平時出海行山,都以輕裝為主,行一日都不會好辛苦;由於稍後將出外行山,為了了解自己及行友的體能,便相約今天重裝上蚺蛇。
一行共七人,除了三眼仔是陪客,可以輕裝同行外,各人都要背負約10公斤重量而行;在巴士站集合時,互相檢查一下,大家都好認真,個個背囊都份量十足。
上午十一時,在北潭凹整理好背囊後,做了一些基本熱身運動,便抖擻精神,看看今天需要多少時間上蚺蛇尖。
今天目標 ─ 蚺蛇尖 海拔468 米
遠眺 黃石碼頭
土瓜坪
剛剛起步,每個隊友都好生猛。
11:55a.m. 花了近一小時,抵達蚺蛇坳 (約海拔200米)。
老婆大人與壯丁個背囊都塞得滿滿的,壯丁還擔心不夠份量,
塞了一張毛毯入背囊內,足足有13公斤。
厲害!厲害!果然係壯丁!
士 氣 高 昂 !
(左起:壯丁夫婦、開心老爺&奶奶、三眼仔、老婆大人。)
誓師完畢,認真面對挑戰。
由於我行得慢兼扮影相,期間有兩位嬸嬸過來問我一些相機問題,
傾談間,她們問我是否上那個尖尖的山.... (吓?個山叫蚺蛇尖都唔識?)
她們也是去那座山,但她們已經好耐冇行山,今天是重出江湖,而選
擇行那個尖山,是她的弟弟之前成功登頂,所以她也要上頂。
我向她們打量一下,心中只好為她們祝福 !
離開她們還不到一分鐘,已經聽到後面有人暈倒,回頭看看,正是
剛剛聊天的其中一個嬸嬸,要回頭看看她們嗎?
她們旁邊已經有位老師在打電話,報了警,而嬸嬸亦已甦醒,表示
並無大礙,只是沒有了氣力,不想行。
前一袋,後一袋,這樣上蚺蛇尖,未免太睇小這個香港神山。
既然已經有人照顧嬸嬸,繼續我們的路吧!
努力向上,頂峰在望。
小朋友,唔好在我面前扮輕鬆喎,踢你落山等你再行過吖拿。
13:40 在負重下登頂。 468米
真有『一覽眾山小』的氣勢。
每個人都是輕裝上頂,見到我們揹負大背囊,都好奇地過來問問。
『係呀!身痕呀!揹重啲可以止痕咖,唔信試吓喇!』
直昇機終於找到來,經過廿多分鐘,將兩位嬸嬸載走了。
為今天的行程加添了一段插曲。
山下的蚺蛇灣。
千 溪 海 岸
水 清 見 底
繼續努力,步向『米粉頂』。
慢慢長路,背上重物,漸漸覺得它的存在。
大灣及咸田灣。
前面是東灣山,還上嗎?
『收買人命咩!搵條最短嘅路走喇!』
大浪東灣,今天都好多人露營。
15:50 行到大灣,有種天蒼蒼,野茫茫的感覺。
『呢條路係咪最短咖?冇的士站嘅?』
17:45 終於行到赤徑碼頭
有喇!有喇!係海上的士,大飛直達黃石碼頭,$20一位。
今天重裝試體能,全程行了約十八公里,大家表現都很好,證明我們都是『老當益壯』,行得食得之人。
各位老友,下次幾時再試呀?
你們重裝上蚺蛇真勁,我想起10公斤就怕怕。
回覆刪除[版主回覆04/18/2009 13:19:00]10公斤是最基本了,還要減一點自己體重,增加點耐力,否則登山後要人照顧就麻煩。
好勁!我平時都孭10公斤,不過係脂肪。
回覆刪除[版主回覆04/18/2009 13:20:00]我都在減肥中。
很佩服, 好有毅力呀!
回覆刪除覺得呢幅相拍得很靚 !
[版主回覆04/18/2009 13:23:00]剛開始呢,似乎還要操多兩課。
要有人不適,才有機會拍到這張照片。
哇, 10公斤......
回覆刪除帶毛毯上山做咩?? 露營?
上山易落山難......背咁重, 可能可以穩d落山.....哈...
為何出海咁輕型, 上山咁重....純粹是為了今次練體格?
[版主回覆04/18/2009 13:26:00]帶張毯是確保夠重,不可以拿出來,否則會笑死人。
這次負重登山,是為了鍛鍊體能。
10公斤重量上蚺蛇??? 我一定唔得
回覆刪除[版主回覆04/18/2009 13:27:00]你咁Fit,一定得嘅。
蚺蛇尖都唔識就走去行?? 有無攪錯呀
回覆刪除依家蚺蛇尖真係多人到唔想行
[版主回覆04/18/2009 13:29:00]自從日本人愛上了蚺蛇尖,這條路便成日都咁旺。
十公斤,背著行平路也不能,莫說上斜坡,爬山更不能開的玩意! 佩服
回覆刪除[版主回覆04/18/2009 13:32:00]有一個適體的背囊,感覺會好唔同,我也是第一次這麼重磅行山。
真的很可愛喔! 行山就像跳舞般,好開心。 近兩天我都去了游水哦! 發覺自己有點兒強壯,哈哈! 大叔,那你呢? 有沒有因走遍天涯海角而鍛鍊出一雙好腳瓜唷?
回覆刪除[版主回覆04/18/2009 13:36:00]好厲害喎,廿多度就去游水。
大叔也想走遍天涯海角,但最緊要身體健康先。
Rehearsal? 你地行咗幾耐? 上面風大唔大?
回覆刪除[版主回覆04/18/2009 13:39:00]係呀,要準備喇,當日行了六個多小時,約 18KM, 山上並不大風。還要操練一下。
嘩!幾時先行到過去呢!
回覆刪除[版主回覆04/18/2009 13:41:00]這張相是由蚺蛇尖下來了,全日行了六個多小時,不算太攰。
因為第二天又去了行菱角山。
重裝試體能的確不簡單!!!!
回覆刪除[版主回覆04/18/2009 18:18:00] 間中都要鍊下副老骨頭。
10公斤!!!帶幾公升水加罐頭加生果,再加相機,都有10公斤o既!
回覆刪除[版主回覆04/20/2009 09:12:00]咁妳應該都好Fit 喎。
回覆刪除青春活潑呀!
[版主回覆04/20/2009 09:14:00]我們經常都保持心情愉快!自然會青春活潑喇!
一路睇一路想,你們孭咁重磅必定是最後一站是要露營,原來真的考驗重裝上蚺蛇,佩服!
回覆刪除[版主回覆04/20/2009 09:17:00]唔操驚副車頭又再生鏽,好似上次上昂平天梯咁就煩喇!
回覆刪除我喜歡這張... 行到咁高, 睇見都有點暈...
[版主回覆04/20/2009 09:26:00]『扁舟橫渡無人過』,有種好舒服的感覺。
香港的山最高還不到一千米,怎算高呢?
真係好佩服"娘子軍", 換作我,不用孭10公斤.恐怕都行唔到.係一定唔得啦. 行成6個鍾啊,要坐"直升機"囉!
回覆刪除真係好佩服"娘子軍", 換作我,不用孭10公斤.恐怕都行唔到.係一定唔得啦. 行成6個鍾啊,要坐"直升機"囉!
回覆刪除[版主回覆04/20/2009 09:42:00]不要睇低自己的能力,鍛鍊一下,一來身體會好啲,人都開心啲,覺都好瞓啲。
又佩服、又羨慕你們
回覆刪除[版主回覆04/20/2009 09:44:00]咦!外遊回來了。
不用羨慕,有機會一齊玩。
即是行咗幾耐呀!三眼仔有冇話辛苦,果山好似同幾年時不同啊!
回覆刪除[版主回覆04/20/2009 18:48:00] 由11點起步,行到5點45分,在山頂休息了30分鐘,大約行了6個多小時。
三眼仔當天無問題,但第二天說落樓梯就腳痛。
上山條路越行越爛,其他冇乜唔同。
真係壯舉,景色好靚, 值得,努力!
回覆刪除[版主回覆04/20/2009 18:51:00]哈哈!上蚺蛇尖條路吸引了不少韓國及日本人來行,身為香港人,兩三年都應該行一次。
妳又幾時行呀?
>到時見到面過來打聲招呼吖
回覆刪除到時見!
[版主回覆04/20/2009 19:01:00]1/5 見!
[[帶張毯是確保夠重,不可以拿出來,否則會笑死人]]] 哈哈哈, 這一招好絕呀! 咁都諗到, 佩服佩服.....
回覆刪除上山係唔係都好易? 我未上過....
[版主回覆04/21/2009 13:03:00]妳買咗行山鞋未呀?有行山鞋對腳部保護會好好多,咁就可以開始由家樂徑開始行,有一定體能後就可以跟我們行了。
不愧是「山水人士」,謝謝分享。
回覆刪除[版主回覆04/21/2009 13:04:00]謝謝NY欣賞。
體能是逼出來的,不能急,慢慢練習吧!加油
回覆刪除不過你哋都好利害背十公斤行蚺蛇尖,佩服
[版主回覆04/21/2009 13:06:00]持之以恆,應該冇問題。
去了Jusco, 運動家, 長沙灣開倉. 但睇唔啱. 我對鞋係New Balance 810. 不過覺得比較跣.
回覆刪除哈, 希望有天能和你們玩.
[想走遍天涯海角,但最緊要身體健康先]. it is very true.
[版主回覆04/21/2009 18:07:00]New Balance 跑步鞋?晴天行家樂徑都可以,但不適合行崎嶇山路及海邊,出開旺角可上 毅成戶外用品 看看,亞皆老街24~26號 東方大廈 5/f. 6/f. Tel 2390 0980
哈哈!妳都幾有耐性看我的回覆留言喎。
嘩 .... 睇見你地咁開心,我也替你們口喝采呢 !!
好o野 !
[版主回覆04/23/2009 12:52:00]但願人人精神爽利! 身體健康!
上尖不難, 下山難, 回程路更難 - 好長呀, 行到怕怕!
回覆刪除[版主回覆05/06/2009 19:11:00]好多上過蚺蛇尖的人,下山時都要坐著慢慢移,所以提起都怕,但這個山真係好靚。
每個人都是輕裝上頂,見到我們揹負大背囊,都好奇地過來問問。
回覆刪除『係呀!身痕呀!揹重啲可以止痕咖,唔信試吓喇!』
笑爆咀~~~~~~~~~~~~~~~~ 屎~! 有d失儀tim, 比Z哥睇到唔掂
[版主回覆07/29/2010 12:10:00]哈哈哈哈!行山就係咁輕鬆咖,所以唔使太緊張。
依家個個都FIT個當年噃~
回覆刪除[版主回覆07/29/2010 12:14:00]所以南湖大山又行多兩日。
老婆大人與壯丁個背囊都塞得滿滿的,壯丁還擔心不夠份量,
回覆刪除塞了一張毛毯入背囊內,足足有13公斤。
厲害!厲害!果然係壯丁!
-------------------------------------------------------\
壯丁老婆真係冇嫁錯郎~ 夠晒認真~
[版主回覆07/29/2010 12:16:00]係呀!所以兩個仔大晒都咁恩愛。
蚺蛇尖~~~~~~~~~~~~~我都好想行呀~
回覆刪除[版主回覆07/29/2010 12:19:00]快喇快喇!不過要買咗背囊先。
直昇機終於找到來,經過廿多分鐘,將兩位嬸嬸載走了。
回覆刪除下次可唔可以炸屎呃機坐?
[版主回覆07/29/2010 12:18:00]屎咗梗係可以坐,呃嘅好似要支付服務費。