大 澳 - 千景海岸20081005

             5 October 2008       黃 雨 下 的 千 景 海 岸

     上午 8時出門，天色昏暗，行山友來電：『黃雨警號呀！重行唔行山呀？』

      如果你未出門就不要去了，我答應了社長，無論如何都要去集合地點看看，如果天氣太差就改去行商場喇，反正都幾年冇行過商場了。

      9 時10分，依然大雨滂沱，在東涌港鐵站，只有兩個傻瓜團友出現，這時港鐵站內發出廣播：由於天氣惡劣，昂平 360 暫停服務。

      心想：可以去行 東薈城 了。

      9 時20分，到了集合時間，三個、五個 ..... 陸陸續續來了十七、八人，吓？唔係嘛！咁嘅天氣，咁多人都唔鍾意瞓覺，還想通山走？

     『老友，你係唔係今日嘅 首領呀？唔該等一等，還有幾個朋友來緊。』

       9 時 30分，在往大澳的巴士站數一數，竟然有 23人，23個應該去睇精神科的傻瓜。

       10 時 30分，到達大澳，循例講講：天還下著雨，如果準備不足，狀態唔好，可以留在大澳食海鮮。   心在想：去食海鮮喇，去食豆腐花都好吖。

       吓！一個都冇， 冇人想去食海鮮？ 唔係嘛，咁都行！

       好喇，好喇！行 行 行 ，唔好後悔呀！

                                         * * * * * * * * * * * * * * *

             一共 23 個傻瓜，在風雨下整裝待發。        

       

            今年的大澳，多次被颱風蹂躪。

       

              穿過 大澳棚屋，在往 深屈 的山路旁，離開正路，走出海邊。

       

             走這條海岸線，就是為了看看顏色及形狀多變的石頭。

       

            有點 畢加索 的風格，眼、鼻歪在一邊，而且有個血紅大口。

       

              牛 頭 石

       

           海 濱 綿 羊

         

               海 豚 衝 浪 ，衝 咗 上 岸。

        

           行了半小時，老天爺依然沒有停雨的跡象，忽然想起一個老方法，便在褲袋取出了一個硬幣，投向大海，心中念念有詞，在求 海龍王 幫幫忙 .....

               石     畫

        

      

        

       

              天  然  石  雕

       

                    

            咦！停雨了，哈哈哈哈！..........

           團友都可以脫下雨衣，收起雨傘。

      

             可以更細心地欣賞沿途的 彩 石。

              石 中 海 豚

      

            找到了條石海豚

      

                        火 燄 石

                    

                      千 景 海 岸，又叫 紅粉石海岸。

                    

                      石頭濕水後，色彩更濃豔。

                    

      

                    『 哈哈！好彩我們夠堅持，首領才不去行商場。』

                 

        有人見到 虫、餃子，油角、公仔餅 ......    你 呢？

      

         神 龍 乍 現             

     

              溶 岩 - 被 異 形 口 水 溶 解 了？

     

                    

     

                   

      

               岩 岸 攤  C ...

      

             有趣的石頭在脫皮

      

             番 狗 思 鄉 .... 幾時可以坐飛機返老家呢？

     

              岩 下 積 雪

     

            這裡的石頭，內外的顏色都不同。

      

             石 頭 開 花

      

            破爛了的 象牙球 - 蜂 窩 岩

     

           海 豚 上 岸

     

                相  框

     

           看到這塊大石，深屈村在望了。

     

         由 大澳 至 深屈，如果沿着山邊小路，一個多小時可以走完，但今天所行的海岸線，上午11時起步，行到這裡，已經是下午 3時40分，短短 六、七公里，竟然行了四個多小時，而且中途並無大休，這種速度，可不可以申請入 健力士紀錄大全 呢？

         入了深屈村，吃了碗美味 餐蛋麪，4 時 30分。要起步回 東涌 了； 剛剛離開海邊，可能已經過了 海龍王 管轄範圍，豆大的雨點，已經急不及待傾盆而下。



                        嘩啦！嘩啦！好大雨呀！

                  

        17:55 來到與機場一海之隔的 沙螺灣，各人衣履盡濕，邊看機場，邊相顧而笑 .........

       

         當然喇！

           因為我們都是精神病患者，下次再約埋一齊去覆診喇！

                          覆診地點： www.yaushingtravel.com

   * * * * * * * * * * * * * * * * * * * * * * * * * * * * * * * * * * * * * * * * * * * * * *

         19:30 返抵 東薈城

                   更衣後，才敢踏入港鐵   .....