但行荒島時,沒有路徑,只有方向,環境最差時,要遇林闖林,遇石爬石,對於領隊,只可信,不可問。
今次霧遊火石洲,就是一次好好的體驗。
2009年 4 月19日 密雲 間中有雨
今天是天后誕的第二天,我們這些經常在海上來往的人,也會依循俗例,去探探天后,而社長就一定帶備燒豬,誠心拜祭。
陰雲密佈的維港
大廟的旗幟
門外的石獅子,依然神氣。
香港最大的天后廟
這座天后廟,聽說以前是建在東龍島(南堂),但後來出現了--
『南堂燒香北堂煙,南堂敲鐘北堂響。』這種現象,善信便認為天后娘娘
喜歡北堂,於是在現址興建了香港最大的天后廟,至於原有之天后廟,
社長在東龍島探遊多次,都無法找到點點痕跡。
而今天的大廟,是受那個什麼廟宇委員會管理,管什麼的我不知道,
只知道今天聽得最多的是:唔準影相,喂喂!唔準影相呀!
唔影咪唔影,去探探廟後的連理樹,看看是否依然恩愛!
10:30 步出碼頭,順道打量一下,找個機會去探探這塊鷹嘴石。
離開大廟,繼續向東行。
去到鎖匙門與駁艇匯合。
嘩!這片天,這片海,這片甕缸群島。
11:50 終於踏上了火石洲 海鰍環
這樣的天氣,依然有四十人同行。
天,下着微雨,似乎又要出絕招,靜靜從口袋裡,取出了一個硬幣.......
火石洲,較多人認識的是港英時期,這裡是操砲區,其次,這裡是香港
第一次空難現場。
1948年12月21日,一班由上海飛來的民航機霸王號,在濃霧中撞毀
於火石洲,26名乘客及7名機員,全部罹難。
當時的死者榮一心及羅斯福寬騰,其後人在此立碑,以作紀念。
上圖的圓柱及石象,是榮一心紀念碑;下圖是羅斯福寬騰的紀念碑。
12:30 憑弔過後,雨已經停了,要上山去島的另一面,與大船匯合。
13:30 在濃霧中,依然找到穩氹山隱蔽在林中的標高柱,當然要拍照留念。
( 相中靚仔不是我 )
濃霧、密林、沒有路,能見度只有20步,在這惡劣情況下,又花
了一個多小時,穿越密林,由島的東北面,去到西面。
14:25 穿越密林後,老婆大人已經變成一隻污穢貓。
各人忙於進食,補充能量。 好似劫後餘生一樣。
海面濃霧輕輕散開,原來我們離海邊不遠了。
大叔在搞乜呢? 靜靜行過去聽聽先....
"嗚嗚嗚... 都唔知乜鬼領隊嚟嘅,亂咁行.... 又冇休息..... 嗚嗚...
....嗚嗚.... 行到人又餓又攰.. ... 老婆...我好慘呀..... 鳴嗚... 嗚... 有冇嘢食呀...
咦... 有個橙,食咗先。" 悲慘的大叔,真係聞者傷心,見者流淚。
喂!點解大叔咁悽涼,你哋咁開心?
『摸過羅漢松,一世唔使窮。』
社長已經找到一處風平浪靜位,等我們回大船。
來吧!最後一段路,支持住呀!
可以返屋企喇!從未試過這麼想家!
『等埋我呀!老婆煲咗湯等我呀!』
15:40 不用太緊張,一個都唔會留抵。
噓!又見到維港,真好!
17:30 灰矇的天氣,有隻花雞乸點綴一下。
假 日 真 好 !
**********************************************************************
咦!為乜今日咁長氣,寫咗咁多嘅 ?????? 越來越老?????
NO 1
回覆刪除[版主回覆04/25/2009 09:34:00]多謝支持!
>靜靜從口袋裡,取出了一個硬幣.......
回覆刪除Laughing哥??????
[版主回覆04/25/2009 09:33:00]哈哈!這一招在((大澳-千景海岸))用過,有時間自己去找答案喇。
http://hk.myblog.yahoo.com/wintech_auto/article?mid=7965
我哋早你一日去大廟。
回覆刪除>對於領隊,只可信,不可問
前提是要領隊可信
[版主回覆04/25/2009 09:36:00]帶行荒島的領隊,都有自己一套,如果太差會被人踢落海。
回覆刪除對白很攪笑呀 ! 這行友我認識架 !
[版主回覆04/25/2009 09:38:00]這位大叔,相信他跟過香港大部份行山隊。
我識他超過五年了。
咦, 果日我朋友都係去左火石洲wor.....唔通跟左你們一起 ...哈哈.
回覆刪除火石洲是不是又稱'穩氹'?
這張相和對白好爆笑........飢寒交迫似的....
[版主回覆04/25/2009 09:50:00]果日去火石洲只有我們一隊,Blog 友中有野孩子做尾男,還有一位Rico。
冇錯,火石洲又叫穩氹山。
飢寒交迫的阿叔好好玩,成日畀我玩。
你寫的旁白、笑 C 我啦! 如果呢位亞叔睇到、會追斬你架! 環境咁惡劣、重去行荒島、勇呀!
回覆刪除[版主回覆04/25/2009 09:55:00]我就係蝦阿叔冇電腦,成日畀我玩咗都唔知。
其實我同阿叔好老友,識佢都5, 6 年了。
環境差都去行山可以訓練意志力,當日好彩冇雷暴,否則要留在船上瞓覺。
對於領隊,只可信,不可問
回覆刪除>>呢句正
[版主回覆04/25/2009 09:56:00]哈哈!做領隊的心聲。
都要個幾小時船 wor
回覆刪除[版主回覆04/25/2009 09:58:00]當日隻船好慢,比平時起碼行多二十分鐘,都係時候鏟船底了。
回覆刪除HAHAHA))))))呢張相加埋對白真搞笑!!!!!!!!!!
[版主回覆04/25/2009 13:05:00]哈哈哈哈!經此一役,大叔將會紅遍行山界。
1948年12月21日,一班由上海飛來的民航機霸王號,在濃霧中撞毀
回覆刪除於火石洲,26名乘客及7名機員,全部罹難。
哦................原來有這件事發生!真係唔講唔笑!!!!!
[版主回覆04/25/2009 13:07:00]1948年,連我都未出世,何況妳呢!
有時行山學歷史都幾好。
噢!艱苦的旅程 明早要靠你使用絕招拋硬幣喇!
回覆刪除[版主回覆04/25/2009 14:55:00]明天社長親自押陣,應該冇問題嘅。
好搗蛋
回覆刪除[版主回覆04/25/2009 16:34:00] 哈哈!有好嘢就一齊分享喇!
對白咁生鬼,呢位哥哥仔以後咪俾人笑到面黃
回覆刪除[版主回覆04/25/2009 17:02:00]哈哈!大叔好好人,點玩都唔會嬲。
果位阿叔係咪獨行俠? 今次真係影到有d悽涼喎, 下次影下佢開心既一面啦, 行山應該係一件快樂事嚟ga ma~
回覆刪除呢張相好靚, 好有香港FEEL, 中西合壁。
[版主回覆04/25/2009 17:08:00] 大叔係獨行俠,但一上船就會四維搵人傾偈,講他跟隨不同行山隊的經歷,是個開心果。
但今次畀我整蠱,變得好悽涼,明天睇下見唔見佢,再整多佢一次先。
原來1948年有這事件發生.....
回覆刪除嘩!!! 駭C禾啦!!!!
[版主回覆04/27/2009 09:21:00]係呀!還傳過空難現場有金執。
大叔有點畏高,所以社長親自參扶,確保安全。
番左新工後, 再未出外拍照遊歷. 再睇到山水人士隔天就出, 羨慕不已~ XD
回覆刪除[版主回覆04/27/2009 09:28:00]歡迎來訪留言。
返工總有休息日,有時間伸展下筋骨對身體會好啲,所以時時通山走,再將經歷與大家分享。
攝影發燒友!
回覆刪除[版主回覆04/27/2009 09:30:00]老婆大人精力旺盛,人人大休進食,她依然走來走去拍照。
春季乍暖還寒,乍雨乍晴,上山下海的活動還真不容易哦! 但望見你們一個個笑瞇瞇的表情,熱愛大自然的我也看的心甜起來。 起初還以為在下雨天的日子,山水老師的網誌可能不致太繁忙; 原來仍一如往日,甚至較昔日的更生動更熱鬧。呵呵! 看你如此豐富的描述,你們這一天的旅程有否歷盡艱辛,累透呢?
回覆刪除[版主回覆04/27/2009 09:39:00] 真的好喜歡妳這個小朋友的留言,用詞用字豐富,善於表達,現在的年輕人中都較少見了。
山水大叔熱愛大自然,特別喜歡遊走於大小海島,將其經歷與大家分享,也是樂趣。
在香港上山下海,難度不算太高,不會太累。
HEHE... 乜原來香港有這樣的空難。
回覆刪除睇完你們穿越林的相片,真像刧後餘生,好在仲有個橙食...
[版主回覆04/28/2009 18:13:00]當日都幾好玩,玩咗個大叔。
>>>>對於領隊,只可信,不可問
回覆刪除我通常都會信住行,試過一次個領隊未行過又無方向感... 唯有自救
[版主回覆04/28/2009 18:16:00]有些領隊可能經驗不足,行山還可以靠自己,行荒島就冇得揀,因為只有領隊才知道何處與大船匯合。
>>>靜靜從口袋裡,取出了一個硬幣.......
回覆刪除我都鍾意呢個決定... .包無錯... (錯左都無人知 )
[版主回覆04/28/2009 18:18:00]呵呵呵呵!
個銀係要來丢落海,收買海龍王用咖!所以不多久便停雨了。
回覆刪除唔係你呀?咁o既服務態度係唔得喎!
[版主回覆04/29/2009 19:10:00]個哥哥仔後生我咁多,最多似我後生嗰陣。
服務態度????? 從來都冇乜咖!
阿大叔演譯你的故事好好呀!最佳男主角啦!
回覆刪除[版主回覆04/29/2009 19:11:00]大叔真係越來越紅!