今天天氣非常好,上午九時由尖沙嘴碼頭開船,經佛堂門南下,好快已經看到鶴嘴半島。
過了鶴嘴,我們今天的目的地─蒲台島已經在望。
去過蒲台島的朋友都知道,島上的主要郊遊徑,都已經舖設了水泥路,這些路徑,對我還有吸引力嗎?
冇錯,我真的很怕行水泥路,所以今天的B 線會完全離開水泥石屎,只會走在西岸的岩壁上,探訪『挪亞方舟』及『迷魂陣』。
鶴嘴半島盡頭的『狗髀洲』。
鶴嘴半島上,有香港第一座燈塔;近海邊是蟹岩。
10:19a.m. 又係靚到暈的海與天。(有人說是"曬"到暈)
坐在海邊看水草,依然樂趣無窮。
大船放下我們28人,便送了其餘九十多人去食海鮮了。
旁邊的螺洲頂,被白雲籠罩着。
戇男一如既往,第一個飛身上岩頂,然後不停的拍拍拍拍拍拍..........
這塊像木船的大石,社長叫它做『挪亞方舟』。
要站在上面,真的要一點膽量。 咦!老婆大人!?『企穩呀!』
天上的浮雲,也過來看看這群膽大的傻瓜。
懸在崖上的石船,真的很奇妙。
由於海邊有斷崖,又要上山闖林。
又再回到海邊,都係個海靚。
在大斜壁上走動,要花多點氣力、膽識及技巧。
遇上險位,還要互相幫助。 大隻男,Show Time !
不要誤會"咸豬手",因為這是大隻嫂。
好彩有大隻男,如果唔係......... 我就要.......
過完這一關,有人要買新相機,因為舊的已經跌咗落海。
來到今天主菜 ─ 迷魂陣。
條石縫咁窄,可以入去嗎?
照入!
入咗去又點呢?
嘩!在兩塊大石間向上爬?好驚喎!
『等我推闊啲先!』
『喂!咪淨係掛住影相,可唔可以拉一拉呀!就來跌返落去喇!』
HELP !!!!!
大隻男,又來頂住!
哈哈!難得一見嘅場面,影影影影..........
後來者:咁鬼難,唔爬得唔得?
『過唔到關,唔準返屋企!邊個叫你亂報四星團!』
『有幾難?睇我上落自如,So easy !』
阿媽成日話我石頭爆出來,而家信喇!
兩個大隻佬,想推闊啲嚿大石?
其實係大隻男,一路將身重二百磅的團友頂上石頂。
如果想睇清楚如何爬上迷魂陣,請去老婆大人個地盤喇:
http://hk.myblog.yahoo.com/linda_ylchan/article?mid=5852
呵呵!個天真係靚!
來喇!老友,大船在等喇!
Uncle Ken 真係準時,等住送我們過螺洲尾。
我最喜歡的藍天白雲,如鳳凰掠過長空。
由挪亞方舟至迷魂陣,全長不超過兩公里,但花了兩個多小時才能完成,中場回到大船休息了三十分鐘,下午再戰螺洲尾.........
嘩!好好玩呀!嚟唔到真可惜!
回覆刪除>其實係大隻男,一路將身重二百磅的團友頂上石頂。
大隻男真係友晟之寶!
[版主回覆05/21/2009 09:09:00]所以當天在碼頭集合時,見到大隻男出現,個心當堂定咗好多。
但以前我們也試過四個人將一個二百多磅的團友拉上頂。
我都冇留意d雲咁靚, 蝕左蝕左~~~~
多謝大隻男幫手, 仲係果個位頂左我腳, 當我聽到要收三舊水"過路費"時, 把心一橫跳落嚟幾乎"PK"~~
[版主回覆05/21/2009 09:12:00]我最喜歡擔天(看雲)望海(看水草)。
在凹凸不平的石面,盡量不要跳。
當天行完係唔係好好瞓呢?
藝高人膽大
回覆刪除[版主回覆05/21/2009 09:16:00]妳不是也喜歡站在懸崖的感覺嗎?
去挪亞方舟可以由碼頭行過去,但難度較高。
呢位先生真底得num.
回覆刪除你去D地方真不似香港
[版主回覆05/21/2009 09:19:00]有大隻男出隊,領隊會輕鬆好多。
其實我去的地方,都屬於香港市民,只是你是否願意探訪。
回覆刪除又真係幾似挪亞方舟啊!好像準備下水咁
[版主回覆05/21/2009 09:20:00]一塊好奇妙的大石。
『挪亞方舟』及『迷魂陣』都幾好玩, 如果我去唔知會唔會過到『迷魂陣』呢?!
回覆刪除大隻男好好人喔~
[版主回覆05/21/2009 09:22:00]妳大可放心,只要行到去迷魂陣,總有辦法幫妳過關的。
回覆刪除有D 恐怖..............
[版主回覆05/21/2009 13:04:00]上得岩頂的人,都是大貓上身,冇有怕。
回覆刪除天公真造美!!!!!!!!!!!!!!
[版主回覆05/21/2009 13:05:00]代價是有人中暑。
回覆刪除大隻男真係幫得手, 比人踩左咁多腳~~ 真係要THANK YOU佢
[版主回覆05/21/2009 13:07:00]當天集合時,已經跟他說過,他的出現很重要。
4星真係好難行呀,報錯名高估自己能力 睇來你老婆大人而家都好勁喎!
回覆刪除[版主回覆05/21/2009 13:13:00]以前有人試過報錯名,結果一上岸未開始行,已經被勸籲回大船,因為他的雙腳不停發抖。
老婆大人一向都好行得。
你估大隻男可唔可以將尾男頂上石頂 ?
回覆刪除[版主回覆05/21/2009 13:48:00]哈哈哈哈!咁就要約齊兩個主角,做一次實地測試喇!
當日大隻男話一百公斤濕濕碎,一於幫佢挑戰極限。
嘩犀利呀..
回覆刪除見到你地行入D咁窄既gap, 睇見到心驚膽跳!!!!
[版主回覆05/21/2009 18:29:00]哈哈!如果妳肯試,或者妳都得呢!
"老婆大人"好嘢!
回覆刪除點介可以影到的水這麼藍呢?用咗濾光鏡?
[版主回覆05/21/2009 18:32:00]我用的是DC 仔,加唔到濾鏡。
當日個天就是這麼藍,只要按下快門,相片就是這樣美。
好正的旅程呀!好後悔去左A線呀!
回覆刪除[版主回覆05/21/2009 18:35:00]哈哈!一開船已經叫你同行喇!你又咁為食,要跟A線食海鮮。
下次喇!天氣涼一點叫社長行埋摩天崖。
天同海都好靚呀!好佩服你們的體能。
回覆刪除[版主回覆05/21/2009 18:36:00]只要個心想住要減肥,咁就幾難行都會行完。
挪亞方舟這位置有些似 !
回覆刪除石罅夫人!
[版主回覆05/22/2009 12:57:00]一架爛木船,擱淺在山崖上。
老婆大人身體柔軟而有力,適合瓹窿瓹罅。
回覆刪除嘩, 肥D都入唔到
[版主回覆05/22/2009 13:00:00]如果真係入唔到,可以加多腳,保證唔會半天吊。
藍天碧海,正
回覆刪除[版主回覆05/22/2009 13:00:00]真係好正!
真係要好大胆先企到上起,以前上過果洲大砲石,e家我唔敢。
回覆刪除[版主回覆05/22/2009 13:02:00]那天我都沒有爬上去。
阿媽成日話我石頭爆出來,而家信喇!
回覆刪除俾你笑死我啦。 我咁肥,過唔到呀,好彩我去唔到.... (其實睇到咁好玩恨死就真)
[版主回覆05/22/2009 13:17:00]你點肥都唔夠100公斤喇,大隻男話可以抬一百公斤上石頂。
有時間就留意吓行程,香港還有很多好地方。
>妳不是也喜歡站在懸崖的感覺嗎?
回覆刪除對, 看到呢D相, 其實都想爬一爬上去. 然後望一望下面, 相信一定好正!
如果我識游泳, 一定不怕綑邊.
為了安心綑邊, 我要努力D學懂游泳啊!!! 加油!!!!
[版主回覆05/22/2009 13:05:00]綑邊會游泳當然安全點,咁妳快點學會,今年夏季可以更加海闊天空。
個天真係好靚呀....個島頂天立海
回覆刪除[版主回覆05/22/2009 13:19:00]雖然熱啲,但個天真係好靚。
去左你個大人度睇到你身手敏捷啦!
回覆刪除[版主回覆05/23/2009 08:15:00]寶刀未老。
我都拷住5/7個行程,希望到時又好天可以去玩。
回覆刪除[版主回覆05/26/2009 19:38:00]7月5日 A( 吉澳鴨洲海鮮團)還是 B (赤洲)呀?
我想去赤洲b團,有無難位?
回覆刪除[版主回覆05/26/2009 23:19:00]只在中間的棧道要爬牛牛,其他都唔算難,但行赤洲冇樹蔭,天晴時會勁曬。
你太太十分有膽識呵~ 果真是女中豪傑咧...
回覆刪除可惜yahoo未能令我看個痛快!! 真掃興!!
[版主回覆05/26/2009 23:29:00]哈哈!等我話聲佢知先。 Yahoo 可能超負荷,近來好多問題。