過了兩個主要石景區,轉個彎就到了一個更精彩的地域,我們叫它做『洪荒世界』。
SK 馬上來一個『開天闢地』姿勢。
海邊有條天然石堤
但堤內會浪奔浪流,真怪!
石堤上有好多拉鍊。
上次來這個洞時,要趟在地上才可拍得全貌,今天的24mm鏡頭,可以輕鬆一點。
型男當地上的豬扒石是紅地毯,大踏步進來。
老婆大人瞓身拍攝,加上岩壁上的圖案,像敦煌的飛天嗎?
大 菌 石
在洪荒世界又合照。
令剎那人發傻的奇岩。
久休復出的型男,好生猛!
這遍奇岩,令人不願離去。
哈哈!找到了,上次Badman 拍到的小鬼頭,今天在我眼前再出現。
每次來都有新發現,真係正!
型男細看天書壁,希望能參透玄機。
阿Jack 靜靜雞爬上天書壁,看看對六合彩有沒有啟示。
哈哈!咪執輸,快快爬上去,求張六合彩。
一陣風吹過,只有我傻傻在山腳。
在天書壁底看看..... 看著看著,由這裡直接爬了上去。
奶奶也來嗎?
天書壁頂看下去,一樣咁精彩!
異 形 浮 雕
又有新發現?
是琴鍵? 還是哨牙?
令我百看不厭的天然浮雕。
心急的隊友,已經爬過了最後一關。
但這裡有個神秘洞,他們走寶了。
新手『牛牛』最初不敢入洞,怕落咗唔上得,但經開心老爺唆擺後,三扒兩撥已經入了洞道。
老婆大人在洞尾見到老鼠尾,急急走回頭。
阿Jack又在洞中搞鬼。
當我回到洞口,『牛牛』已經爬了上去,新手畢業了!
『嘩!好大塊叮叮糖呀!』 院友阿Jack病況嚴重。
咬唔入咖,乖乖哋返落嚟喇! 『嗚嗚...... 冇得食好慘呀.....』
大隊走晒喇!行快兩步追。
老爺想沖涼?
上次人人都瓹得入的『難產洞』,今天我也要試..... 入剩對腳。
首次遇到激流的SK 與型男.... 雙雙被沖走。
咦!連老婆大人都.........
奀皮Jack 死抱住礁石,不致被沖走。
金銀壁下人渺小
咦!阿Jack,你個頭係唔係甩咗呀?
老婆大人又有新玩意。
來到這裡,應該是這段海岸線的盡頭。
如果想再探另一邊的海岸,留待下次另覓山路吧!
拍下今天未段岩坡的照片。
阿Jack 梗係好肚餓,爬得好快啊!
今晚好多隊友要做冬,已經急急腳踏上歸途, 我們都要行快兩步了。
希望來探白角的人,好好保護香港這遍異域!
你們看似受過專業的爬山訓練,是嗎?
回覆刪除[版主回覆01/18/2010 17:38:00]我們沒有受過專業訓練,但都有爛玩基因。 當然也有聽過專家指導及看過書本。
型爆呀呢張!!
回覆刪除[版主回覆01/18/2010 17:39:00]最型係你喇!企到咁高。
(Empty)
回覆刪除[版主回覆01/18/2010 17:40:00]玩到頭都甩得,呢個院友真爛玩!
我鍾意呢張
回覆刪除[版主回覆01/18/2010 17:40:00]下次妳做主角,LS 拍攝。
白角的石實在實在很美!!
回覆刪除[版主回覆01/18/2010 17:41:00]一個連岩石協會都不知道的地方。
回覆刪除小鬼頭真係好搞鬼!
[版主回覆01/18/2010 17:42:00]大自然的奇妙!
我鍾意呢張~
回覆刪除呢張都好呀~ 好可惜我冇影到呢D石呀...............
大 菌 石
[版主回覆01/18/2010 17:46:00]到末段妳都好似趕住走喎,去南丫島可能都會玩到天黑。 影大石要爬高爬低才可以找到合適角度,下次試下喇!
老婆大人瞓身拍攝,加上岩壁上的圖案,像敦煌的飛天嗎?
回覆刪除直頭係情人眼裡出西施啦.
[版主回覆01/18/2010 17:47:00]我記得妳都有影這一張。
其實係山水兄你個句.........o黎到都唔入去睇下~ 我至踏出第一步, 跳落洞咋... ,,,,,不過我仲未夠班,,,,,,仲未畢到業o架. 睇下31號南丫島又如何啦
回覆刪除[版主回覆01/18/2010 17:57:00]去南丫島一般都玩到天黑,要準備多點水及食物,記得帶電筒。
回覆刪除甩頭都抵啦,影得咁靚仔,唔知係唔係啱啱食完藥呢!
[版主回覆01/18/2010 17:58:00]阿Jack 真係好過癮!
好似好好玩咁
回覆刪除[版主回覆01/18/2010 17:59:00]我哋次次都好好玩!
回覆刪除會唔會又叫 SK 石景?
[版主回覆01/18/2010 18:00:00]叫『SK 開山石』!勁唔勁呀?
回覆刪除真係萬人迷
[版主回覆01/18/2010 18:01:00]阿Jack 近來好紅,熱爆附近幾個Blog!
山水兄
回覆刪除你哋好似開始越嚟越多大合影喎...不過我就好鍾意睇到你哋既大合影呀...牛牛真係越嚟越犀利喎...
[版主回覆01/18/2010 18:06:00]Annie 如果係小組活動,個個咁玩得,一聲號令,自然齊集;玩大隊因為新人多,唔多熟,自然較少合照。 牛牛好快畢業了。
回覆刪除這石堤很像鱷魚啊!
[版主回覆01/18/2010 18:07:00]哈哈!睇真又幾似喎! 原來妳都有慧根。
喜歡這個 "藝術品" , 有獨特氣質
回覆刪除[版主回覆01/18/2010 18:09:00]鬼頭仔係Badman 上次發現的,真係好特別!
因為我仲係行得少,,,,,,有時會影到唔知影乜 (其實係冇經驗, 唔知影邊d至靚)
回覆刪除---------------------------------------------------------------------
老婆大人瞓身拍攝,加上岩壁上的圖案,像敦煌的飛天嗎?
點解山水兄個blog會好睇d, 就係因為唔單上你d相影得好.....內容你都寫得好呀嘛.......就正如你都話我影過呢張相.....但就冇你咁貼切o既形容詞, 你一講敦煌.........我就..........係喎.........係真係幾似喎........
[版主回覆01/18/2010 18:27:00]哈哈!但我寫得沒有剎那人的詳細,只是寫出我的想法及感覺而已,近來他們常說的『院友』,我在2008年已經寫在網誌上,可能因此 mmm 叫我做院長。 ( 右邊 書籤欄 內 - 院友由此起 )
哈哈!但我寫得沒有剎那人的詳細,只是寫出我的想法及感覺而已,近來他們常說的『院友』,我在2008年已經寫在網誌上,可能因此 mmm 叫我做院長。
回覆刪除( 右邊 書籤欄 內 - 院友由此起 )
-------------------------------------------------------------------------------
剎那人o既真名其實叫做......................超級剎那人...........佢手文筆又夠勁啦. 直頭好似睇緊"剎那帶你上山下海"呢本香港本地遊雜誌咁. ,,,不過講生動就................好似唔係你個皮.
[版主回覆01/19/2010 10:40:00]哈哈!剎那人是中大高材生,支筆當然勁,我連中學都未讀完,只會看自己喜歡的書,所以只會寫自己的感覺。
其實我都唔怕攞多水多o野食, 我都好似3m咁, 鍾意一路行一路食o既, 咁樣就好夠精神行. 之但係,,,,,,,,,,,,,我想請問點解決大小二便呀??上次行白角..........都幾想去小解o架........好彩最後都忍得住......... (淨係睇呢個問題就知我仲未畢到業啦. )
回覆刪除[版主回覆01/19/2010 10:47:00]我知道男士越行越後就是需要解決問題,至於女士,應該會向身旁女士提出,而一齊看合適地點,再通知隊友不要過界。 我們去的地方都是冷門地方,遊人不多,大可放心。
山水兄
回覆刪除牛牛有你哋既照顧...當然好快學識啦...不過佢話自己有排未畢得業喎...點解山水兄你突然由院長變左校長架...幾時出畢業証書俾牛牛...到時我就出值牛牛畢業禮... ...不過請你哋早d通知喎...你知道啦...要準備好多嘢架
[版主回覆01/19/2010 10:52:00]哈哈!年紀大,資歷深,就可以為所欲為,鍾意做院長就是院長,喜歡做校長就是校長。 牛牛初級班當然可以畢業,現在升中班,月尾入學。
你放我咁大個頭出來,實俾我的仇家割左出來 變左無頭鬼啦:
回覆刪除[版主回覆01/19/2010 13:44:00]喂喂喂!咪亂認呀,嗰個係要定時食藥嘅阿Jack 喎,你睇清楚先喇!
嘩......今次南丫島行到天黑.............即係話...........
回覆刪除哦.....又有新體驗.......好事好事.
[版主回覆01/19/2010 19:29:00]南丫島好大咖,有排玩!
"阿Jack 真係好過癮! " 咪當我係公仔啦,俾soso睇到我咁樣,個頭真係會甩
回覆刪除[版主回覆01/19/2010 19:30:00]近來大叔唔出來,梗要有個人令大家開心開心。 不如叫埋SOSO 一齊出來玩喇!
型男好特出,哈哈。 見到咁多靚石頭,當天玩得好開心
回覆刪除[版主回覆01/19/2010 19:32:00]那天有好多型男,但正牌型男依然凸出。
咬唔入咖,乖乖哋返落嚟喇! 『嗚嗚...... 冇得食好慘呀.....』 唔怕,山水請食雪糕
回覆刪除[版主回覆01/19/2010 19:33:00]哈哈!其實個山都似混尼拿雪糕,一人舔一啖喇!
難怪難怪..........後生仔寫得一手好文章.........原來係中大文人, 失覺失覺 (每次睇剎那blog都好佩服佢寫得好仔細, 好有味道)
回覆刪除[版主回覆01/19/2010 19:34:00]哈哈!搞到剎那人都現身喇!
>剎那人是中大高材生 哈哈哈 讀中大唔一定讀中文 不過讀中大就一定唔識英文 我重差尐畢唔到業 你話係唔係高材生拿?
回覆刪除[版主回覆01/19/2010 19:36:00]哈哈!你唔止識英文,仲有日文添, 阿水哥話齋:真才子也!
山水兄
回覆刪除以你既地位《為所欲為》唔應該出自你個口喎... ...原來牛牛係初級班畢業呀 ...仲要升中班、高班... ...咁樣等畢業酒會咪有排囉 ...想呃餐飯食咪更加有排等囉... ...等我諗個另一方法先
[版主回覆01/20/2010 18:18:00]Annie 唔 為所欲為 都 從心所欲 喇! 我哋個個星期去玩,玩咗四、五年才升到元老組,當然有排玩喇!
你地真係好攪鬼!
回覆刪除[版主回覆01/20/2010 18:19:00]都係阿jack 嘅問題。
好盞鬼,玩得又寫得兼影得,都得你至得!!
回覆刪除[版主回覆01/21/2010 09:16:00]咁妳有冇興趣一齊玩吖? 我們1月31日入南丫島呀!
唔掂, 啲石愈睇愈靚,真係嚟10次都睇唔哂。
回覆刪除[版主回覆01/21/2010 09:20:00]我去了白角四次,依然有看不完的石景,果洲群島,最少去了四十次,仍然有新發現,跟社長在香港玩了九年,發覺還有好多海島未踏足。
嘩...我一個月至玩一次........咪唔洗慌升班??
回覆刪除[版主回覆01/21/2010 09:22:00]哈哈!我們是好特別的例子,不可作準,妳已經比那些一年才玩幾次的多了。
我來報名南丫島中班,有冇位呀?
回覆刪除[版主回覆01/22/2010 18:00:00]南丫島圓角是小組活動,有興趣可以去 1372 處報名。 有幾個攀爬位,可能又要死好次才可以完成。
呀!真是活靈活現
回覆刪除[版主回覆01/23/2010 18:11:00]鬼頭仔係Badman 上次發現的,我再找到有點幸運。
3M近來真是紅透半邊天,連身手也不錯...
回覆刪除[版主回覆01/23/2010 18:13:00]哈哈!依個係奀皮Jack 呀!人氣爆晒棚喇!