2009年 10月 26日 天晴 不太熱 合兩頭行
地點:大嶼山 白角
相機仔:依然係 Canon G10
近期香港的地質公園終於成立了,很多人都以為精彩的,特別的地貌都包含其中,但在我來說,也有滄海遺珠,大嶼山的白角,就是其中之一。
正因為這遍精彩美麗的地域,知遊者稀,今天查看過潮汐漲退表後,便帶同一班行山友人,再探這地質瑰寶。
由東涌坐巴士到石壁後,再沿引水道進入,到引水道末段時,剎那人記起附近有條水澗,可以先入去看看,食完頭盤,再上主菜吧!
進入引水道後,看到一隻不自量力的小東西在擋路。
『喂!我係外星人,夠膽同我隻揪吖!看我的螳螂拳!』
這隻『外星人』有點神經質,鉗住我部G10 唔放手,最後要捉它回樹叢。
『山怪剎那』帶路,先探靈白石澗。
今天水量不多,呈V形的靈白石澗。
澗旁有幾棵美麗小花─ 竹葉蘭
還有這塊洗衫板石。
上完頭盤,經大浪灣營地直達海邊。
剛進入亂石灘已經奇石處處,阿烏看到一塊似牛頭的岩石。
有 一筒、二筒,叫糊......... 小 小 壺 穴
被奇岩異石吸引住的老婆大人及開心老爺。
色彩多變、形態奇特的白角岩石。
鱆 魚 石
響 螺 石
這塊岩石的色彩,剎那人說似植物化石。
埋頭拍攝,回來再慢慢研究。
老婆大人坐住的,是白象石。
白角探奇者。
騎 獨 角 獸 出 海。
躺在美麗的圖案上,連發個夢都七彩繽紛。
Badman 獨自看海。
像珊瑚,也像台灣野柳的白石。
想在這裡拍照也有難度。
過了野柳白石,就到『滑雪台』。 開心老爺示範。
娜娜跟隨其後。
在起步點玩了一個多小時,今天三時水漲,再不前進,可能會卡在中間岩岸,進退不得就麻煩了。
老婆大人帶領進入第一關。
潮水正在上漲,浪湧較大。
有前冇後,上!
再闖第二關。
這個灣較深入,沒什麼浪花。
這裡有最觸目,最艷麗的岩石。
剎那人叫它『天崩地裂』,我叫它『火燒肉乾』
因為翻起的岩石,底層呈棕紅色,而上層則像肥肉的黃膏,但太乾,有點燶。
『烤肉場』旁邊還有一個高而淺的岩洞,下有數個壺穴,帶點原始美。
像火燒的洞頂岩壁。
這一段的岩石,形態色彩都非常吸引,無奈時間不多,要繼續前進。
進入第三關的岩壁,如果爬得太快就會走寶。
岩巉的石頭間,有一片滑溜而帶雞血色的岩石。
彩 雲 壁
我第一次見這塊岩壁時,已被深深吸引,但位置有點險,要停下欣賞拍照,也要有一定身手,不可大意。
來到這裡,已經過了一半路程,還有精彩的下半段,稍後再上載分享。
山水
回覆刪除你哋真係好犀利
連這些地方你們也識去
那朵蘭花真是很靚
[版主回覆11/16/2009 09:37:00]Annie
如果妳是這類人,便會追尋這類資料,但知道白角奇景的人真的不多。
多得剎那人介紹,我都是那天才認識 竹葉蘭 的。
真係滄海遺珠喔~
回覆刪除[版主回覆11/16/2009 09:38:00]香港海岸線還有不少美景。
很精彩啊!!! 真的要一遊!!!
回覆刪除[版主回覆11/16/2009 09:41:00]有幾位朋友都要求山水再去,查一查潮汐漲退表再安排吧!
如果Eddy兄有興趣,到時再通知。
謝謝山水先生與一班熱愛探奇的人士,與我們分享這些難得一見的石境 令人嘆為觀止!!
回覆刪除[版主回覆11/16/2009 09:44:00]這些造物主恩賜的美景,妳我都有份,有時間應該親身去感受,現場更精彩呢!
近期我也去過呀 !
回覆刪除[版主回覆11/16/2009 09:46:00]咁有冇影到冇停手呀?
白角,是個過一段時間就會想去的地方。
山水老師,我覺得D石一個個''窿''咁好核突呀‧‧‧ 唔知點解我好怕D圓姑碌堆埋一齊既野,所以dayday一見到蝴蝶上面既花紋就會嚇到飛起●.●'
回覆刪除[版主回覆11/16/2009 09:48:00]哈哈!咁妳會唔會細細個的時候跌過落啲窿窿度呢?
想克服就要再接觸啲窿窿。
回覆刪除time to
[版主回覆11/16/2009 09:50:00]嘩!咁夜瞓,你唔駛返工嗎?
佢有眼光知道 G 10 是正野,想搶
回覆刪除[版主回覆11/16/2009 17:58:00]所以話隻『外星人』係神經質。
真係好羡慕你地, 可以去睇到咁多好野, 不過, 如果我去, 我有點驚爬石呀
回覆刪除[版主回覆11/16/2009 18:00:00]你在加拿大的自然風光更加宏偉喇!
如果你來到,我們一定會幫你完成旅程。
回覆刪除HAHA))))個樣好傻呀!
[版主回覆11/16/2009 18:01:00]『外星人』係好可愛咖。
回覆刪除女英雌!
[版主回覆11/16/2009 18:02:00]都是愛玩一族。
這東西很多小朋友連聽都無聽過。
回覆刪除[版主回覆11/16/2009 18:03:00]咦!你這個小朋友真係見多識廣喎,洗衫板都識。
咁似bowling球的手指窿
回覆刪除[版主回覆11/16/2009 18:05:00]哈!保齡球?幾乎唔記得的東西。
呢度係乜野星球,咁多種顏色石混埋一齊,奇妙。
回覆刪除[版主回覆11/16/2009 18:07:00]係呀!所以白角有個別名叫『異域』,咁你想唔想去吖?
次次睇過你的相,次次都話下次要跟你去。白角又真係很多不同石質,真係去好多次都唔會嫌多。
回覆刪除大相好正呀
[版主回覆11/16/2009 18:10:00]SK 已經流晒口水,一定會再去一次,等我睇睇潮汐漲退表先喇!
奇景呀...奇景呀,真係未見過咁樣的石型。
回覆刪除[版主回覆11/16/2009 18:14:00]這堆火燒肉乾我真係在其他地方未見過,香港漁護處出啲書都冇提過,最早期在社長的著作中見到,問了他兩年他才話我知點去。
嘩!咁夜瞓,你唔駛返工嗎?
回覆刪除>>>我都想...結果都係
[版主回覆11/16/2009 18:18:00]要返工就唔好咁夜瞓喇。
幾時去爬樁砍角石河???
回覆刪除[版主回覆11/16/2009 18:16:00]哈哈!小朋友真係好記性,等我問問其他傻瓜先,最緊要唔好落雨,否則玩完變泥鴨。
呢一關唔易攪呀,嚇親我呀
回覆刪除[版主回覆11/16/2009 18:19:00]下次揀個水大退的日子,咁就唔駛驚喇!
點解我影來影去都沒法好像你一般, 影得咁好既??
回覆刪除現在出海風是不是很大呢? 你們行山的路線又是不是不難不走呢???
[版主回覆11/17/2009 09:44:00] 攝影只是對眼前景物的取捨,只要集中喜歡的部份,無關重要的便裁去,注意一下光源,多加練習,要拍自己喜歡的相不難。
相對夏季,現在出海的次數較少,11月29日會去墨洲、螺洲,或者看看『友晟旅遊』網頁行程表,時間合適而有興趣的,可以留言問我。
我們自己走的行山線,大多手腳並用,行程五至六個鐘,因為喜歡拍照,所以步伐不會太快。
死喇...而家睇返... 似魚腸
回覆刪除[版主回覆11/17/2009 09:46:00]似魚腸都好過似血流成河吖。
似咬開o左o既齋雞粒.
已經夠險,,,,,,,,,睇見佢地仲要揹埋背囊........... 真係一額汗.........29號對我o黎講....揹背囊行4,5個鐘.......真係一個大考驗.......我諗同上次平面洲係完全兩回事
[版主回覆11/17/2009 12:58:00]『齋雞粒』 哈哈!都幾似。
當妳面對的時候,便不會恐懼,因為只會專心向上爬。
我們的背囊都有背部隔熱網、腰帶、肩帶、胸帶,較為貼身的設計,合適的長度及腰帶對長途負重行程好重要,妳看過我們的台灣登山之旅應該知道當時揹得更重。
去平面洲個日我見到你個背囊, 好似幾長咁. (你人高冇問題啦) 我呢個星期都要去睇下D褲呀~ 衫呀咁.... 仲要睇埋背囊...... 唔知你記唔記得我個日個紅色背囊....睇怕都係唔合格o既.
回覆刪除[版主回覆11/17/2009 18:53:00]背囊有不同的容量,我用的是32 litre,老婆大人用的是25litre,試背囊時可以叫售貨員放一些重量進去,留意肩帶時否舒服,然後將腰帶包在盤骨中位,拉緊,背囊的重量應該是70% 在腰間,30%在肩膀,這樣走起來重心便較低,不會擺來擺去。
行山真是有趣的獵景之旅,每每會見到意想不到的奇石,棒!
回覆刪除[版主回覆11/17/2009 18:55:00]行山可以除百病,可以返老還童。
回覆刪除石頭就好靚!不過行唔掂喎!
[版主回覆11/18/2009 09:43:00]經過大斜壁一役,妳應該知道,只要妳想行,一定可以完成。
回覆刪除燒得好靚又好味呀!
[版主回覆11/18/2009 09:43:00]大自然的滋味。
嘩!嘩!嘩!幾時帶我去呀?
回覆刪除[版主回覆11/19/2009 09:49:00]好喇,好喇!唔駛喊,這個星期在蚺蛇尖定案喇!
目前香港的地質公園只放在西貢東部及新界東北部,其餘西及南面具保存及觀賞價值的地貌都付諸闕如,由此推想,未來數年旅行風氣大概又偏如東及東北面了,地質公園的成立,是推廣旅行之福乎?抑禍乎?
回覆刪除[版主回覆11/21/2009 14:04:00]其實政府何必推廣什麼呢!什麼人會找到什麼路,要行郊遊徑的人行我們這些路,行到去都剩下半條人命喇,還有心情欣賞嗎?
你地政府又話搞地質公園,又話要點又點...其實山水已經行前政府好多步,希望唔好幫倒忙啦
回覆刪除[版主回覆11/23/2009 18:32:00]如果政府有關部門真的去推廣及教育,而不是以破壞當保育,就已經公德無量。
我在這裡登載的網誌,既可紀錄我的足跡,亦希望大家知道香港有不少好地方,與外國朋友聊天時,不要說香港除了購物便沒有自然景觀。