美 麗 的 天 空
多 倫 多 離 島 觀 光 船
湖 畔 碼 頭
下午四時多,去到Scarborogh Bluff (士加堡崖岸),當車停在露天停車場時,已經看到很多海鷗在散步,就算我們行近一點,它們都不會飛走,只是懶洋洋,行過兩三步而已,想它們展翅飛翔,似乎要想想辦法。
我叫老婆大人先設定好相機,我繞過另一面,然後衝向鳥群,大叫飛呀!飛呀! 跑到上氣唔接下氣,那些懶鬼才飛了十多二十米,嘥氣!
懶 鬼 集 中 營
走到氣咳,才令幾隻懶鬼飛離地面。
好彩有隻在示範飛行。
走向湖畔,看到大大小小雀鳥,都在悠悠閒,等運到。拍了幾張相後,咦!有幾十隻懶鬼都飛向同一個方向,原來有個肥佬帶了麫飽來餵雀,一瞬間,那肥人與禽流感已經混在一起,好開心,好融洽。
悠 閒 的 加 拿 大 人
拍過肥人與流感後,跟隨黃金夕陽走向湖的另一邊,呵呵呵呵!金光、黃葉、肥鳥、無邊的安大略湖,構成眼前這美景,加拿大,真精彩!
安 大 略 湖 畔
雁 飛 行
金 楓 肥 雁
拍到太陽落山,才想起大姊夫婦,會不會已經變了雪條?急急腳走回停車場,還好,他們在車內剛剛嘆完自備茶點,還笑問:影唔影到靚相呀?
可唔可以o黎我個blog回應呀? 唔該哂~ (唔好淨係留"CM"2個字ar~ THANKS~)
回覆刪除[版主回覆01/04/2009 23:07:00]Hello! 妳好。
D海鷗同其雀鳥相好靚啊!
回覆刪除[版主回覆01/04/2009 23:09:00]謝謝欣賞。
Beautiful Shot ! 動態、靜態都很美! 列哂隊、企定定、影啦!重唔影!飛架喇!
回覆刪除[版主回覆01/04/2009 23:11:00]哈哈!那處湖邊,有好多肥雀,真係可以影足一日,但係陪伴我們的大姊夫婦就悶啲。
鳥兒飛翔的感覺很正!好自由自在啊!
回覆刪除[版主回覆01/04/2009 23:14:00]生於歐美的雀鳥好幸福,如果在發展中地區,可能變晒大餐了。
相靚勝畫圖
回覆刪除[版主回覆01/04/2009 23:15:00]人在畫圖中。 謝謝欣賞!
最鍾意呢張相, 靜態同動態好分明
回覆刪除[版主回覆01/04/2009 23:17:00]我都好鍾意這一張,因為追咗幾分鐘才拍到。
海鷗拍得好正!
回覆刪除[版主回覆01/04/2009 23:19:00]謝謝夢兄欣賞! 拍海鷗,印象中是幾十年前的沙龍熱門題材。
加拿大......真係退休人士的天堂.........
回覆刪除[版主回覆01/04/2009 23:21:00]好多人係咁諗,但我倆退休就不會離開香港了。
回覆刪除WOW))))正喎!!!!!!!!!!!
[版主回覆01/04/2009 23:22:00]咁肥,有冇流口水呀?
回覆刪除它們若在中國……
[版主回覆01/04/2009 23:26:00](Empty)
退休係加拿大真係一流,最好每半年可以回香港住下,咁就最好喇!
回覆刪除[版主回覆01/05/2009 18:52:00]每次去完旅行,都係覺得香港最好。
這才是生活。
回覆刪除[版主回覆01/06/2009 18:14:00]努力地工作,全情地去玩,在大去之時,不要有遺憾。
回覆刪除呢個阿伯著住紅衫企喺岸邊,好有世外高人feel!
[版主回覆01/06/2009 18:16:00]有好多人羨慕的退休生活模式。
鳥南飛,鳥南返!
回覆刪除[版主回覆01/06/2009 18:17:00]真係好快返香港喇!
天氣真好呀 ! 時常有藍天,沒有污染 !
回覆刪除[版主回覆01/08/2009 13:17:00]因為加拿大地大人少,而且大多數人都愛護環境,所以擁有藍天白雲好正常。
這樣的退休生活也很寫意!!!
[版主回覆01/10/2009 09:31:00]哈哈!對我來說,一兩日還可以,如果多於三天,可能會悶瓜咗,所以退休後絕不會移民。
可能那些海鷗遇過不少人衝刺,所以懶得飛咁遠啊! 加拿大人生活好悠閒及寫意! 這張好有feel!
回覆刪除[版主回覆01/11/2009 22:44:00]加拿大人才沒有我那麼傻,那些肥雀從來沒有受過襲擊,所以才懶得飛。