今天受社長所託,帶同一班大學生及教授去看石頭;出發前一天,社長來電告知,客人是一個學社,有110人,無需點名,只須小心上落,控制時間,中午有海鮮食,應該好輕鬆,還有,聯絡人好似講普通話的。
集合時間到了,為何只有兩個人來打招呼呢?
電話響起:『喂!我們在火車站出口,為何見不到領隊?』
百多人站在出口?不怕阻礙其他乘客嗎?
『你們可以站出來嗎?我們這邊有較大空間,參加者到齊了嗎?』
『啊!好的。但我不知道有多少人啊,你來點點吧!』
『吓?我沒有名單啊!這樣吧,叫參加者寫下名字,再點數吧!』
參加者都很合作及寫下名字,咦!大部份是普通話拼音,唔識讀呀!
登船後,再看看參加者,有白雪雪及黑麻麻的洋教育,有本地學生,人數最多的是內地來的學生,開咪點名及講解注意事項時,真係要講齊三種語言。
(忽然覺得自己似海洋公園的司儀 )
馬料水碼頭 登船 出發!
第一站,赤洲 小北灣
由於他們都沒有去過這些荒島,上岸後好興奮的走來走去拍照。
他們的裝備,似去旺角行街的多。
在海邊介紹了一些海蝕拱及岩石,參加者都說大開眼界了。
還有這美麗的海葵、石鼈、海膽.... 100分
遊赤洲時,幾個洋教授一上岸便行了上山,試圖自己遊赤洲,追上他們時,講到口水乾,才讓他們明白,今天只是來看看石頭,如果想行整個赤洲,當然可以,但不是今天,下次再來吧!
(不是英語溝通有問題,是洋教授堅持有能力可以自己行。)
第二站 塔 門 海鮮午餐
午飯後,由碼頭行去疊石,行了半個鐘。
有些小朋友行到海邊看這塊塔門名石,好彩冇人要爬上去。
小朋友太愛拍照留念,一個景可以拍十多廿張,風景、獨照、合照、大合照,拍到不亦樂乎。
第三站 荔枝莊碼頭旁海岸
『只是一個石灘,來看什麼? 有什麼好看? 可否解釋一下?』
『可以看到什麼,在乎你是什麼人,今天主要成員是學地質的,如果真的看不到什麼,一起行吧!』
在這裡主要看的是大自然傑作 ...... 岩畫!
荔枝莊,相信好多行山愛好者都去過,但旁邊這塊地質寶地,你們有留意到嗎?
地上除了有色彩豐富的火成岩外,還留下了清晰的炭黑熔岩,線條十分優美,就算不是研究地質,來拍拍照也不錯啊!
地上一層一層的熔岩,記錄著當年火山活動情況。
伸向海中的『龍船石』,今天水漲,看不到全貌。
這位同學在沉思地殼的變動嗎? 正好給我做 Model。
找化石嗎? 非常好!
『收穫不錯。』 大家咁話。
走回頭時,再拍了一些岩畫。
夠鐘回航。
在吐露港的燈塔。
這一次原本以為好輕鬆的行程,由於參加者都是第一次參與這類活動,各人有各人要求。
洋教授要去行山,行多點,行遠一點,認為這種安排唔夠喉。
((下次喇!帶你行一轉黃竹角嘴,行到你瓜老襯。 ))
* * * * * * * * * * * * * * *
有些學生就無論你用什麼語言,他們都好像聽不明,你有你講,他有他玩,玩完又問。
(( 唔該去自由行,冇人講野,唔使聽,更加唔使問。 ))
* * * * * * * * * * * * * * * *
有些女士要跟那些旅行社比,要招呼周到,事事關心。
(( 妳跟錯人喇!下次唔好再來,明白嗎? ))
* * * * * * * * * * * * * * * * *
社長啊!下次再有這些團體,唔該你自己搞番喇!拜託!
回覆刪除※● 獨家熱賣中, 日本拼布手機包包 ●※
-0.5cm厚綿,保護與質感俱備 -百分百全手製, 選用整塊布料剪裁,絕對獨一無二 還有相機袋和萬用袋啊!
哈哈!要山水兄帶他們,真係好惡頂喎! 要收多D導遊費呀!
回覆刪除[版主回覆03/07/2009 09:31:00]哈哈!真係好難頂,如果唔係畀面社長,多多錢都唔好搞我。
Very good and beautiful place !
回覆刪除[版主回覆03/07/2009 09:39:00]Thank you for your visit.
Approx. 250 islands around Hong Kong. Some place is very beautiful.
喂!乜你轉行做咗導遊咩! 對牛彈琴、真係好難頂架! 有机會俾你也文也武、兩文三語、你'恨'到啦! 啲石真係好鬼靚啵!
回覆刪除[版主回覆03/07/2009 09:56:00]哈哈哈哈!如果我真係轉做導遊,唔使半日就畀老闆炒魷喇!
兩文三語,除咗香港話流利之外,其他兩語都麻麻地,如果唔係就唔會對住唐人講洋話,對住老外講國語喇!
妳會在我個地盤不斷看到靚石頭的,因為我們的社長外號石痴。
今個星期黃竹角嘴,唔好帶我行到瓜老襯呀 ~~~~~(聽聞火紅上岸行返轉頭) 。
回覆刪除[版主回覆03/07/2009 10:02:00]哈哈哈哈!自己友唔會行瓜嘅,有杜叔跟住嘛!
社長話最近兩次行黃竹角嘴都去唔到火紅海岸,所以這一次由火紅海岸登陸,向鳳凰笏方向行,能否這樣行,還要看天氣。
哈哈,當做義工囉,你能者多勞嘛! 啲岩畫真係好靚,靚過好多油畫!
回覆刪除[版主回覆03/07/2009 10:09:00]哈哈!玩得開心做義工當然冇所謂,但有些人本住消費者權益來參加,咁就會好勞氣。
欣賞岩畫,最美妙是你可以自己剪裁 (用相機或眼光),看最美的一部份。
呢種荒島trip平時有冇ga? 係咪團體先帶ga?
回覆刪除[版主回覆03/07/2009 10:15:00]這種行程,人多當然可以包團,自己選地區、選時間。
如果人少,可以參加社長編好的行程,選好行程後,報名入數按時出發便可。
去海線多數是星期日,或者公眾假期都有團。
有時間可看看:
www.yaushingtravel.com
塔門和這條路線其他地點,我們很多時扒艇去。其實,整個吐露港都是我們的足跡。
回覆刪除1. 塔門獨木舟之旅20081101
2008-11-01 19:16
...五月的三天長途環港獨木舟之旅,今年的秋冬季期間,會多一點長途旅程。 是日到塔門不是吃一般酒家的海鮮餐,而是到平日英哥及Sa姐的相熟士多吃杜太的塔門住家...
2. 塔門冬日獨木舟之旅20090104 - 生曬大章魚
2009-01-07 13:30
...泥猛籠內的。 章魚最好是刺身,但當時我們已飽餐了,所以只有看著她活宰生曬塔門章魚,煲湯一流 ...... 捉的時候,要捉牠的頭/身才不會被吸著 ...... 有好幾斤...
3. 塔門獨木舟之旅20081101之杜太住家飯
2008-11-02 10:50
英哥及Sa姐愛四處尋幽探勝,吃喝玩樂。 塔門,他們經常到,而常在籃球場小碼頭側的士多幫趁杜太的住家菜。 是日太大風...
4. 塔門冬日獨木舟之旅20090104 - 熱情開操
2009-01-04 23:00
...接受冬日寒風冷水大挑戰。 30公里行程:泥涌會所 - 鳳凰窟水警檢查站 - 赤洲 - 繞塔門 - 午餐 - 鳳凰窟水警檢查站 - 沙洲 - 泥涌會所 即場何孖的組合:KC伉儷...
5. 塔門冬日獨木舟之旅20090104 -「杜太海鮮餐」
2009-01-07 07:20
到塔門,很多旅行團都會吃海鮮。 英哥同Sa姐獨愛幫趁在籃球場側的士多,吃「杜太...
6. 塔門冬日獨木舟之旅20090104 - 塔門掠影
2009-01-07 22:50
[版主回覆03/07/2009 10:20:00]你們的活動認真豐富,有得食有得玩。
如果不是因為幫你忙,我是不會出席的。
回覆刪除[版主回覆03/07/2009 10:23:00]好彩有妳壓陣,如果唔係,肯定倒瀉幾籮蟹。
估吾到洋教授都敢曳,真該打 pat pat D 畫好靚 最喜歡海葵 謝謝分享
回覆刪除[版主回覆03/07/2009 10:30:00]洋人大都有自己的一套,不大合群,但他們忘記了當日是跟大隊行,不可能自己行。
去看石頭畫不難,有機會可親自去看看。
海葵也是在海邊,蹲低已可以看到。
好似叫人唔好自殺 / 戎毒廣告
回覆刪除[版主回覆03/07/2009 10:32:00]應該加上
『窮途未必末路,絕處也可逢生。』 請珍惜生命!
哈哈,你Ge文字令整个行程更加多姿多彩,錦上添花,好嘢 。
回覆刪除[版主回覆03/07/2009 10:35:00]哈哈!多謝黑哥咁有心機睇我寫的文字。
有時悶悶地咪自己娛樂自己。
真係大開眼界呵~
回覆刪除[版主回覆03/07/2009 10:36:00]香港真係有好多靚地方。
做左你 fans 啦!咁鬼好睇!出多d 卜囉喎!
回覆刪除[版主回覆03/07/2009 10:38:00]哈哈!多謝! 多謝!
咁樣會有壓力喎!
回覆刪除引得我都好想去睇o播!
[版主回覆03/07/2009 10:40:00]除咗好靚嘅日出日落外,香港還有好多好風光。
我都影左d 石頭,等得閒就放俾你睇啦!
回覆刪除[版主回覆03/07/2009 10:40:00]咁就要交流下喇!
咁近岸都可以看到海葵, 真係想不到.
回覆刪除[版主回覆03/07/2009 10:42:00]好耐無見喇!
香港海岸線長而美麗,好多野睇咖。
領隊好野!
回覆刪除[版主回覆03/07/2009 10:43:00]哈哈!柴娃娃領隊。
朋友,午安 ~~~
回覆刪除[版主回覆03/07/2009 10:44:00]Hello ! Good Morning!
嘩!真喺好靚呀!
回覆刪除不過咁多人踏上去,會不會破壞了它呢?
因為看來他們無你們那種保護心態啊!
又希望你能介紹多些這些美景給我們看吖!
[版主回覆03/09/2009 09:01:00]那些小朋友大多數是讀地理系的,應該懂得怎樣保護岩石及生態。
只要有妳的支持,我還有好多好介紹。
這裡的岩石真的好美!!!
回覆刪除[版主回覆03/09/2009 19:16:00]係呀!而且不難去。
我也上了充實的一課,謝謝
回覆刪除[版主回覆03/10/2009 09:11:00]點解咁客氣呀?
an interesting geological activity
回覆刪除http://www.hk-green.com/activity/seminar090327.htm
[版主回覆03/10/2009 09:12:00]石頭共賞!
足患問題跟唔到你去, 有得睇你個 blog 妙語如珠又有靚相, 當自己有份參加囉............
回覆刪除[版主回覆03/11/2009 09:37:00]咁都係一個唔錯嘅參加方法,歡迎時常隨團出發。
真大開茅屋! 近月也看了很多有關地質和岩石的短片, 覺得很有趣, 大自然很件神奇, 很偉大, 有機會要去看看它們 !
回覆刪除[版主回覆03/11/2009 18:10:00]香港雖然細,但大自然也為我們安排了不少美景,要看不難啊!
你這個領隊真不錯,照顧咁多人還可以影咁多靚相俾大家睇
回覆刪除[版主回覆03/13/2009 13:30:00]就係因為有拿相機出來而被人二哦,所以我才有末段的文字表白。