太陽升 ......
影影影.... 影影影影影影影 ...........影影....
日出後,晨運客陸續出現,各有各耍.....
嘩!大嬸 真係勁! 收唔收徒弟呀?
影 友 一 族,個個都好開心。
一個很漂亮的晨運公園。
老婆大人的全套裝備
今天真的要多謝 野孩子,選了個好日子,看到了好多年都沒有見到的星空及日出。
唉吔!要行快啲啦,八點半還要出到旺角,跟社長 去 鶴嘴 呀!
哈哈哈!我喜歡睇日出日落呀!
回覆刪除[版主回覆08/07/2008 23:03:00]哈哈!好學唔學,學人影日出,重要上山下海,唔使瞓啦!
有人已經約我們下次又去過。
回覆刪除[版主回覆08/07/2008 23:05:00]咁要搵個好日子了。
Wow! 星空日出靚到震呀~~ 第二日仲要做義工,好佩服您的韌力。
回覆刪除[版主回覆08/07/2008 23:06:00]哈哈!一路執垃圾一路瞓。
Yes i would like to go next time hehe :)
回覆刪除[版主回覆08/07/2008 23:07:00]OK. next time.
正! 傳說中 GE zoom 爆
[版主回覆08/07/2008 23:09:00]謝謝來訪,以後多啲交流。
加好友慢慢睇先
回覆刪除[版主回覆08/07/2008 23:11:00]多多交流。
WA~~~ 好靚既日出呀!!!!
回覆刪除[版主回覆08/09/2008 08:52:00]謝謝來訪,我都好多年沒有看到這麼美麗的日出了。
真係好喜歡e張
回覆刪除[版主回覆08/09/2008 08:54:00]那天的夜色真的很清朗。
拉爆得好!!!
回覆刪除有5d作禮物....將來的相片一定會更美啦!!!
如果買埋支macro....我同你們一起去打蝶!!!
[版主回覆08/09/2008 09:00:00]謝謝 Eddy 兄,Macro 還在選擇中,有沒有好介紹?
但打蝶對我來說是另一個大考驗,因為喜歡通山跑多於站着等。
回覆刪除想唔到, 香港都有咁靚的地方.
[版主回覆08/09/2008 09:03:00]有,香港還有好多好地方。
說香港細,沒有地方行的人,是自己選擇不去行而已。
嘩 ! 新機 ! 很貴啊 !
回覆刪除[版主回覆08/09/2008 09:04:00]老婆大人話,退休只得一次,所以不算貴,最緊要好玩。
D相好靚 日出very very good I never seed
回覆刪除450D邊個呀? 呀婆功夫真犀利 .
[版主回覆08/09/2008 09:12:00]大舊 Wood,終於肯留言了;
你咁早開工,梗係睇唔到日出喇。
450D 是我的,5D 是老婆大人的,因重量問題,暫時交換玩,知冇?
大嬸還有一招,是拉住橫身樹枝打鞦韆,絕對是武林高手。
很美日出日落............大澳門喎!
回覆刪除[版主回覆08/09/2008 09:15:00]還有很多技巧要向 夢兄 學習呢,現在是偷師,希望遲啲可跟你拍 山光水色。
大坳門郊野公園, 在那裡呢?
回覆刪除好正呀, 獵戶座影的很清楚呢, 點樣影架?
[版主回覆08/09/2008 09:28:00]大坳門,以前叫 大澳門,在西貢東面,假日很多人放風箏的公園,我們在彩虹地鐵站,乘了 $99.00 的士便到了。
我是第一次影星空,架好腳架,選好構圖,相機設定是
ISO 400, f 5.6, 快門 B, 暴光 100秒,第一張用電筒照亮涼亭一邊,結果一撻 Over, 第二張 拿開電筒,暴光(60秒)期間,拿閃燈到左邊閃了一下。
影星空,還是 Blog 友 走得慢 精彩。
行山和打蝶應該分開好些!!! 真為太重器材真的好辛苦...5D應用來作專門拍攝活動用....450D才拿來行山....
回覆刪除我打蝶較喜歡用CANON Macro 100/f2.8拍細蝶, 70-200/ f4 拍遠距離蝶
Sigma 鏡 150 or 180 都很正...但鏡身很快會脫色. 所以不大喜歡.
我的行山裝備是 :
option 1 - 一般路段 - 10D + Macro + 70-200 Zoom + 17-40 Zoom
option 2 - 難道路段 - 10D + 70-200 Zoom + 17-40 Zoom
option 3 - 靚境路段 - 10D + 70-200 Zoom + 17-40 Zoom + 菲林機21mm35m
[版主回覆08/09/2008 13:22:00]謝謝 Eddy 兄建議
我也打算買 Canon Macro 100/ f2.8, 但夏天還是以出海為主,影蝴蝶可能要夾時間,有計劃請通知聲。
由於我們的行山領隊有點神經質,經常要攀爬及穿林,所以星期日行山只會帶 Canon S80。
嘩!唔止行山叻?影相都咁叻!好靚!
回覆刪除[版主回覆08/09/2008 13:27:00]謝謝欣賞!
山水人士兄...我也考慮買Canon Macro 100/ f2.8 (但無IS, 和我的石膏手還未鍛煉成功所以正在搜查中) ; EF 70-300mm f/4.0-5.6 IS USM( 因盤川有限要等) 雖知我的24-105L 已经好 好... 但邪惡的人性慾望是會不停的提升....唉~~ 真是一入C(canon)門深似海
回覆刪除[版主回覆08/09/2008 18:43:00]哈哈!這是由於新生代沒有試過用菲林機,所以較容易手震,試試按下快門時,按半級鎖焦後,忍住呼吸,盯緊目標,才按下快門拍攝。 24 ~ 105 已經可以拍很多不同環境的影像,我行山時都只帶一部 Canon S80 (28 ~ 100mm),已經拍下這個 Blog 的大部份照片了。 努力吧!
部機 真係好整,連星星都影得咁清楚。
回覆刪除[版主回覆08/11/2008 09:01:00]真係好正,貴得有道理。
好美呀!由日影到夜你好勵害,第二日仲要去執垃圾,仲有個大嬸都好勵害
回覆刪除[版主回覆08/11/2008 08:59:00]係呀!係呀!不過之後要瞓足兩日至可以回氣呢!
哈哈, 我好似都0向果度放過風箏.
回覆刪除[版主回覆08/14/2008 09:31:00]我只是第一次去呢!
嘩,日出日落都好靚呀
回覆刪除[版主回覆08/27/2008 08:28:00]謝謝來訪,因為日出日落真係好靚,所以拍下來大家分享。