2010年 7月4日 天晴
地點 : 西貢 甕缸群島 之 橫洲
相機仔:Canon G10
橫洲,在我最喜歡的荒島排名中,位處頭五名之內,此島南面岩岸的石柱群,氣勢磅礡,如天宮垂簾,橫洲角洞,屬東海四大名洞之首,U 形洞,險中帶奇,乾身入,濕身出,非常好玩,當然還有我的私家泳池、大斷頸、黃白橋、氣穴 等天然奇景, 組成一個百去不厭的好地方。
雖說是我喜愛的荒島,但相比甕缸群島其他成員,橫洲反而是我去得較少的一個島,為什麼? 因為橫洲在甕缸群島中的最東面,只要有點東風便難以靠近,而社長又認為橫洲的知名度不高,屬票房毒藥,差不多兩年才去一次。
今年橫洲的行程,社長原本只安排探探橫洲角洞及氣穴,到叫我幫手時,我理所當然提出條件。
我要全走橫洲! 『唔... 好熱喎!』
我要全走橫洲! 『好辛苦喎!會唔會中暑咖?』
我一定要全走橫洲! 『咁.... 咁你哋小心啲啦!』
哈哈哈哈!又有得玩!好嘢!
7月維港的天空,真美!
橫洲最東面的橫洲角,今天一定要踏足其上。
先遊橫洲角洞。
小駁艇來會合。
橫洲角洞頂。
今次穿遊橫洲角洞,拍的照片並不理想,如想看多一點,請看去年的
橫洲
跟我們玩了七、八次的孖媽,已經畢業,現在行得很輕鬆,成日笑。
在大斷頸登陸。
由成日叫:『死啦!死啦!呢次我死啦!』到今天百百厭厭亂咁爬的孖媽。
型人的 Pose
今天的海水,清澈透底,好誘惑。
真係好想跳落去。
隊友走上走落取景。
睇到唔想走。
靈 龜 石
對面的火石洲,一樣咁吸引。 ( 欖灣角洞/ 關刀大洞 )
天 海 相 連 ( 好鬼靚,要搵 米院友寫首詩至得)
伙頭墳洲 (現在叫 晨曦島)
甕 缸 群 島
這麼好的風光,就算中暑都值得。
火 石 洲 全 景
今天個個隊友都好 FIT。
遠眺 橫洲角 / 東角頭
路 邊 小 花
步往東角頭的山脊,嚇退了幾個隊友。
這位隊友,為了拍照,可以搏晒命移向崖邊,叫到口水乾都唔想回來,直到話將佢列入黑名單,唔準報名才退回來。
心想又幫社長趕客,誰知她回到船上馬上填表兼交會費,即刻入會,仲報埋下次行程,真奇!
走在橫洲角洞頂的山脊,又嚇走了幾個隊友。
又幾險喎......
鏟過一片密林,來到東角頭。( 我喜歡叫東盡頭,像到了世界盡頭。)
隊友都在欣賞天海相連的景色。
這就是吸引我來這裡的風光 - 海到無崖天作岸
肥m 還未中暑,在手舞足蹈。(咦!個肚腩真係細咗喎。)
回程了,依原路回大斷頸。
有隊友回程時才識驚。 ( 嘩!原來咁險咖 )
孖媽又走完了一個險位,可以升呢。
有個擂台,當然要拍有型合照。
拍照時,牛院友突然轉身:『嘩!你做乜拉到條褲咁高,想搶鏡呀?』
型男:『我咁型,一企响度已經人人都望住,如果要搶鏡就拉低而唔係拉高啦!』 - 院長設計對白,與事實並不相符。
回到大斷頸
老婆大人在岩壁上取景
我已攀上了大斷頸,但有十個隊友棄權,稍後安排小艇接他們。
牛牛也跟來了。
有些隊友覺得這個位更險,行到腳震震。 是嗎?但風景很美啊!
黃 白 橋
看到這樣美的海灘,已經忘記了剛才的險阻。
肥m 叫這裡做黃金水道
清 澈 見 底
橫 洲 氣 穴 今天平靜可人。
有隊友受不住誘惑,跳海了!
氣穴上的岩石,也是拍攝的好題材。
還是喜歡看水。
精力充沛,還在岩壁上走來走去。
大船回來了,但小駁艇船尾機壞了,有後冇前,要靠搖櫓慢慢走。
回到大斷頸,接回隊友。
又一個精彩行程,香港真美!
攞o左獎先~
回覆刪除[版主回覆07/19/2010 11:49:00]
獎品豐唔豐富呀?
有些隊友覺得這個位更險,行到腳震震。 是嗎 ?
係呀~ 好不容易至爬到上o黎........點知仲恐怖,,,,,斜到死,,,,,,急急腳行快d上番平地.
今次橫洲之旅.......真係feel到院長係癲o既.
[版主回覆07/19/2010 11:51:00]咁妳都可以完成,證明妳都有少少癲喇!院友
院長~ 呢幾隻英文字仲大隻過條船.......大剎風景喎~
[版主回覆07/19/2010 11:56:00]冇辦法喇!有人偷相咖,係咁咦蓋個郵址當宣示主權啦!
實情係......提醒型男小心鹹濕院長抄底影上.......
[版主回覆07/19/2010 11:59:00]我係院長,可以求其搵個藉口檢查身體就得啦!
唔使偷影咖........
>> 我一定要全走橫洲! 『咁.... 咁你哋小心啲啦!』
回覆刪除吓?咁我咪好好彩囉,第一次就可玩盡橫洲縱橫
咁講,我腳頭又幾好喎
[版主回覆07/19/2010 12:01:00]係呀!上一次全走橫洲已經係2002年嘅往事了。
近賞甕缸群島,視覺大大的享受!
[版主回覆07/19/2010 12:01:00]真係好正!
<<只要有點東風便難以靠近,而社長又認為橫洲的知名度不高,屬票房毒藥,差不多兩年才去一次。>> << 我一定要全走橫洲!>> 唉 ! 我真是錯過了
回覆刪除[版主回覆07/19/2010 12:04:00]上一次全走橫洲已經係2002年,所以我才堅持全走。
只要保持身體好,香港還有很多美麗風光,這個星期的尖洲就是其中之一。
這幅拍得很有想像力 : 我覺得我像是小鞭子, 坐在那兒欣賞那美麗的天空雲彩, 清徹碧綠的海水, 很美...很美哩 !
回覆刪除[版主回覆07/19/2010 12:09:00]小辮子不帶相機,每次都用心來欣賞風光,也是最好的魔盜王,這張相我也很喜歡,遲啲晒大相。
自由自在, 非常嚮往
回覆刪除[版主回覆07/19/2010 12:10:00]等緊妳題詩.......
山登絕頂我為峰 - 這幅拍得很美
回覆刪除[版主回覆07/19/2010 12:10:00]好彩有人做比例。
原來型男有嬌俏的一面
回覆刪除[版主回覆07/19/2010 12:11:00]軟硬兼備,真型男也!
記得當年乘風航去了橫洲角眾人跳落水游過月牙洞頭向上望那些六角柱石真是很震撼
回覆刪除[版主回覆07/19/2010 12:12:00]嘩!勁呀,竟然游水穿洞。
你個究竟係乜嘢團嚟嫁,個個隊友都好似好專業咁嘅?次次行程都咁精彩,真係恨死人!
回覆刪除[版主回覆07/19/2010 12:15:00]我們參加的是 友晟之友 有興趣可以一齊玩,這個星期日去尖洲,好正。
其實我同LS好多年前參加過社長的穿洞團, 橫洲是其中一個景點, 但那天天氣好差, 無法穿洞. 我對這個洞好有印象, 因為好大.
回覆刪除看你們拍的照片, 覺得好靚. 謝謝你們的分享
相片中這段路不太險, 呢個位我好有興趣, 希望將來有機會體驗下
[版主回覆07/19/2010 12:18:00]咁妳哋幾時得閒來看看造物主賜給我們的禮物呀?
睇到咁靚嘅天空,同咁靚嘅風景, 人都開心哂!
回覆刪除[版主回覆07/19/2010 12:28:00]喜歡的人會好欣賞,好讚嘆;
喜歡留在冷氣房的人會話我哋傻,藍天白雲?想晒C 人咩!
见到都脚震 .... 可以颁个奖项比每位健儿
回覆刪除[版主回覆07/19/2010 12:29:00]這裡跟火石洲的劍脊還差得遠呢!
山水兄,這兒美極了! 那天因事沒參加,可惜啊! 什麼時候再搞 一次 ?
回覆刪除[版主回覆07/19/2010 12:33:00]橫洲一年最多去一次,而全走橫洲..... 上次是2002年,希望這次去過的隊友多點介紹,儲夠每年行一次的人數(60人)。
[版主回覆07/19/2010 12:34:00](Empty)
<<要搵 米院友寫首詩至得>> 點解昨天留回應時看不到這句話
回覆刪除[版主回覆07/19/2010 12:35:00]哈哈!畀張相吸引咗入去,睇唔到啲字。
天伴閒雲了無垠 , 海泛帆蹤空留印 , 相知野鶴遨翔飛, 連捲清風任我行 。
回覆刪除[版主回覆07/19/2010 12:37:00].... 連捲清風任我行。
任我行! 我鍾意呀!
謝謝米院友!
係咪有餐好 o野 食 no ice-cream
回覆刪除[版主回覆07/19/2010 12:39:00]好呀!德國豬手、西班牙海鮮生米飯還是法國鵝肝好呢?
哈哈! 型男真係好似專燈拉起條褲邊喎!
回覆刪除[版主回覆07/19/2010 12:40:00]型男標誌!
山水兄真是拍得出 FM 所稱的 黃金水道 .
回覆刪除[版主回覆07/19/2010 12:41:00]山佔三成,水佔七成,睇水梗係叻尐喇!
山水兄
回覆刪除近期既藍天白雲真係好靚呀...你同得意姐都好鍾意影藍天白雲架...我最鍾意綠草藍天白雲既組合...真係望見都覺得眼前一亮架...
[版主回覆07/19/2010 12:50:00]成個7月的假期個天都好靚,坐在船上,看海看天已經好舒服。
山水兄
回覆刪除這幅相真係一流...好舒服既感覺...如果係秋涼既時候...應該更加舒服架...
[版主回覆07/19/2010 12:51:00]秋天後就算有藍天都少了白雲,感覺會好唔同。
吓~ ??? 原來全走橫洲已經係2002年o既事啦?? 我咪好LUCKY?? 下次再行,我咪年過50~?
回覆刪除[版主回覆07/19/2010 12:53:00]係呀!所以堅持係有道理嘅。
如果多點人支持,明年再走橫洲的機會就會大增了。
<<好呀!德國豬手、西班牙海鮮生米飯還是法國鵝肝好呢? >> 哈哈, 三樣都好吸引喎 , 有得食真開心 , 謝謝 院長
回覆刪除[版主回覆07/19/2010 19:09:00]哈哈!妳真係為食。
排隊續樣試。
山水人士 晚上好!
回覆刪除認識到"山水人士",香港風景乜都知!
[版主回覆07/19/2010 19:13:00]哈哈!在香港我愛水多於山,想看多點海岸風光就一定可以滿足大家。
有幾個唔識游水及識游水的人用盡船上的浮板,水泡救生衣,由幾個識游水和一個唔識游水為一組落水,幾個教練落埋水,當然要風平浪淨的時候;所以那次乘風航真令我難忘那次的橫洲角深深留在記憶中......
回覆刪除[版主回覆07/20/2010 09:09:00]因為要幫手及拍照,相信游水穿橫洲角洞的機會不大了。
或者等社長壓陣時可以試試。
多謝你的堅持,才可一暏她的風采,一次未能盡覽盼能再踏在她的土地上
回覆刪除正在找伴同遊尖洲........望能成行
女子我真的有"慧根"架......院長......哈哈
[版主回覆07/20/2010 09:10:00]哈哈!我大約估到妳是誰了!
希望星期日見到妳。
"冰"旅後又要回到"火"旅的地方, 懷念冰天雪地的日子冇
回覆刪除[版主回覆07/20/2010 18:54:00]嘻嘻!我適應力好強,由『冰』到『火』,一樣咁好玩!
回覆刪除喜歡這兩張,有人的山水就有情.
[版主回覆07/22/2010 08:29:00]謝謝欣賞!
我也喜歡將適當人物加在相片中,有人自有生氣,張相都好睇啲。
藍天白雲,青山綠水伴著走, 好舒暢 ,
回覆刪除我家陣都想跳落去游水 !
[版主回覆07/22/2010 08:30:00]咁有時間可以一齊來玩玩。
再去橫洲!好呀!每年都攪一兩次啦!
回覆刪除[版主回覆07/22/2010 08:31:00]橫洲一次睇唔晒,還有精彩的海岸線未去。
回覆刪除院長,唔見你上去o既?
[版主回覆07/22/2010 08:34:00]因為要等大船、安排上落位及叫隊友準備回航,如果我再爬上山,人人跟住上就會誤了歸航時間,這也是我間中唔想帶隊的原因。
回覆刪除e 個角度, 真係幾險
[版主回覆07/22/2010 19:03:00]其實行過咗都唔多覺。
我都要支持下,明年又要攪去橫洲啦,等我叫2個影相朋友都去。
回覆刪除之後由佢地在大斷頸..... 到時佢地唔想行,要用部D3換我部D300...HAHA
[版主回覆07/26/2010 09:02:00]如果明年再去橫洲,就去海邊的海上宮殿、U 型洞、私家泳池啦!
不過我都會搵啲靚位,畀機會你同朋友講條件,換 D3 嘅!
媽媽真係好得,完全投入。院長的特訓果然有效。
回覆刪除[版主回覆07/26/2010 09:06:00]話時話,都好耐冇聽孖媽叫『我死喇!呢次我死喇!』
下次出來叫佢講一次,錄埋音上載畀大家聽。
<<< 社長又認為橫洲的知名度不高,屬票房毒藥,差不多兩年才去一次。>>> 如果社長用你和其他人的靚相去出番本橫洲影集,或者係facebook開番個group用中英文講下橫洲。我驚佢個個禮拜攪都爆爆,仲係放人係黃白橋一帶玩游泳都團團滿。
回覆刪除[版主回覆07/27/2010 08:26:00]如果社長的商業頭腦發達點,東海根本沒有票房毒藥,無論火石洲、峭壁洲、番鬼倫洲、核心列島、牛尾洲、吊鐘洲....... 個個精彩,玩極都玩唔玩完,可惜社長.......
<<橫洲一年最多去一次,而全走橫洲..... 上次是2002年,希望這次去過的隊友多點介紹,儲夠每年行一次的人數(60人)。>> 唉...我錯過左...院長唔記得捉我入院深切治療! <<如果社長的商業頭腦發達點,東海根本沒有票房毒藥>> 不過,我們喜歡跟社長團亦因為他不太商業,不會像那些購物團,只有時間購物,沒時間欣賞美景。
回覆刪除[版主回覆08/10/2010 19:58:00]哈哈!那天妳的朋友跟我去行山,妳就選擇游水,算是走寶了,希望明年有機會再去喇。
我說社長的商業頭腦,不是帶人去購物,而是怎樣推廣他熟識的海島風光,他在港內大小島嶼縱橫了三十年,每個海島,每條海岸線都熟知,如果能在一些報章、雜誌推介,就唔會有票房毒藥了。
好想去啊,請問有甚麽團可以好像你們這樣去橫洲的呢?我上網找很久都沒有
回覆刪除[版主回覆05/15/2011 20:56:00]橫洲是荒島,一般人就算上到去都唔知點行,你可以上友晟旅遊網頁: www.yaushingtravel.com 7月1 日B線會去