2009年12月13日 天 晴
目的地:深圳 大亞灣 赤洲
相機仔:Canon G10
深圳 大亞灣 赤洲,一個似遠還近的荒嶼,大約七、八年前,在社長一本冷門著作中看到這個名字,也看到一些不算太清楚的照片,當時問過社長何時會去,社長只是揚一揚眉,沒有答案。
兩個星期前,社長的行程預告中,忽然出現大亞灣赤洲這個名字,剎那人第一時問我們有沒有興趣,當我們在點算參加人數時,社長的行程預告中,忽然又失去了這一欄,馬上找社長問個明白,原來社長覺得,這些極冷門路線,不會有人參加,所以取消了。
但我們已找到九個人參加,如何是好呢?社長又揚一揚眉:『咁... 當小組活動,自己坐公車去啦!』
07:45 晨早在九龍塘集合,購買了往南澳的車票,09:10 已經身處沙頭角口岸。
09:55 到達大鵬鎮,市面頗為熱鬧,有各式小販在營生中。
煨 番 薯
在街頭聊天的閒人。
社長召喚了兩架慢吞吞的客車,10:50 到達 楊梅坑。
11:05 以RMB 450.00 一艘,租賃了兩艘可載八人的大飛。
五個人坐一條船,直奔 赤洲。
極 速 飛 航 !
頭 紛 髻 亂
11:25 抵達赤洲,在沙灘登陸。
不要猶疑,水一退就跳。
有地名石碑,沒有去錯地方。
大亞灣的水質不錯,清澈見底。
起 步 !
我最喜歡的碧海青天。
各隊友已經走在前面取景。
先發現一個山洞。
咦!有洞道,可以穿過去另一邊。
洞道寬敞,可以輕鬆進出。
出 口
老婆大人已經爬上了一塊大石頂。
你又爬,我又爬,各據一石。
有得玩,剎那人又忘記了畏高症。
咦!阿Jack 個 Pose 咁熟口面嘅.......
又發現另一個山洞。
逍 遙 洞 入 口
洞 道
出 口
繼 續 走。
阿 Jack 要專心前進,無暇扮鬼臉。
『哈哈!安全着陸!』
社長在十五年前來過,但路徑依然有印象。
社長找到個 木乃伊洞
這個洞又高又窄,內裡石頭一觸即甩,好鬆散。
好窄的出口。
前路有水道,開心老爺示範如何過關。
好美麗的樹抱石。
樹根爬滿大石面。
前面出現一幅崖壁,似乎有點難度。
老婆大人已經率先進入岩隙,開心老爺跟隨其後。
老爺似乎另有所圖,向岩壁另一邊爬去。
有畏高的兩人,硬著頭皮,上!
阿Jack 腳軟嗎? 忽然跪了下來。
開心老爺找到個靚位,等影相!
由於時間關係,上集到此為止;
這個赤洲好精彩,請留意下集啦!
又霸位, 哈哈哈~~
回覆刪除[版主回覆12/29/2009 09:59:00]歡迎!歡迎!
看完呢張相, 覺得自己都有些畏高
回覆刪除[版主回覆12/29/2009 10:08:00]當日最畏高的孖媽,大概講了三十多次『我死啦!』之後,都安全走畢全程,妳們絕對冇問題。
錯過咗咁好玩嘅地方添。
回覆刪除[版主回覆12/29/2009 10:11:00]這次社長拍了很多相片,再宣傳一下,應該會再遊此地。
回覆刪除嘩~好似蜘蛛俠喔~
[版主回覆12/29/2009 10:12:00]走荒島最大樂趣就是有很多攀爬位。
哈哈, 好精采的景緻 - - 中國人本色 - - '同' 高隻腳來坐 ... 有無影到隨街 "mou" d 人嘅相呀
回覆刪除[版主回覆12/29/2009 19:02:00]這張相是在大鵬等車時拍的,附近沒有人踎,拍不到。
回覆刪除真係成班蜘蛛俠!!!!! 好鬼勁!!!!
[版主回覆12/29/2009 19:04:00]連孖媽都走畢全程,有機會妳都要試試。
You climb this with bare hands
回覆刪除[版主回覆12/29/2009 19:05:00]如要安全攀爬,必需手指的直接感覺,所以不會戴手套。
睇落好險 爬落唔覺喎
回覆刪除[版主回覆12/29/2009 19:07:00]幾時都係爬的唔驚睇的驚。
在社長一本 冷門 著作中看到這個名字 我有呢本絕版書!吊高黎賣!
回覆刪除[版主回覆12/29/2009 19:09:00]你本絕版書真係要好好保存,因為去年社長已經將倉底餘書,以幾毫子一斤賣了給回收商。
答案隱藏左起背後
回覆刪除[版主回覆12/29/2009 19:10:00]哈哈!真係心水清。
乜我爬過咁直咁恐怖的直壁???? 又唔記得左添
回覆刪除[版主回覆12/29/2009 19:11:00]攀爬之時,只會看到眼前石頭,整體環境當然不知道。
老 Jack 您好!
回覆刪除欣賞照片都感覺"心驚膽跳",點都要睇埋下集,食定驚風散!!
[版主回覆12/29/2009 19:13:00]老Jack 是我隊友,不是我。
過兩日就會出下集,請等等喇。
好家伙!
回覆刪除[版主回覆12/29/2009 23:05:00]哈哈!水哥幾時來一齊行下呀?
山水
回覆刪除睇完下面幅相...真係驚到想死...你哋真係藝高膽大...俾我去到實行坐大飛返香港都似
[版主回覆12/29/2009 23:09:00]如果妳去到,只可以好似黃帽那位女士一樣,不停叫:點算呀?我死喇! 然後一步步向前行,當輪迴到四十多次後,就會完成旅程。
山水
回覆刪除我諗我要等埋cowcow拍住一齊上先至得啦...如果唔係得黃帽那位女士相伴也令我膽顫心驚
[版主回覆12/30/2009 17:48:00]其實Cowcow 都好叻,沒有畏高,不怕暈船浪,要攀就攀,從不猶豫。
黃帽那位女士好厲害,雖然邊行邊說:我死喇! 但跟我們走過了所有險關,安全回來!
老爺似乎另有所圖,向岩壁另一邊爬去。
回覆刪除老爺...真係行得輕鬆.......
[版主回覆12/30/2009 17:51:00]這段崖壁,連mmm 都唔記得曾經行過,所以不太難行,老爺當然行得輕鬆喇!
而我仲可以上上落落拍照,所以冇有怕。
行大亞灣...厲害!
回覆刪除[版主回覆12/30/2009 17:53:00]其實不算遠,大亞灣還有幾個荒島可以玩,遲啲又去玩過。
回覆刪除崖壁咁險要,點爬呀?!好驚呀!
[版主回覆01/04/2010 09:20:00]Happy New Year !
前面兩個都有畏高,一樣要自己爬,而且爬完都唔知過了險關。
回覆刪除真係好險,可能爬果個唔覺
[版主回覆01/04/2010 09:21:00]咁你得閒去問下孖媽驚唔驚?
嘩!是孖媽嗎?幾時變得如此厲害!
回覆刪除[版主回覆01/04/2010 09:23:00]哈哈!咁好眼,孖媽經過特訓,昨天行長洲南岸,已經死少了好多次。
返來睇多次,都唔覺自己爬過危壁。好在你影得咁精采
回覆刪除[版主回覆01/05/2010 19:57:00]媽媽就快畢業喇,上星期日又跟我哋去長洲綑邊,全程都係死咗三幾次。