這條天梯的起步點在東涌，會沿著昂坪360吊車路線，一直往上走，一直走，直至天荒地老，油盡燈枯.......
上午九時多，在東涌起步，天色不錯。
起步不久，便亂咁行，行咗落河。
開始上山，唉！是我最怕行的石級，今日都凶多吉少咯...
細耳狗，瞓在路中向途人打招呼。
回望東涌與機場
開心老爺邊行邊搖扇，好輕鬆，好瀟灑。
去到第三號鐵塔，雙腳已經有點痛。
但風景又幾靚
吊車上的乘客跟我們打招呼！
可以看見機場跑道、登機大樓及遠處的青山。
行完一段 ....
還有更長的一段.... 喂！有冇順風車坐呀！
唉呀！前面路段陡峭？ 唔行得唔得？
真係頭暈腳又痛！
又落又上，天旋地轉。
咦！有咁靚吊鐘花睇，精神好番啲。
又繼續上路.... 就來頂唔順喇！
終點雖然在望，但真係好遠喎。
沿途都行在最後，個樣就扮影相，其實......
見到佛祖喇！
今天上山禮佛，非常誠心，因為又跪又爬才到這裡。
同財神講聲：蝦 佬！
吃飽飯後，回復體力，再拍多兩張大佛相才坐巴士離去。
高 山 禮 佛
這一輯相，原本不想上載，因為平時上山下海，步大力雄，但今天行到剩下半條人命，兩腳抽筋。
後來細想，可能新春期間，由團年飯到開年飯，食到不知節制，今天的狀態，也算是身體對我發出的警告，要好好善待身體，保持健康，日後再挑戰高峰。
現在上載這段行程，一來可以同大家分享這段路的風光，二來可以提醒自己控制飲食，不要再增加雙腳負擔了。
我諗我朋友仔起碼都要十年八載先至會交到貨俾我呀 !因為佢啱啱開始學整麵粉花咋!上咗幾堂整咗兩盆功課，所以我同你都有排等呀!
就係這幅啦!多謝你既指引及借相一用
我可能會在3月第一個星期日跟友晟去大丫洲啊!
以我上次的步伐及不停站的走三小時三十至四十五分
我都行過昂坪天梯，好考腳骨力，邊行邊影便不算太辛苦，可惜當日勁大霧，好多靚景都無得影呀！
再慢慢行呢條路落山, 雖則話落山, 沿途勁上上落落, 真係頭都暈埋,
尤其後尾果段 (即係應該係你地起步果段) 超無耐, 明明見到下面都到地啦, 係咁被逼..
哈哈！這次上精選 blog 好似係Y!Blog 搭錯線，頭兩日就用我張相頭，但文字介紹就係"火星史塔粉" 人家是型人兼講潮物，如果Click入條線就會來咗我個地盤看山水。
今天仲神奇，用我張相頭搭 Rachel Yau，人家是講生活品味及文化的。
因此這兩三天雖然好多人來訪，估計都是失望離去的多。
多謝你回應。我唔係一個經常運動人士，如果我想試行呢條昂平山路，會唔會好難，事前需唔需要有操練氣量同腳力呢？
你好，見到你地咁樣行法真係戥你地辛苦，但又羨慕你地鬥志。風景亦相當美。我都希望一試！
請問你地上午九點出法，幾多點鐘先至完成整段行程呢？
現在很難得見到吊鐘花, 受保護的. 小時候過年家裡有買回來插, 喜歡逐個苞來數, 看那個多鐘, 脹卜卜, 晶瑩剔透的花, 很特別, 很美 !
煩請多多指教,不便之處敬請原諒...祝安康.!
吊鐘花真係靚C人！
山水人士攀山涉水, 咁先啱行 . 話時話, 條路砌到咁靚, 真係冇乜行山feel. (當然, 呢條路原本係for遠足)