今天原定行程：狗尾洞，坐佛岩，青 洲 (全部唔使諗
)專船開出不久，坐在船頭，在東風凜冽下問社長，昨天五級東風，果洲群島去不成，改了去合掌崖及看金魚，大獲好評，今天呢？ 還有驚喜嗎？
社長眼檬檬看着我，可能心在想，如果你唔係咁勤力，日日來，咁我次次改去合掌崖及睇金魚擺尾，人人都會好開心吖，而家又要出絕招，連最後底牌都要畀埋你睇。
8:30a.m. 的維港，今天有隻肥船，船身真係好闊。
一到佛堂門，馬上感到強勁的東風。
馬上轉往『牛尾海』，預備登上龍蝦灣附近的『爛排』。
這個爛排雖然細，但石頭色彩及形態，依然咁美麗。
有石頭怪獸，好凶惡。
『唔使驚，女超人來喇！』 荒島都有女超人？？？
各團友在島上自由行，各自尋找自己的趣味。
這個礁排，最出名的是三門洞。
老婆大人已站在『北門』上，在東風鼓動下，浪奔浪流。
這是『天門』。 老友，萬事有商量喎....
站在礁排上，風光明媚。
礁石上，有人在釣魚。 遠處是 平面洲。
岩石下，有海鳥蛋。
一個人走到『南門』，嘩！風高浪急！
在這裡觀浪，伸手可及，最刺激！
各團友走來走去，似乎不想太早離開。
係時候離開了，還有下一站呀！
大船徐徐來到牛尾洲，Uncle Happy (喜叔) 放下船錨。
哈哈！又有美麗的水草睇。
每年這個時候，在水質優良的水域，都長滿美麗的水草。
哈哈！香港美麗嗎？
沒有揀錯相，這裡真的是西貢牛尾海。
老婆大人又在拍什麼呢？
HELLO! 你好，我係石頭呀！
眾人已跟社長往前走。
四大金剛看海潮。 還是邊條茂利開水喉呀？
真係幾大浪，幾乎要濕身。
咦！行得慢，大隻男與老婆大人已經爬上了『牛鼻窿』。
型男又上。
大隻男，示範條條揈嗎？
牛鼻窿，其實幾似怪獸眼，今天有眼又有珠。
離開牛尾洲，社長想再探青洲。
嘩！上咗岸都無法返上船。
去看看鶴岩洞吧。
浪太大，在洞口看看便要離去。
風大浪大，最好玩風帆。
時間尚早，上了東龍島逛逛，加遊鼠王頂戇男。
又看看今年好難上的果洲群島。
都係小朋友易滿足，玩玩沙，戲戲水已經好開心。
最近持續吹了幾個星期東風，預定的東海行程，大都要改變地點，
所以經常跟團友說，行山線，只要有體能及決心，大都能完成。但出
海探遊，受天氣影響會較大；希望下一次能順利登上目標喇。
沒有留言:
張貼留言