7月11日颱風略過,把今天出海的行程吹走了,但一早起床,看見藍天白雲,心想沒理由躲在屋內吧,再看看老婆大人,已經拉出防潮箱,取出她的單眼機、長短鏡。
嘩嘩嘩!咪執輸,反正我部5D都好久沒有見太陽了,快快趣趣,超人變身,再撥幾個電話,找到寂寞難耐的幾個,四十分鐘後在葵芳站集合。
原來老婆大人閒時已記錄了一些半日遊、一日遊的資料,今天便選擇了馬灣公園。
葵 芳 的 天 與 地
來到馬灣珀麗灣,遠處有隻大船泊在岸上。
第一次來看青馬大橋,當然要拍張招牌相。(阿烏留念)
在 東 灣 看 大 橋
取 景
哈哈!好有度假 feel。
『 有什麼好影呢?』
印 傭 嬉 水
這個是黃金比例... 噴水喉..... 其實唔記得個名
總 之 玩 得 好 開 心 !
行到『挪亞方舟』主題公園入口
有 好 多 動 物 模 型
巨大的方舟,竟然『塞』在兩條行車天橋之間。
由於進入方舟後禁止拍攝,所以冇相睇;有人行完覺得悶,沒什麼好看,但我們感覺幾好,雖然不是教徒,但當傳奇歷史來看,都好有趣,(挪亞六百多歲見上帝,建造方舟用了百多年,即是成五百歲才接這個大工程,真係好勁!)而且那些3D、4D影院,當播放到洪水颶風時,真係有大風吹過來,好涼快,不錯不錯。
離開方舟公園,又向馬灣公園行。
珀 麗 灣
公園內的兩面畫,由一班番鬼佬所創作。 左看....
...... 右 看,有兩幅不同的畫。
為拍婚紗照而建的半圓拱。
『嫁給我,好嗎?』
今天還未出夠汗,繼續步上觀鳥台。 (這是一隻展翅大雀圖案)
烈日之下,這個不單是雪糕屋,而是救命站。
嘆完雪條,步下海邊,看看舊日的馬灣。
汲 水 門 橋 與 曬 蝦 糕 場
聞唔聞到強勁蝦糕味呢?
淡水灣碼頭釣友
海豚雕塑與汲水門橋
來張合照。 看得懂那四個字嗎?
大約一年前,見到行友兼Blog 友 野孩子 逛馬灣公園,當時戲稱:這些地方留待一百歲大壽才去吧!
哈哈!轉眼間自己都來逛馬灣,莫非已經一百歲?
NO 1
回覆刪除[版主回覆07/25/2009 09:17:00]歡迎!歡迎!
點解水位差咁遠嘅?
回覆刪除[版主回覆07/25/2009 09:21:00]不是水位相差,而是距離不同。
瞭望台是在沙灘最窄位置,老婆大人站的是最闊位置,相距有七、八十米。
其實裏都幾多嘢睇,不過隻船建在兩橋中間,實在大煞風景。
回覆刪除[版主回覆07/25/2009 09:24:00]或者設計者想做成隻方舟在『擱淺』的感覺。
我地上次係方舟玩了一整天, 連珍愛地球館的所有遊戲都唔放過, 哈哈
回覆刪除[版主回覆07/25/2009 09:29:00]我們不是教徒都覺得內裡的設施幾有趣,但當日太多小朋友,所以沒有玩遊戲了。
你部機拍d景色好sharp, 勁!
回覆刪除[版主回覆07/25/2009 09:32:00]哈哈!話晒都係FF (Full Film)機,效果當然比G10好。
但部機正確來說是老婆大人的。
你終於都返來地球啦 (不再去爬D高難度山)!
回覆刪除[版主回覆07/25/2009 09:33:00]無奈做回地球人,但依然咁投入,好好玩。
黑白照果然有舊日的感覺.
回覆刪除[版主回覆07/25/2009 09:35:00]在這些越來越少的舊區,拍黑白照感覺係強好多。
天氣晴的頂呱呱! 相信在陽光底下的山水老師會變的更青春健壯。
回覆刪除[版主回覆07/25/2009 09:36:00]哈哈!我最愛藍天白雲曬燶人的天氣。
一個颱風,就將你百歲的願望提早實現,恭喜!
回覆刪除[版主回覆07/25/2009 09:38:00]哈哈哈哈!由半百老翁變成百歲人瑞。
入方舟要幾多$$ 呢
回覆刪除[版主回覆07/25/2009 10:02:00]好似有三種票價,我們買了全票(可參觀所有場館) HK$100.00
馬灣都幾多提材, 有時間去下先, 謝謝介紹
回覆刪除[版主回覆07/25/2009 12:25:00]真係幾多地方行。
幾貴 wor, 你地行左幾耐呢
回覆刪除[版主回覆07/25/2009 13:36:00]咁要看看你是什麼人,LS 同YY 話可以玩一日,仲好開心,但我聽到有人講好悶,唔會再去。
我就覺得唔錯,值得行吓,我們冇玩遊戲,都行了三個鐘。
一於楝明天攻入馬灣。待我看看它叫甚麼名字,稍後告訴你。
回覆刪除[版主回覆07/25/2009 15:48:00]哈哈!如果係石頭,我一定記得。
買左對鞋啦, 幾快
回覆刪除[版主回覆07/25/2009 15:47:00]好呀!明天可以試新鞋喇。
回覆刪除開張大吉喇 ?
想問下幾 $ 入場費 ? ThZ ~
[版主回覆07/25/2009 18:26:00]好似分開三種票價,我們買全票HK$100.00 可以參觀所有展覽館。
天氣真係晴郎.天好藍.雲好白!
回覆刪除[版主回覆07/27/2009 12:34:00]個天被颱風洗刷乾淨了。
拆掉傳統的舊漁村,建一個洋鬼子的神話船,這就是香港式保育文化!
回覆刪除[版主回覆07/27/2009 12:37:00]有關當局一向都係『最叻就係蠢!』
以破壞本地文化為己任。
回覆刪除係金律廣場的鸚鵡螺呀!
[版主回覆07/27/2009 12:39:00]哈哈!係黃金定律廣場。
馬灣公園有咩適合11歲小朋友玩呢請問?我想帶我個女去~~
回覆刪除[版主回覆07/27/2009 12:45:00]去馬灣,由珀麗瀛沙灘至金律廣場、馬灣舊村,如果花點錢買張門卷,入方舟公園,有好多遊戲及展覽,都適合小朋友玩。
很多人去完挪亞方舟都說悶,但是,我看你的照片,覺得挺有趣啊!你真利害!
回覆刪除[版主回覆07/27/2009 12:48:00]如果有好奇心,就算對住塊石頭,都可以充滿趣味。
放開懷抱,世界充滿樂趣!
馬灣公園我都好想去, 覺得個view有點似舊金山既金門大橋。
回覆刪除本來以為挪亞方舟風景唔錯, 原來夾响2條橋中間, 大打折扣。
[版主回覆07/27/2009 12:53:00]如果唔怕熱,暑假回來香港都有好多地方行。
夾在兩條行車天橋之間的挪亞方舟,妳大可以當是大船擱淺,咁樣感覺會好啲。
回覆刪除黑白相好難影的這麼好!影的不好的話很死板.
[版主回覆07/27/2009 12:55:00]拍黑白相,在陽光充足時,可以試試減1/3光圈。
今日係隻鸚鵡螺氹氹轉都搵唔到佢有任何名堂的指示牌,轉多兩個圈就傾盤大雨呀!...............
回覆刪除http://www.mawanpark.com/chn/golden_mean_plaza.php
[版主回覆07/27/2009 13:01:00]哈哈!係唔係你轉圈轉得多,個天以為你跳求雨舞,就成全你的願望。
謝謝你的資料。
我們在果洲個天好靚,過兩日再來看看喇。
木公仔都影到,勁!
回覆刪除[版主回覆07/27/2009 13:04:00]木公仔????????
係唔係呢個呀? 銅像嚟咖!
我係巴士介紹真係唔想去,但睇完你D 相就想即刻去!!!!!!!!!!!
回覆刪除[版主回覆07/27/2009 13:07:00]咁就快啲通知馬灣公園宣傳部請我做顧問喇!
回覆刪除加埋個藍天.................WOW))))))))))))))))))正!
[版主回覆07/27/2009 13:09:00]個天真係超靚!!!
吓 要入場費?
回覆刪除[版主回覆07/27/2009 13:11:00]馬灣公園免費,入挪亞方舟就要買門卷。
再請問由粉嶺去馬灣,你知唔知點去最方便?十萬個唔該啦~~
回覆刪除[版主回覆07/27/2009 18:32:00]可以去元朗轉西鐵,出到葵芳站,行過對面新都會廣場,問管理員去珀麗灣的巴士站 (個站好難搵),車費$10.00,到了馬灣珀麗灣就好易行,路標都好清楚。
或者上這個網站看看:
http://www.mawanpark.com/chn/golden_mean_plaza.php
天氣熱,記得帶水。
隻鸚鵡螺咪真?如果真,咁就史前大「活化石」了。
回覆刪除[版主回覆07/27/2009 18:39:00]如果隻鸚鵡螺係堅嘢,肯定會鎖在保險庫啦。
小妹最愛這張唷. feel good !!!!
回覆刪除[版主回覆07/29/2009 09:16:00]線條簡單,意境浪漫。
回覆刪除蝦糕有圓形我就知, 但估唔到都有方型嘅
[版主回覆07/29/2009 12:52:00]泥水佬經過唔知會唔會攞去砌牆呢?
今年雖然熱, 但個夏天真係好清好靚!
回覆刪除[版主回覆07/31/2009 19:03:00]只要吹西南風,個天就會好靚。
馬灣黑白照很吸引! 有機會都要去影番輯!
回覆刪除[版主回覆07/31/2009 19:04:00]馬灣拍攝題材好豐富,有時間去行下啦。
山水人士
回覆刪除估唔到你們每次出去行程都咁精彩!而且資料詳盡。
[版主回覆08/21/2009 12:45:00]哈哈!要玩得盡興,當然要事前做點功夫。
最重要的是有一班志同道合的朋友。