目的地 : 青洲 甕缸灣
青洲,在社長心目中是票房毒藥,每次舉辦都只有小貓三四;但今年經不起我多次的要求,終於選了在今天登島。但社長真的很擔心會賠大本,所以只租了一艘小船(63個位),就算虧本,也不會太慘重。
但出乎意料,在出發前三天已經滿額,以致有多位資深會員都沒法參加,社長只有頻頻Say Sorry 及將帶路的責任交了給我。
自己提議自己帶,似乎是社長近來的取向,真蠱惑。
青洲並不遠,上午九時在尖沙咀碼頭出發,十時十五分已經到達。
由於人少,義工也少,我在岸上幫團友登陸,騎小艇的責任就要老婆大人幫手了。
咦!Uncle Ken 載來了一隻『暈雀』,一隻曬暈了的老雀。
青洲的石頭真的好有特色,在登陸處是一條美麗海溝。
各團友已經爬上爬落取景。
海溝盡頭洞穴內,有一塊人面石,看到嗎?
沿着海邊向前走。
前面就是壁虎崖
今天海水退得不夠低,通過時要小心了。
回頭看看,還有團友在山崗上取景。
嘩!突然驚濤泊岸,好一個SK,馬上跳起,倚石牆,繼續拍。
這塊攔路石,令好多團友都非常狼狽,難以攀越。
這邊是等待過關的團友。
這邊是已經爬過了的團友 (得三個 ?)
我與大隻男都身痕,在壁虎崖中越爬越高。
好大隻壁虎。
小朋友不單面無懼色,而且覺得好好玩,只是難為了媽媽。
幫五十多位團友穿過壁虎崖後,走到這大石灘時,已經流汗不止,氣喘如牛,連忙找塊石頭坐下......
..... 可能平時在行程中好少停下休息,不到一分鐘,已經有團友走過來問候,我還未回應,旁邊已經有人打傘,有人取出冰水,有人拿出電動風扇,有人遞上冰花可樂,有人捉住我的手按摩穴位.......
哈哈!真是人間有情,間中做做弱者,原來有這麼多人關心。
當時真的分不清每位隊友,唯有在此充心感激!謝謝各位照顧!
一輪急救後,已經回復精神,繼續向前行。
走到一塊破裂得好像有武林高手劈過的大石前,眾壯男齊齊擺姿勢,看看那個最勁。
型 男 - 探 花 手
大隻男 - 碎 石 掌 !!!
爆 裂 拳 !!!
Badman - 穿 牆 腿 !!!
山 水 - 鐵 頭 功 (曬唔暈,撞到暈。)
發完瘋,再看看青洲景色。
這些天然石階,好像古城遺跡。 ( 梯 級 岩 )
隨時候命的Uncle Ken。
青 洲 的石牆,都爆裂得很好看。
這邊的岩柱並不是六角,而是四角,社長稱此為『豆腐岩』。
排隊買豆腐?
咦! 肥 Wood ,為何你會在此? 怎樣過來的?
『你忘了嗎?是踩住你過來的。』
吓!原來抬過你,難怪會中暑。
大船回來接我們了。
回程時,也是老婆大人騎住小艇穿梭,直至帶走每位團友。
下午的節目是甕缸灣浮潛看珊瑚,不想濕身的團友,再帶他們到另一邊的山崖,攀遊一條天然石縫─ 肥人受難罅。
由於喜歡亂闖的團友越來越多,我為免再度高溫中暑,將相機交給老婆大人後,便慢慢沒入海水中,靜靜的浮向大船........
* * * * * * * * * * * * * * * * * * * * * * * * * * * * * * * * * * * * * * * * * *
估唔到小小一個青洲,差點攞我命。
幸好有各團友照顧,及老婆大人帶領,才可以順利完成當日行程,在此再次謝謝各人, 下次再見喇!
NO 1 打風啦!!!!!
回覆刪除[版主回覆08/05/2009 12:31:00]打完喇! 歡迎!歡迎!
嗰日真係好熱呀~~
回覆刪除呢張好型呀, 拍得好
[版主回覆08/05/2009 12:32:00]要多謝SK 有個咁好嘅姿勢。
呢個BLOG實在....好好笑
回覆刪除[版主回覆08/05/2009 12:33:00]多謝支持!
好型喎
玩得好顛
呢日太熱啦
[版主回覆08/05/2009 12:35:00]又爛玩,又瘋癲,所以暈咗。
掛住笑, 忘了問候下你, 有沒有事呀??
回覆刪除[版主回覆08/05/2009 12:38:00]謝謝關心,已經冇事喇!
加多咗一張團友傳給我的中暑相。
隻暈雀好靚 祝平安
回覆刪除[版主回覆08/05/2009 12:40:00]哈哈! Uncle Bird 以後變咗做暈雀。
謝謝關心!已經無事啦!
好勁
回覆刪除[版主回覆08/05/2009 12:41:00]大隻男最交足戲!
Chinese kungfu 好爆笑~
回覆刪除係咪衫著得多, 所以中暑?
[版主回覆08/05/2009 12:46:00]因為在壁虎崖幫團友時,完全沒有風,又濕又熱,加上爛玩爬上爬落,體力有點透支,所以便頭暈眼花了。
這樣的高溫真的會出事架... 保重保重!!
回覆刪除[版主回覆08/05/2009 12:46:00]已經冇事喇,謝謝關心!
山水嫂也真利害, 女中最強呵...
回覆刪除[版主回覆08/05/2009 12:47:00]她一向都比我強。
保重保重.........漫漫長路等你帶路
回覆刪除[版主回覆08/05/2009 12:49:00]哈哈! 搭單謝謝寵物,謝謝關心!
你中暑好返未呀? 你又要爬山,又要練武,梗係容易中暑啦!
回覆刪除[版主回覆08/05/2009 12:51:00]已經冇事啦!爛玩之過,暈玩又玩過。
你真係小說人物----任我行!邊度都去暈!
回覆刪除[版主回覆08/05/2009 12:52:00]還有好多地方未去呀!
辛苦晒, 咁既天氣想跟你去都有心無力~~~~
回覆刪除[版主回覆08/05/2009 13:39:00]可以行半日,游半日。
原來你扮弱者,想多人照顧?
回覆刪除[版主回覆08/05/2009 18:16:00]唔係扮咖,真係心跳、眼花,再加氣喘,唔係好大件事就真。
HAHAHA)))))睇完呢個卜, 原來你哋個個都係武林中人!!!!!!!!!
回覆刪除[版主回覆08/05/2009 18:17:00]都係爛玩之人就真。
個個團友玩得又打得,真唔少野
回覆刪除
回覆刪除有圖為證我山長水遠都走番嚟睇你呀,真是名不虛傳的見光死,下次唔好啦,你想我走到中暑咩!
[版主回覆08/05/2009 18:18:00]嘻嘻!見光死,冇辦法。
仲乜咁攪鬼,攪到要咁多手服事你,有無人同你做人工呼吸???
回覆刪除果日真係好熱,我係屋企嘆冷氣都唔想出街
[版主回覆08/07/2009 09:06:00]哈哈哈哈!冇辦法,人爛玩又唔知年紀大。
都冇暈低,梗係冇人工呼叫吸啦。
嘩!咁到俾你捕捉到我身手,真是黃雀在後呀!
回覆刪除[版主回覆08/07/2009 09:47:00]你咁型,梗係即刻影相喇。
好似黑武士個頭喎!
回覆刪除[版主回覆08/07/2009 09:52:00]我都係睇到左邊個塊石上有眼有鼻,你竟然可以看到個黑影似黑武士,犀利 !犀利!
你應該係有過度活躍症,要睇E生呀!
回覆刪除[版主回覆08/07/2009 09:57:00]唔係過度活躍症,係神經病呀!
我一早都話過自己要定期覆診,每個星期日上山或出海醫小神經,每年要坐飛機醫大神經,而且係唔會斷尾嘅神經病呀!
回覆刪除嘩!你哋啲chinese功夫好勁呀
[版主回覆08/07/2009 11:58:00]只要跟我們行十次八次,妳都有這樣的身手。
山水先生,小心好好保重身體啊
回覆刪除[版主回覆08/07/2009 11:59:00]謝謝關心,已經沒有什麼事了,因為好快又到星期日。
我只能說攝影的愛好者都係癡左線
回覆刪除因為我都係大大個癡線者
仲有攝影的魔力真的很令人陶醉望掉塵囂
[版主回覆08/07/2009 12:03:00]咦!David 哥的用詞咁香港口語化嘅,莫非墾丁太近香港?
攝影真係好有魔力,所以每日都會相機隨身。
你太座真厲害啊!女中豪傑
回覆刪除[版主回覆08/07/2009 12:04:00]佢真係好好體能。
很好玩呢,玩到不願走幾時再去過?重有SK很好身手
回覆刪除[版主回覆08/07/2009 12:08:00]青洲成兩三年才去一次,希望今次提早滿額後可以在票房毒藥榜除名喇。
SK 成日話自己唔得,其實都不知幾好身手,我話係真人不露相就真。
大哥 下次唔好去咁盡喇~!!
回覆刪除[版主回覆08/07/2009 12:10:00]哈哈!爛玩加神經病,冇得醫咖。
不過最近找到台灣高山,可以成日去醫都得。
回覆刪除冇事呀嘛!我仲未見過你喎!
[版主回覆08/07/2009 12:13:00]哈哈!多謝關心,越近星期日就越精神。
妳成日話想來,但仲未來過喎,這個星期日又出發喇。
回覆刪除諸侯割地呀!
[版主回覆08/07/2009 12:14:00]割到一塊塊大豆腐咁。
我都好期待聖稜線呀!!
回覆刪除[版主回覆08/07/2009 13:54:00]哈哈!加埋你哋兩個,夠六個人就可以從長計議了。
咁你真係要Keep住E先得囉,神經病發作好大鑊的!
回覆刪除[版主回覆08/07/2009 18:06:00]到發作之時,又可以寫一萬幾千字。
嘩))) 36~ 37°C 酷熱天氣下好辛苦呀!
回覆刪除[版主回覆08/07/2009 18:06:00]所以瓜咗。
青州我都去過,不過係無水嗰個 .呢個青洲啲石頭係幾特別喎.豆腐岩,梯級岩.酷熱天氣戶外遊好辛苦哩!
回覆刪除[版主回覆08/08/2009 13:55:00]我自己覺得青洲好有特色好靚,但奈何天氣轉涼就風浪大作,無法上岸,每次去青洲都要盛夏才有機會。
應該好多人俾呢度考起
回覆刪除[版主回覆08/08/2009 13:56:00]其實當時水退中,只是間中有個浪,看準機會可以一衝而過。
好似睇緊連環圖:中華英雄
回覆刪除武功高強!!!!
[版主回覆08/08/2009 13:58:00]中華英雄都係前期好睇啲。
好似睇緊連環圖:中華英雄
回覆刪除武功高強!!!!
[版主回覆08/08/2009 13:57:00]哈哈!原來你我都是看中華英雄大的。
其實按呢個穴位有效嗎? 是否可以止暈?
回覆刪除[版主回覆08/08/2009 19:07:00]聽大夫講這個穴位通心臟,可幫助呼吸,按完後真係精神咗。
呢張相好正呀
回覆刪除山水
回覆刪除以下幅相似皇帝出遊多過似中暑喎!連太醫你都帶埋出去,真係早有準備,
[版主回覆08/25/2009 10:06:00]哈哈!人間有情嘛!
當日真的太熱,幸好有專船接送,回到船上又有冰凍飲品,所以毋需見報。