今天行程分開兩條線：
A線 ─ 鴨洲或稔洲，然後去吉澳食海鮮，飯後散下步，再去紅排，與B 線會合。
B線 ─ 赤洲探奇
平時當然會去B 線，但當日天氣太差，而且社長話好久沒有踏足赤洲了，要去補拍些照片，所以順理成章畀支好籤社長，我就去食海鮮。
今天隻船好大隻，因為A、B線各有九十多人。
小駁艇已經在赤洲等候我們。
社長帶領的九十多人，分批在赤洲西灣登陸。
我們就繼續往印洲塘慢慢遊。
印洲塘香港這邊依然山青水秀，但國內那邊就發展蓬勃。
在鴨洲又放下了六十多人，剩下來的都是資深團友，我們的目的地是
小稔洲。
由於第一次來，一上島便被這條石柱所吸引。
社長曾經在報刊介紹過，叫『雲根石』。
點解？唔知喎！ 下次見到社長再問過。
天上密密麻麻下着雨。
我們還可以笑笑口拍合照，但社長那邊會如何呢？
雨灑石頭
色彩更斑斕
大雨下，環繞小島行了一圈。
陳執委，冇帶遮嗎？避雨還是扮影相呀？咁狼狽嘅？
拜拜雲根石。
回到鴨洲接走團友，好彩行得快，暴雨下在船上看鴨眼洞，
感覺特別幸福。
去到吉澳雨又停了，還可以在碼頭拍拍照。
這環境，讓我想起童年時住木屋的情況。
食過午餐，雨又停了，我們可以散散步，參觀一下新建的牌坊。
在雨中，海邊散步，浪漫嗎？
什麼波波？完全忘記了！
『我係人面蛛，係人見到我都會嚇一跳，你呢？』
紅 孩 兒？ 西 遊 記 ？
離開吉澳，再訪紅石門水道。
原定上紅排，但水位太低，小艇也難以靠近，船家建議我們登執毛洲。
站上小山崗，看看印洲塘一帶風光，不錯，不錯。
正式進入紅石門水道，很多團友走出船頭拍照。
左邊海岸是往灣洲的老沙田，這處風光特美。
天公這時才放晴
可能是為這班赤洲『落湯雞』曬衣服。
赤洲平時水都冇水滴，今天竟然有瀑布，真係奇蹟。
哈哈哈哈！社長親身押陣，果然精彩，又幫我擋了一劫。
* * * * * * * * * * * *
平時見慣我亂闖，今天居然去咗食海鮮，會唔會有啲悶呢？
D水幾清喎
回覆刪除[版主回覆07/22/2009 13:10:00]印洲塘出名山青水秀，是香港的福地。
雨過天青, 幾靚
回覆刪除[版主回覆07/22/2009 13:11:00]近來個天時晴時雨，但一樣咁靚。
你去食海鮮，食完咪要 keep fit 囉！
回覆刪除[版主回覆07/22/2009 13:29:00]係呀！如果唔係就好易肥，肥咗就好難爬上爬落。
隻蜘蛛有冇毒o架？
回覆刪除[版主回覆07/22/2009 13:31:00]有毒咖，如果唔係點捉獵物呀！
回覆刪除今次有好多張相都影到好有味道, 例如 heading 果張同黑白果幾張, 正!!! 彩色既我喜歡呢張同埋情侶共行果張。
[版主回覆07/22/2009 13:39:00]可能今次唔係帶頭亂闖，多咗時間拍照，效果自然好啲。
回覆刪除見到真係好驚!!
[版主回覆07/22/2009 13:36:00]人面蛛見過唔少，但這塊人面確係好核凸。
回覆刪除唔埋佢乜名, 真係好特別 wor
[版主回覆07/22/2009 13:34:00]成個島都啲石都係啡色紅色，唯獨這條石柱係白色，真係幾特別。
人面蜘蛛睇相睇得多, 親眼就未見過, 大隻嗎?
回覆刪除石頭紋路好靚。
[版主回覆07/22/2009 13:40:00]都有手板咁大，幾嚇人咖。
石頭濕水後更美。
社長說雲根石即形容很大根的石柱。
回覆刪除不是叫波波是鵬海明珠。
社長俾你激死。
[版主回覆07/22/2009 13:42:00]哈哈！由細到大都唔聽書。
有冇睇日全蝕? 我啱啱睇到個月亮形既太陽呀 ~ 呢邊個天突然好黑。。。
回覆刪除[版主回覆07/22/2009 13:43:00]有呀！坐在公司樓下個花園，看到有個好燦眼的月光。
我發覺你拍的照片越來越好看，現在不只是旅遊家，也是攝影家了，但是，為什麼不見海鮮的照片呢? 好想吃海鮮啊....
回覆刪除[版主回覆07/22/2009 13:52:00]哈哈！一般A 線行程都好輕鬆，老少皆宜，但我好少參加，今次同社長換位，多點時間取景，效果會好啲。
亂闖之時係行山家，影相之時係攝影師，美食之前是食家，寫遊記之時係作家..... 咦！唔憂冇嘢做喎。
那天食飯之時要行出行入，幫社長夫人打點打點，忘記了吃過什麼，也沒有拍照。
回覆刪除hehe......真係有樣貌咁呀!!!!!!!!!
[版主回覆07/22/2009 13:53:00]仲有表情添。
云根石，像云南石林的磨菇石。雨中游印洲塘，别有一翻风味。好！
回覆刪除[版主回覆07/22/2009 13:54:00]雨中印塘，好清幽。
我見到jeff
回覆刪除[版主回覆07/22/2009 19:06:00]咁好眼！
唔怪之得你地2兩個話石頭在雨的顏色特別靚啦，好鮮艷呀
回覆刪除[版主回覆07/22/2009 19:09:00]這些石頭順滑而色美，好靚。
唔怪之得你地2兩個話石頭在雨的顏色特別靚啦，好鮮艷呀
回覆刪除[版主回覆07/22/2009 19:07:00]係呀，出猛太陽會暗啞一點。
嘩，原來真係咁大雨，成地都水浸，你地可以食飽飽真好。
回覆刪除[版主回覆07/22/2009 19:10:00]哈哈！下次記住看風轉舵。
乜e家興姐姐仔擔遮!!!
回覆刪除[版主回覆07/22/2009 19:11:00]阿姐擔遮，襯啲嘛！
>>>哈哈哈哈！社長親身押陣，果然精彩，又幫我擋了一劫。
回覆刪除哈哈哈!!!!!!!我呢隻落湯雞報到啦，呢一劫有瀑布真是難得一見，仲要臨走送個藍天俾我地，晒番乾個人..haha
>>>>平時見慣我亂闖，今天居然去咗食海鮮，會唔會有啲悶呢？
邊會悶呀，好快又會見你勇闖啦
[版主回覆07/22/2009 19:13:00]哈哈！這次唔好意思，賣甩咗你哋，下次加料。
人面蛛起南丫都見過一次。
回覆刪除[版主回覆07/22/2009 19:17:00]通常樹木較密的地方就會見到；試過在小鴉洲樹林衝破了一個蜘蛛網，成隻人面蛛掛在帽前，嚇到連帽連眼鏡都拍掉。
哇！好大隻蜘蛛精
回覆刪除比南丫島還大
[版主回覆07/23/2009 08:48:00]這隻人面蛛比正常的稍大，所以個樣咁清楚。
曾經搭船到此食海鮮
回覆刪除[版主回覆07/23/2009 08:51:00]其實吉澳海岸線曲折連綿，可以分開四、五次玩。
回覆刪除同樣這張相.老婆大人影的好過你喎!
[版主回覆07/23/2009 08:52:00]老婆大人耐性比我好，又唔怕核凸。
蜘蛛好恐怖.............. X10
回覆刪除[版主回覆07/23/2009 08:53:00]真係好核凸、肉酸、恐怖......
不過，石、水、天空就非常之靚
回覆刪除[版主回覆07/23/2009 08:54:00]雨後的天空特別靚。
>讓我想起童年時住木屋的情況
回覆刪除我都係住木屋住到大噃！
[版主回覆07/23/2009 08:55:00]最緊要係現在不需要再住。
咁下次會唔會有人以為赤洲有瀑布，帶住錯誤的期望報名呢？
回覆刪除[版主回覆07/23/2009 08:58:00]有沒有瀑布都好，近半年都經常有人報錯名及帶住錯誤的期望而來，如果唔係點會有手提包、拖鞋人及繡花鞋出現呢！
晚安喇...腦友記 帶病嘅Kitty又嚟巡blog喇...
回覆刪除[版主回覆07/23/2009 08:59:00]保重身體呀！
雨中遊無咁熱！
回覆刪除[版主回覆07/23/2009 08:59:00]雨中遊一樣亂咁影。
你多才多藝，大把野做啦!
回覆刪除[版主回覆07/23/2009 18:26:00]如果搵夠錢退休，以我咁多興趣，真係唔會悶。
股爺路過，留個腳印。
回覆刪除謝謝你的分享
[版主回覆07/24/2009 19:21:00]謝謝你的來訪！
有瀑布玩, 又幾好噃....
回覆刪除[版主回覆07/24/2009 19:22:00]謝謝來訪！
香港真係好好玩！
雲根石真好特別呀！
回覆刪除[版主回覆08/03/2009 13:08:00]整個小島只有一條這樣的石頭，真係好特別。
山水人士
回覆刪除經過你的介紹，我先至知道原來香港有這麼多地方是這麼美的，對你的網誌越來越有興趣，而且令我更加認識香港的大自然環境，原來香港有這麼多寶座的，請問你們是否行山旅行團？因為有成九十幾人一團，令我覺得你們不是普通朋友約埋去行山旅遊咁簡單。
[版主回覆08/22/2009 09:45:00]潔沁
謝謝妳這麼晚還在看我的網誌。
香港的山不夠高，風光變化不大，但海岸線則曲折綿長，大小島嶼約有二百二十多個，可以遊玩的地方真的很多，我由2001年開始，每年大約有四十個周週日都去探遊，但是還去不到100個海島。
妳的感覺沒有錯，我們是跟行山會去玩的，香港行山會眾多，但主力走海線的還是以『友晟之友』最深入。
有時間可看看：
www.yaushingtravel.com
時間適合的話可以一同來看看香港的美麗風光。