黃竹角嘴，是香港最古老的岩岸，大約有三億六千萬至四億萬年歷史，也是我最喜愛的海岸線。
行山界強人，都會由烏蛟騰起步，翻山越嶺去挑戰這條終極之路，因為一來一回起碼要九小時，如果要大休、小休，十一小時是少不了。
但如果全程行走山路，黃竹角嘴的精髓就會看不到，因為最美麗的風光盡在海邊，而近年被我們社長(梁榮享先生)一手捧紅的『鬼手岩』，也是在黃竹角嘴最東北角，去黃竹角嘴而看不到這一帶的美麗岩石，可說是入寶山，空手回。
今天，我們就由海路出發，全程走在海岸線，看一看這個奇妙的石頭世界。
今天好熱鬧，有七、八十人慕名而來。
以往，社長都是安排在鳳凰笏起步，當去到鬼手岩後，大部份人都放軟手腳，等船來接，之後的火紅海岸，都無法欣賞了。
今次安排在火紅海岸登陸，逆向而行，讓大家先看看這段海岸，是否真的名符其實！
一上岸已經看到像倒瀉朱古力似的岩石。
火 紅 海 岸， 紅 嗎？
連來過多次的老婆大人，也要為它拍張大特寫。
一路行，一路不停指指點點，還要問點解，點解石頭會咁紅？
『石頭怕醜吖嘛，咪面紅囉！』
玲 瓏 石 雕
一段紅石，夾住一段黃石。
又再踏在火紅石上。
不要問危唔危險，因為真的不危險。
而且每個人心中，都在為造物主鼓掌。
一 葉 潭
煎 餃 子
大 眼 睛
型男不在，壯丁伉儷頂上。
一隻蹦蹦跳的綿羊。
哎唷！跌咗入石窿。
高 妹
鴛 鴦 岩
曲 折 岩
滑 梯 岩
白 頭 蜘 蛛 俠
嘩！好大陣仗呀！ 又扶又抬，保證安全過關。
大隻男，為何咁心急？
嘩！人肉欄杆， 勁！
Thank You !
我又過！
扶欄杆都過唔到？ 抱妳過啦！
大隻男今日咁幫得手，醒兩張相畀你威威！
又再看我的石頭世界，一層包一層，似古樹化石。
又 繼 續 爬。
咦！到大休地啦！可以呌呌啦！
啲石頭係唔係老得濟，咁縐嘅？
‧‧‧ 還有下半場
由火紅海岸逆走，可慳番D腳力呀！極度支持！
回覆刪除嘩！呢種隔空跳Over我都係第一次見，大隻男好o野！
[版主回覆03/14/2009 09:00:00]這樣逆走，也會受風浪影響，當日幾乎找不到適合石灘回大船。
但好處是保證看齊黃竹角嘴精華所在。
大隻男時時都咁神勇，除了起步時跣咗落水......
黃竹角咀的海岸保護價值的確很高。
回覆刪除由相片中見，大致未受污染，與因位置處於赤門海峽的急流海面有關。
歡迎到來一看，行山書的BLOG。
[版主回覆03/14/2009 09:02:00]但願有關部門不要因保護而造成重大破壞。
玩得好開心，好刺激
回覆刪除[版主回覆03/14/2009 09:03:00]真係好美麗的地方。
香港原來這麼美！那位大哥是否學過壁虎功？
回覆刪除[版主回覆03/14/2009 09:06:00]黃竹角嘴在我心中是排第一位的海岸線。
大隻男是健身教練，好勁！
大隻佬跳OVER好厲害,佩服佩服,期待更精釆的下集
回覆刪除[版主回覆03/14/2009 09:07:00]哈哈！要問大隻男攞廣告費，咁多人問佢嘅。
大隻男~~做人肉拱橋俾你們過河~~~勁呀！ 期待下集........
回覆刪除[版主回覆03/14/2009 09:11:00]參加這種野外活動，都是互相幫忙，當天如果不是他，做欄杆嗰個就是我，妳們便冇相睇喇！
美輪美奐展花卉，奇花異草來各地。
回覆刪除愛花及景要趁早，莫等花謝觀賞遲。
回覆刪除[版主回覆03/14/2009 12:37:00]真係好好玩咖！
景靚.影的又靚.睇到都開心!(我成日追住看 )
回覆刪除有麼也資格可以加入啊?我都好想行下山.學下影像架!
[版主回覆03/14/2009 12:36:00]歡迎來訪！
只要有興趣都可以來參加，可以看看行程表，選擇適合的便可以報名參加。
www.yaushingtravel.com
留意星星指示，星越多越難行，詳情可看看：
http://hk.myblog.yahoo.com/wintech_auto/article?mid=4769
無我份,得過睇字,無引!
回覆刪除[版主回覆03/16/2009 08:59:00]忍下喇！5 月尾可以行餐飽喇！
而家妳都有週二行山隊喎。
腳短點算? 駛唔駛整招"輕功水上飄" GA?
回覆刪除[版主回覆03/16/2009 09:02:00]其實唔算太闊，只要對幫妳的人有信心，要過不難。
當日也有人選擇脫鞋落水行。
回覆刪除大隻男真利害！
我記得呢個位要兜上去，再落返來過呢個崖位，大隻男肯放下身段做人肉欄杆，幫人節省腳骨力，抵讚！
火紅海岸真係好靚，目不暇給，掛住影相的我，由帶前變落後，原本可以行得晒，但中途畀人催上駁艇去紅石門啊！
好想再行多次啊！
[版主回覆03/16/2009 09:05:00]每次行黃竹角嘴，總會分開幾段，掛住影相行得慢，當然由小艇接走喇！
回覆刪除以往我們都是這樣過關的，其實不用這樣做橋的，只要在對岸伸出友誼之手便可，不用人肉橋的，他只是太愛啺老婆吧了！
[版主回覆03/16/2009 09:09:00]以往我也做過橋，只是姿勢冇咁怪。
每次我幫手過關，你就影相。
回覆刪除[版主回覆03/16/2009 09:11:00] 下次我幫手，妳影相，O.K.
山水兄，有石頭睇呀！呢度 ↓
回覆刪除http://hk.myblog.yahoo.com/janeorjane/article?mid=8597&suc=1
[版主回覆03/16/2009 09:23:00]看過了，好靚呀！
一邊睇一邊笑，阿仔問我點解咁好笑！哈！
回覆刪除[版主回覆03/16/2009 09:24:00]咁阿仔有冇一齊睇呀！
結果也是一樣，因為你都是在我的後面走。
回覆刪除[版主回覆03/17/2009 12:51:00]人肥行得慢，冇辦法喇。
大隻男真是好人呀 ! 其實很多行山的人, 都會互相幫助 ! 勁 !
回覆刪除[版主回覆03/17/2009 12:53:00]社長說，這叫團隊精神！
哇~ 我覺得真係唔講得笑呀!!! 好嘢!!
回覆刪除[版主回覆03/17/2009 12:55:00]當天頭半段屬四星之旅，後半段輕鬆啲。
嘩))))))))))d 石好紅！
回覆刪除[版主回覆03/20/2009 08:45:00]除了『火紅海岸』，還有赤洲最南端的『火星樂園』，也有這麼鮮紅色的岩石。
這個勁搞笑唷
回覆刪除小妹看了, 想起一句廣告 "無論多辛苦, 慶幸重有你在旁...."
[版主回覆03/20/2009 08:51:00]有時間可以一齊來搞笑。
這是團隊精神；我們雖然不太熟識，但一起行山時都會互相幫忙。
大部份人都已經忘了這個『重有』，都寫作『仲有』，慶幸妳重記得『重有』。
下半場快點出！等左幾日啦！！
回覆刪除[版主回覆03/20/2009 08:55:00]不是不想出，只是在星期二寫好文字後，想上載時所有文字都不見了，唯有等多兩日，望Y!Blog 穩定啲再寫過喇。
有機會小妹一定加入你們的團體唷.
回覆刪除[版主回覆03/20/2009 18:13:00]歡迎，歡迎！
(Empty)
回覆刪除[版主回覆03/23/2009 08:50:00](Empty)
好精彩 ! 真多得你唔少, 如果唔係你, 我們點可以"坐享其成", 舒舒服服坐着便看到這麼多的好嘢 ! 感謝 !
回覆刪除[版主回覆03/25/2009 17:55:00]也謝謝妳經常來探我。
你這裡有寶, 所以常常過來看看執唔執到一些 !
回覆刪除順祝你平安四得 (出入平安, 行/走/食/瞓得) !
[版主回覆03/26/2009 18:22:00]大家咁話，身心舒暢，精神爽利！
為造物主鼓掌。 要跟到你們睇怕要健身半年才行!!!
回覆刪除[版主回覆03/28/2009 13:34:00]以Eddy兄經常帶住相機鏡頭行山的體質，不需要特別訓練已經可以應付這類行程了。
就是要為造物主鼓掌，所以每個星期都會四處去欣賞。