其實 吉澳 還有一個名,叫 曲 島,因為此島海岸線曲折綿長,要走遍全島起碼要四五天時間,難度由輕輕鬆鬆的海鮮團,到 五星級的搏命路線,都包含其中。
今天,在相片庫找出了六年前,第一次踏上 吉澳 的照片。當年以為星多就好玩,結果行了一條最高難度的路線 - 鐮刀脊、雞公頭、雞嘴大斜壁。
資深團友,站在船頭,談論着 雞公頭 的路線。
雞公頭 全貌─
山脊左面 U 形凹位,就是 鐮刀脊,過了鐮刀脊是雞頸,再走,就是雞公頭,
沿 雞頭 落 雞嘴大斜壁,這就是今天的五星級路線。
在 涌 灣 登陸。
上山途中,回望海上風光,海中小島是 黃泥洲。
黃泥洲 後面是 蛾眉洲,尖峰是 紅花嶺。
輕輕鬆鬆,已經踏上 涌灣頂 (98米)。
對 面 洲
走在山脊上
看到 雞 公 頭,好似在飲水。
後面就是 鐮刀脊 老婆大人已經曬到紅卜卜。
山脊如刀刃,絕對不可踏錯步,否則 .......
闖過 鐮刀脊,抺了一把汗。
圍繞住吉澳的清澈海水
來到雞公頭殼頂
要單行向上爬,真係要 "四腳爬爬" 呀!
下面就是雞嘴大斜壁,可說是下臨無地。
不要說腳軟,無人可以幫你,必須靠自己。
中途可以企定影張相,風景真靚。
咦!有塊 豬頭石。
不要想跑回頭,有前無後是守則。
來 喇!
安全到達岸邊,回看剛才走過的 鐮刀脊 及 雞頸。
海邊岩石形態奇特
飛 鼠 岩 ( 飛 鼠 = 蝙 蝠 )
飛鼠岩內,相信住了幾百隻蝙蝠。 地上舖滿夜明沙 ... 好臭 !
有趣的 長 人 窿
綠 石 河
在此之前,曾經在『難度表』一文寫過,五星行程不要隨便報名,否則後果自負,今次所介紹的 雞公頭,你又點睇呢?
這輯相,是用當年好先進的 APS 菲林相機拍攝的,可惜玩了兩年多便被數碼相機淘汰了。你們對 APS 相機還有印象嗎?
記得…晒出黎架相長D…
回覆刪除[版主回覆10/03/2008 13:21:00]長啲嘅相係 H Size, 這是 APS 相機的好處,拍攝時可以選擇 C, H 及 超級闊銀幕 (兩張 C size 合併咁長)。
夜明沙 ... 對眼有益 ga
回覆刪除APS 晒得多, 未影過
[版主回覆10/03/2008 13:26:00]夜明沙,咁 ... 要來食 ... 還是用來搽呀?
APS 晒得多, 未影過 ... 咁奇? 莫非你是相片沖曬大師?
回覆刪除哇 ~ 高佬 !
[版主回覆10/03/2008 13:27:00]長 腰 = 懶 人
紅夫人!
回覆刪除[版主回覆10/03/2008 13:28:00]自始,四出搜尋防曬裝備。
嘩 !爬上鐮刀脊、都幾嚇人播!你哋真係好勇呀! 边有咁長嘅人 ar!老公頭、太座腳就真!幾有趣!
回覆刪除[版主回覆10/03/2008 13:31:00]這些極考膽識及體能的行程,近年已經較少玩了。
咁好眼!
唉!對不起!技術差、sent 咗之後、 才知衹見脚、唔見頭!
回覆刪除[版主回覆10/03/2008 13:32:00]張相咁都幾得意。
都幾危險呢!!!
回覆刪除[版主回覆10/03/2008 13:37:00]這不是一般行程,雞公頭是旅行界出名險地。
菲林的效果....真是唔同D
回覆刪除[版主回覆10/03/2008 13:39:00]始終有分別,但時代巨輪會淘汰好多東西。
見到條路已經好驚, 刺激過去玩過山車.
回覆刪除[版主回覆10/03/2008 13:41:00]玩過山車,條命要信機器,行險地,要靠自己。
回覆刪除呢個洞好型!!!!!!!1
[版主回覆10/03/2008 13:44:00]這是 觀音洞,前輩說 有個角度似觀音,所以好靚!
啲水好正,難得一見
回覆刪除[版主回覆10/03/2008 17:47:00]香港東北部海域啲水出名靚,但近年由於對面(大陸)的鹽田港不斷發展,垃圾多了,很可惜。
真是聞名不如一見的鐮刀脊、雞公頭、雞嘴大斜壁等照片,果然是一級險線...幾時再去過,預埋我。
回覆刪除[版主回覆10/04/2008 09:00:00]想再去,就要幫 社長 加番啲膽汁先。
同意Sk所講真的好險,有點腳軟
回覆刪除[版主回覆10/04/2008 09:03:00]諗清楚才好報名,這是所有五星行程要注意的。
你個膽練咗咁耐,應該冇問題喇!
多謝分享
回覆刪除[版主回覆10/04/2008 17:35:00]謝謝常常來訪!
其實 APS ge size 同一般 135 size 一樣, 3P = 3R cut 上下, 5P = 5R cut 上下, 係晒相時人地幫你 cut 左.... 同你用 H 影完自已 cut 上下一樣 ga. 所以, 晒 APS P 相一定唔會有白邊
回覆刪除APS 最方便係唔駛劃相底, 不過晒相 ge 質素就爭 D lor.因為相底 size 細過 135mm
[版主回覆10/04/2008 17:39:00]哈哈!果然專業。
質素係差啲,但有菲林味,粗粗地,夠懷舊。
亦因如此,被淘汰了。
哇!我唔敢去囉!腳軟呀!
回覆刪除[版主回覆10/06/2008 09:04:00]哈哈!這的確不是一般路線,但吉澳亦有柔情一面,稍後再來睇喇。
愛郊遊不是愛搏命,自知力不足,五星行程從不報名,至多行四星,不過友晟的四星多似是五星,三星的多似是四星,所以四星我都好少報。
回覆刪除睇你啲靚相已大開眼界了!
[版主回覆10/06/2008 09:08:00]行到幾多粒星,好在乎當時環境,情況許可,領隊會略為改變行程。 正面睇,是驚喜,負面睇 ..... 攞命咩!
好靚的風景 好靚的照片 好嚇人的旅途 只會看 永不參與
回覆刪除[版主回覆12/15/2008 18:09:00]哈哈!無限風光在險峰嘛。
唔參加也可以常常來看我的網誌呀!
香港海域的風光真的不錯。