2010年11月3日
凌晨四點鐘,除了山水,還有SK、Badman、肥m及貓B,可以抗拒高床暖枕的誘惑而齊集在民宿大門外,何老闆向民宿老闆借來一輛七人車,眾人上車後先往接載一位先前聯絡過,會跟我們一同上山看日出的女孩子 (這位女孩子與何老闆聯絡,想上合歡山看日出,何老闆見時間吻合,便問我們可不可以與她同行,要不要收錢,老婆大人見她是香港人,而且得一個,便同意同行而不收費用)。
女孩子約二十歲,上車時手提兩大袋米粉,說是給我們的禮物,可能我們包車後不收她的費用,她便準備了這些米粉給我們,真客氣。
何老闆先帶我們到清境最高的 7 ELEVEN買早點及咖啡,山水身無分文,感謝肥m付了錢;捧住咖啡回到車上,然後前往一個露天停車埸,一齊抬頭看星河,在漫天星宿中,說那牛郎織女星的故事,每年七月七日便靠得緊緊,說得淒美動人,真的要親自來看看不可。
看完星星,便駛向公路最高點,把車停好後,推開車門時,寒風撲面而來,在衣襟間亂竄,真的令人想念那暖暖被窩。
位於海拔2050公尺的 7 仔
何老闆帶領我們到小山崗上,望向東方,已見微白,肥m與貓B 張開腳架,架好相機取景,我也有一個輕型腳架,放上G10後,強風中但見腳步浮浮,擔心一放手便整套相機吹下山。
天色越來越明亮,看看對面是奇萊山,在估計日出會不會被山峰所阻,向各人交換一個眼神,便拔起腳架向上走,走了幾十級,感覺非常氣喘,原來大家都忘記了在海拔三千二百多米,不宜跑步,在一個平緩山坡再擺好陣勢,才發覺女孩子與何老闆都沒有跟上來,飼料雞還是不及走地雞,安心在平地好了。
看着奇萊峰後連綿雲海,如果太陽能在雲海間上升就完美了,但在山後上升又如何呢?這一刻只有懷着緊張的心情等待。
黎明前的月亮
雲霧靜靜滲出,漸漸瀰漫着眼前幽谷,在合歡山與奇萊山之間舞動,眾人都看得傻了眼,然後一齊呱呱叫,真的太美了!
雲海邊漸現金線,太陽應該會從那位置上升,屏息靜氣等待那….. 哎吔!強風將我的G10連腳架吹到二米外,馬上拾起檢查,幸好,只是機角有點擦花,還可以用,再擺妥後不敢放開手了。
後面傳來貓B 大叫,死喇!死喇!部相機冇晒反應呀!
可能冇電,快啲換電喇!
換咗喇,影幾張又瓜咗呀!死喇!救命呀!
可能太凍喎,收埋部相機入褲襠啦!
正當呱呱叫之時,雲海邊的金光越來越耀眼。
來喇!…… 來喇! …… 出來喇!…… 真係出來喇!
嘩!嘩!嘩!
死啦!死喇! 部相機仲係冇反應呀!
嘩!嘩!嘩! 好彩仲有部S90!
一絲金光由雲邊透出,再多一點,四份一,二份一,四份三,一大個咸蛋黃呀!
好靚呀! 雲海日出! 真係第一次親眼目睹!
正如阿杰所說,冒住寒風等的就是這一剎那,“嘟”太陽由雲海後彈了出來,金光耀目,向大地傳送溫暖,向我們這班傻人問好。
有了太陽的溫暖,貓B部相機重回人間,但不多久,一陣強風吹倒連着相機的腳架,眼看要粉身碎骨了,但相機離地面兩呎時突然停住了,原來SK忍住腳痛,橫身拉住腳架,保住了貓B 的愛機,也將貓B個心臟由個口放回原位,呼!真係險過剃頭。
公路盡頭,是蔣公當年的避暑山莊。
各人一邊拍攝,一邊讚嘆!肥m拍到傻咗,喃喃自語:就算菲林走晒光都冇所謂,就算影到一pat 屎都冇所謂,看到這個咸鴨蛋,真係滿足到唔識得形容。
曙光在山峰間斜斜透出。
曙光、雲海、林影,構成的美景。
加點芒草
走下了山崗,與何老闆來個擁抱,何老闆看見我們滿足的笑容,很自豪的說:『以前台灣人較窮,活動範圍不大,而去阿里山交通較方便,多數人便去阿里山看日出,現在台灣人普遍有車,活動範圍大了,來到石門山,發覺這裡夠高,看日出更美,所以在台灣人心中,石門山日出已漸漸取代了阿里山日出。』
何老闆還介紹了附近的風光,但相信各人心中,一時間都會被今天的日出所佔據,暫時都放不下其他風景了。
觀 景 台
女孩子幫我們拍的合照。
由清境開出的旅遊車。
石門山 武嶺 合照
何老闆在介紹附近風光
合歡山公路最高點
是時候回去會合大隊了,稍後參觀清境農場。
SK的精彩日出幻燈片 sk poon 貓 B 石門山日出
靚到難以用筆墨形容!
回覆刪除[版主回覆01/05/2011 12:25:00]謝謝來訪!
那天真的很美。
哎呀.....
回覆刪除[版主回覆01/05/2011 12:26:00]扶住先。
很美的層次
回覆刪除[版主回覆01/05/2011 12:27:00]晨光做成的效果,我只是按快門拍下了。
美呀....
回覆刪除[版主回覆01/05/2011 12:27:00]晨光第一線。
想點呢 ?? d相咁屎靚~ 想點呢?? 個雲海仲近過係南湖~ 想點呢?? 想下兩個星期去台灣時再去合歡山?? 諗下算吧啦........ (院長~ 唔洗理我,,,,等我自言自語嗡兩句就會瞓, 咁精彩o既日出, 希望發夢見到啦~)
回覆刪除[版主回覆01/05/2011 12:30:00]哈哈!多留意,妳都好快影到好照片。
去合歡山好吖,在清境住多兩晚,正!
咁妳昨晚有冇發個好夢呀?
張張都好靚,好立體,G10好掂。
回覆刪除[版主回覆01/05/2011 12:32:00]這輯相發覺有個腳架仔係清好多,去非洲都要帶埋去影星星。
好激動好激動~~
回覆刪除一面看一面在構想~~
現場看的傻了, 睇相的都傻埋
[版主回覆01/05/2011 12:34:00]現場真係睇到呱呱叫,相信山下的何老闆都會聽到。
看到這麼美的日出相片好滿足! 多謝分享!
回覆刪除[版主回覆01/05/2011 12:35:00]謝謝你時常來捧場。
千呼萬喚始出來, 並非日出, 是山水你的blog, 大佬, 唔該唔好要一衆fans等咁耐, Thank you.
回覆刪除[版主回覆01/05/2011 12:37:00]多謝支持,已經好勤力,近來都保持一星期出一篇。
當日真係無得頂。 大哥你又影到鬼火咁靚 很享受整個地方由太陽光帶出來的轉變。
回覆刪除[版主回覆01/05/2011 12:40:00]本來就係咁靚,我只是對準及按下快門而已。
那天的過程,已經『長氣』記錄在這裡。
妹妹仔真係很有禮貌!讚
回覆刪除[版主回覆01/05/2011 12:42:00]年輕而有禮貌,加一口流利國語,優質新一代。
咁大個仔第一次睇左個大陽由雲海breed出來, 個種感動真係好攞命。 好鬼靚的金光
回覆刪除[版主回覆01/05/2011 12:45:00]一個極之難忘的早上。
好豐富的構圖,
回覆刪除前,中,後景都有
[版主回覆01/05/2011 12:47:00]嘻嘻!謝謝欣賞!
細機拍攝勝在靈活,見到便拍下了。
發唔到, 戴晒耳塞戴埋眼罩, 一覺瞓天光~
回覆刪除[版主回覆01/05/2011 19:22:00]哈哈!食得瞓得,真好!
回味前年在台灣看日出的情景 當時無帶腳架,加上無技術,無影到相
回覆刪除[版主回覆01/05/2011 19:23:00]用心看,印象會更深。
靚到不得了!
回覆刪除[版主回覆01/05/2011 19:24:00]靚到呱呱叫,成個山都嘈晒。
今天新聞報導今日早上八點合歡山下了場大雪,武嶺積雪已經30公分左右,車輛無法通行只能徒步上去
回覆刪除[版主回覆01/05/2011 19:25:00]我們去的時候,氣象局已經預測今年台灣好大雪。
即時影片
回覆刪除白天才看得到畫面
合歡山小風口(遊客中心海拔3000公尺)
往武嶺是在另一條路上,該路一個地點昆陽同樣高度約3000米,現在只要車輛到達昆陽便得徒步約300米才能上武嶺
[版主回覆01/05/2011 19:26:00]行吓好啲,似登山吖嘛。
抱歉~連結失敗
回覆刪除合歡山小風口 影相
http://webcam.www.gov.tw/webcam_view.php?view=57&city=10
[版主回覆01/05/2011 19:26:00]睇唔到即時影像。
收唔到呀!
回覆刪除[版主回覆01/05/2011 19:27:00]下次唔好咁爛瞓喇!
再睇番尐相 , 令我心情再度起伏, 實在實在太靚 真是靚到 難以形容 !
回覆刪除[版主回覆01/05/2011 19:28:00]靚到不得了,印象難忘,下次又去過。
隻腳好點未呀?
你的照片是難以形容的精彩!!!十個LIKE!!
回覆刪除除左日出同你用左做banner既相十分驚嘆外,我都鍾意呢張, 好似魔幻電影的景啊:
多謝你在我荒廢左個卜的時候,俾我既留言!我會重新寫卜,同埋要向你學影相呀~~~ 祝新年進步!
[版主回覆01/06/2011 17:09:00]嘩!終於重出 BLOG 界,又可以看到妳的文章了,真好!
其實妳的遊記、文章,真的寫得很好。
關於影相,當然可以多些交流,我登山時,多數都是用相機仔。
院長開左好多專門店呀!
回覆刪除[版主回覆01/06/2011 17:12:00]哈哈!向妳學習的。
如此美景教人如何不回味!
回覆刪除[版主回覆01/06/2011 17:12:00]這裡很易去,有機會去清境時,不要錯過。
嘩! 你係用咩"相機仔"可以影得咁靚?? 我D朋友用DSLR都冇你影得咁好喎! (所以好明顯唔係機既因素, 是揸機人的水平問題~)
回覆刪除[版主回覆01/07/2011 10:47:00]上山下海都係用一部 Canon G10,主要用P Mode,白平衡就睇環境設定,再靈活運用EV+- 就可以,連相都唔使執。
DSLR 我都有,但太重,只是去一些較輕鬆的旅遊才用,今年去格陵蘭就有用。
現在的數碼相機好易用,集中精神取景就可以有靚相睇。
你就好啦, 我2次去合歡山都超級大霧
回覆刪除[版主回覆01/07/2011 10:49:00]有時去旅行真係要睇天,我們這次真係好好彩。
又多一揖人間仙境~ 美得令人窒息~
回覆刪除[版主回覆01/07/2011 18:01:00]是天公做美,讓我們看到美麗的臺灣山。
相片靚到難以形容... 睇到目定口呆~ 山水兄真是見多識廣!! 技術了得!! 除了說佩服佩服已經沒有什麼可以再讚了... 棒極啦...
回覆刪除[版主回覆01/10/2011 12:05:00]謝謝欣賞!
因為天公做美,才可以拍到美景與大家分享。
山水兄
回覆刪除你照既相真係好靚呀 ! 都唔知道點樣形容好,我諗你哋每次出旅都好多多天氣,台灣行真係照咗好多靚相返港呀 ! 多謝你既分享,我都想試下睇日出。
[版主回覆01/10/2011 12:07:00]Annie
這就是臺灣對我的吸引力,希望妳也能感受到。
回覆刪除無印像影過張甘既呢
[版主回覆01/10/2011 12:08:00]哈哈!元神未歸位。
呀!出來了
回覆刪除[版主回覆01/10/2011 12:08:00]日出前的一刻。
天公讓你們看到這麼美的日出真好
回覆刪除[版主回覆01/12/2011 11:08:00]真係要講聲 感恩!
剛剛從台灣回來, 到過武嶺, 可惜下雨, 看不到日出了。 你照片中的風境`車`店, 都一一見到了~ 只欠一個蛋黃~ 有機會, 會再去過的。
回覆刪除[版主回覆05/09/2011 09:13:00]去旅行,真的要講講運氣,台灣很近,下次再去喇,鹹蛋常在,只看看緣份了。
靚相令人震撼 , 文字令人身在現場 , 勁 ! 正 !
回覆刪除希望12月能親身感受~
[版主回覆10/03/2012 11:08:46]謝謝你們來訪。
臺灣山真的很美,
祝願你們有難忘的一刻。