2010年 10月16日 密雲 間中有陽光
地點:荔枝窩 吉澳 鴨洲
相機仔:Canon G10
社長今天有包團,由於人數多達二百七十人,社長除了親自帶領外,還叫了幾個資深會員幫忙,我也是其中之一。
香港最美麗水道 ─ 紅石門 - 老沙田段
老沙田這棵大榕樹,與旁邊的紅岩可說是絕配。
雖然天色朦朧,但無損紅石門的美。
經過個多小時航程,到達荔枝窩。
來到荔枝窩當然要探探『通心樹王』- 秋楓
下面這張相,看似平靜,實則是兩棵樹在拼命。
霸道的榕樹,生長在秋楓旁邊,經過一段日子,攀附在秋楓上的氣根,漸漸結成一張大網,將秋楓緊緊包圍,如秋楓不能抗衡,將被絞殺。
但目前情況,秋楓依然枝葉茂盛,相信兩樹的對抗,仍會爭持一段日子。
公廁旁的老榕
先死而後生的樟樹 - 被風吹倒的主幹,並沒有因此而死亡,橫枝不斷生長,現已成荔枝窩的奇樹之一。
全港最巨大的『白花漁滕』。
可惜主幹被侵蝕,不知還可以支持多久。
結成一個『2』字。
樹形鬼怪的 『銀葉樹』
巨大的板根,加添了恐怖感。
離開荔枝窩,大隊來到吉澳。
二百七十人的大軍。
近來看了龍生九子的資料,知道這是九子之一
狻猊,喜煙好坐,一般被雕成香爐腳。
天后廟屋簷上的叫 - 螭吻,口大好吞,善長噴水吞火。
所以安放在屋頂,可作防火用。
清朝 光緒六年製作的浮雕。
保存得不錯,人物表情依然可見。
天后廟內也發現九子之一:睚眥
龍身豺首,性格剛烈,好殺好鬥,適合刻於武器上。
廟門上的兩大門神,
是直接刻在木板上,直得細看。
造型都幾誇張的石麒麟。
平日寧靜的吉澳,今天遊人不少。
在吉澳吃過海鮮餐及行了幾處我平日甚少踏足的景點後,
向今天的尾站出發。
鴨 洲
由於今天的參加者平日甚少到郊野,社長便將大隊分組,不想行的留在船上或碼頭附近吹吹風;輕鬆點的可跟社長直接到鴨眼洞遊覽;有腳骨力的可以跟我圍島行一圈 (45分鐘);心想平時少郁動的人應該跟社長走走好了,跟我的不應太多吧......
誰料七成人都走過來跟我全島遊,真的估不到。
全島遊的第一個景點─ 篤地岩 (在等待割禮的小傢伙)
崎嶇的岩岸,並沒有嚇退任何人。
天公放晴
各人忙於拍照。
將大隊帶到碼頭後,獨個兒四處逛逛。
鴨洲上的大榕樹,有八、九層樓高。
第一次走上山脊上的觀景台。
觀 景 台
鴨洲觀景台上的測量柱。
民 居
戶戶有沙灘
離開鴨洲,踏上歸途。
印 洲
印 洲 塘 風 光
直門水道上的麒麟石。
平時跟社長出海,大多以攀難犯險為樂,而且拚足四、五個小時都只需兩個蘋果便夠,但今天連汗都沒有出的行程,竟然會覺得好肚餓,吃了一粥一飯,似還未飽,真奇!
嘩!
回覆刪除[版主回覆10/25/2010 13:38:00]《嘩!》係好正.... 還是好驚呀?
#1
回覆刪除[版主回覆10/25/2010 13:37:00]歡迎!歡迎!
>>誰料七成人都走過來跟我全島遊
回覆刪除可能因重陽節, 大家當登山
[版主回覆10/25/2010 13:40:00]哈哈!鴨洲扁噠噠,冇得登高,可能係好奇,人行我又行。
#2
回覆刪除[版主回覆10/25/2010 13:40:00](Empty)
好大顆樹、要去睇吓!
回覆刪除[版主回覆10/25/2010 13:41:00]這棵樹真係好高大,每次上鴨洲都會探探佢。
四仔
回覆刪除[版主回覆10/25/2010 13:42:00]四仔都抱抱啦!
飛天五 兩次都把握唔到上觀景台, 原來上面環境真不錯.
回覆刪除[版主回覆10/25/2010 13:45:00]歡迎飛天五!
真係好少機會上,所以當日趁有好人買手信時,急急腳上去睇睇。
山水兄
回覆刪除係果度住都唔錯呀!果日應該都行得好開心啦!你哋係唔係就嚟出發去台灣啦?鮎魚對台灣既影響好大,因此更加要小心為妙,祝你哋一齊順利、萬事小心、一路平安
[版主回覆10/25/2010 13:50:00]Annie
謝謝關心!
台灣高山變化好大,我們已經請了高山嚮導帶領,安全幾時都擺在第一位。
我常來荔枝窩只有兩樣東西要做, 從前是來燒炮仗, 近來多為食而來. 真的沒有像山水兄仔細看看四周環境, 尤其是介紹天后廟呢.
回覆刪除[版主回覆10/25/2010 13:47:00]近年對食的要求不高,反而多了時間看人文風物,歷史典故有時真係幾有趣味。
好犀利噃,龍生九子的資料都有,你寫埋他們的名出來我都唔知點讀
回覆刪除[版主回覆10/25/2010 14:03:00]哈!謝謝你的細看。
狻猊 (孫危) - 也是古人對獅子的叫法。
螭吻 (痴吻) - 噴水吞火,消防員應該供奉。
睚眥 (崖寨) - 也是怒目相向 之意。 有『睚眥必報』一詞,即是『睥』人會俾人打。
其他六子,影到相再談。
回覆刪除戶戶沙灘海景
[版主回覆10/25/2010 14:04:00]可以問下村長有冇屋租。
幾似黃山個個宏村風味呀.........香港其實可以好靚. 唔洗山長水遠去外地睇.
回覆刪除[版主回覆10/25/2010 14:05:00]去得地方越多,越覺得香港可愛。
保存得不錯,人物表情依然可見。
回覆刪除個個都笑得好開心咁~
[版主回覆10/25/2010 14:07:00]這一景應該係『郭子儀賀壽』,但要請教下『師爺仔史提芬』。
山水兄~ 查晒資料,連樹樹故仔都講得咁動聽 , 緊係多人跟住你行啦...........
回覆刪除咁落力..........一粥一飯點夠你吔呀?? 最後有冇團友捉住你影相 + 簽名呀??
[版主回覆10/25/2010 14:12:00]哈哈!妳都知社長在陣時我會低調點,歷史掌故點及得社長熟吖!
我一向上山下海食量都不大,但當日個肚真係會咕咕聲。
下次出隊記住幫我造勢,不妨搞埋簽名會。
諗下都開心。
生命力很強
回覆刪除[版主回覆10/25/2010 14:15:00]通心樹最初有蜂... 還是蟻巢,村民放火燒之,結果燒通咗樹心,但幾十年後的今天,竟然變了名樹。
>有咩好驚呀~~
回覆刪除梗係好靚啦
[版主回覆10/27/2010 18:48:00]用心看,平淡也可以好精彩。
師爺仔史提芬,,,,,已經變做.....>>>掌故王啦.
回覆刪除[版主回覆10/27/2010 18:50:00]師爺仔近來少出隊,少咗精彩的交流。
右邊似唔似有隻馬騮仔睇住個窿口呀~
造勢呀?? 做"妹"都得呀~ 下次曬定10零廿張相........叫晒成班院友搵你簽名~ 一於"捧"紅山水兄你呀~ 哈哈哈
[版主回覆10/27/2010 18:52:00]哈哈!越來越有慧根。
妳咁聰明,做『妹』或者做『媒』都得啦!
山水人士 晚上好!
回覆刪除去年參加農護處+地質公園主辦單位
遠足行山,由新娘潭,行到荔枝窩食碗
雞粥補充體力,我係(獨行俠)想起怕怕!
[版主回覆10/27/2010 18:54:00]蕃薯兄咁精神,行遠啲都冇有使怕啦!
走寶! 早知你們行這裡,傻喵一定跟!
回覆刪除[版主回覆10/27/2010 18:56:00]哈哈!當日是包團,沒有公開行程的。
如果喵兄有興趣,下次有相同行程再通知你。
師爺仔史提芬,,,,,已經變做.....>>>掌故王啦. >>>
回覆刪除師爺仔係立華呀!唔係掌故王呀!
[版主回覆10/27/2010 18:59:00]師爺仔熟知正史、野史、外傳,有嘢唔明問佢都冇走雞。
回覆刪除唔該哂院長! 唔知台灣的測量站是什麼樣子呢?三尖八角?
[版主回覆11/05/2010 13:47:00]唔使客氣!
台灣的測量躉是方體石柱,也有拍下,遲啲有得睇。
諗極都諗唔到個"媒"字點寫 ,,,,咪求其寫個妹囉~
回覆刪除[版主回覆11/05/2010 13:48:00]哈哈!冇所謂喇,最緊要開心!
師爺仔熟知正史、野史、外傳,有嘢唔明問佢都冇走雞。 >>>
回覆刪除cow cow誤會咗,因為星期日已經幫SK改咗名叫掌故王。
[版主回覆11/05/2010 13:49:00]咁... SK 會唔會有壓力呢?
原來院長生日呀!祝院長壽比南山!成功登上南湖大山!
回覆刪除[版主回覆11/05/2010 13:50:00]多謝!多謝!
已經回來了,真係好精彩!
只要是這類級別的疏符團,我會盡量抽時間參加 報定名霸個位先
回覆刪除[版主回覆11/05/2010 13:50:00]好呀!有團就留言給你。
^^^^^^^^^^^^^^^^^^^^|| ||\_______ | 南 湖 號 列 車 || || | __| |''''''''\\____ |___......____________......__|| || |''__| |__|___||__] ''(@)''(@)''''''''''''''(@)(@)''''''(@)''''''''''(@)'' @)
回覆刪除Happy Birthday to you, Happy Birthday to you, Happy Birthday to 院長 ,Happy Birthday to you.
[版主回覆11/05/2010 13:52:00]多謝!多謝!
多謝咁多位院友在台北幫我們慶祝。
Happy Birthday 呀 .........................山..............................................水......................
回覆刪除[版主回覆11/05/2010 13:52:00]謝謝!
Happy Birthday 呀 .........................山..............................................水......................
回覆刪除[版主回覆11/05/2010 13:52:00]謝謝 茅柴!
好耐都冇去過荔枝窩, 依家仲可唔可以行入去睇d百花魚滕呀!
回覆刪除[版主回覆11/05/2010 13:53:00]遊人太多,已經欄住了。
那些樹像揮動中的絲帶, 真是難得一見呵~
回覆刪除[版主回覆11/05/2010 13:54:00]在香港境內,似乎只有這裡才有。
山水院長, 補祝生日快樂先
回覆刪除[版主回覆11/06/2010 13:49:00]謝謝YY!
山水兄
回覆刪除你哋成功登山來港啦!在此補祝山水兄生日快樂!身體健康!越嚟越開心 !山水長陪你左右 ,等睇你哋既靚相
[版主回覆11/06/2010 13:51:00]Annie
謝謝妳的祝福!
好快有第一輯相睇,留意啦!
返咗嚟啦...........今晚等你ge精彩介紹, 再等你blog 內ge台灣之行呀, 記得勤力d呀......
回覆刪除[版主回覆12/13/2010 18:33:00]近來好忙,希望這個星期可以更新網誌。
睇院長的相真係好爽。 呢度真係未去過。 觀 景 台
回覆刪除[版主回覆12/13/2010 18:37:00]院長用簡單相機,影到就影,影唔到就算,冇乜壓力,所以『爽』囖。 未去過,下次一齊去,可以帶埋So So 去。