2009年 10月25日 天晴 間中密雲 有時又有陽光
地點:新娘潭、照鏡潭、石板潭‧‧‧
其實唔多記得去咗邊
相機仔:Canon G10 及 豆丁腳架
今天非常老師帶隊,又有一班志趣相同的隊友一齊,對不大喜歡行山的我,也出來湊湊熱鬧吧。
上午九時大埔火車站集合,然後乘坐大巴士,大約十時三十分下車,行了數十步,老師說先從岩台頂看看新娘潭的『通天壺穴』。
爬過路邊欄河,步入一條頗優美的水澗,眾隊友已經跟隨老師前行,而我則漫步石上,尋找一些小風景。
我的小趣味
喂!細路,唔係咁冇公德心嘛,咁快就拉出一大堆。
這邊開心老爺又搏老命,影什麼呢?
通 天 壺 穴
近 鏡,睇清楚啲。
非常老師已經帶領部份隊友下山看瀑布。
Badman,為何突然咁文靜呀,莫非心有所思?
小 小 瀑 布
重 回 大 隊
新娘潭,一個非常熟識但感覺陌生的名字。
人人都說小學旅行已經到過的地方,但我却一點印象都沒有........
莫非真的是第一次來? 咁就要拍照留念了。
陽光正好,潭水清澈。
看完潭水,再找我的小趣味。
跟隨老婆大人的腳步,再到照鏡潭。
水滴石穿,原來是真的。 這裡又有一個壺穴。
老師帶領大隊去探下一個景點,已經忘記了地名......
途中小休進餐,我們只吃水果,吃完後看到前面有什麼東東在擋路...
莫非是非法入境者?
喂!那個啡色的傢伙,踎得咁核凸,在幹啥!
『嘿嘿!阿SIR,我食嘢囉,香港有邊條法例唔俾人踎喺路邊食嘢先?
我都有香港身份証咖!』
哈哈!你有身份証,我冇!而且我唔係阿SIR,係恐怖份子!
快啲將值錢同唔值錢啲嘢攞晒出嚟,如果唔係打你一身再拉出去遊街!
『吓!玩到咁大?』
哈哈哈哈!嚇到大叔對眼都凸咗出嚟!
剎那人話:尤 德 亭, 有得停。
在尤德亭看下去,一邊是南涌,一邊是鹿頸。但這是什麼呢?
直昇機停機坪
是誰掛這個牌在樹丫呢?
咦!Colourful 坐住條蛇。
這處也是好出名,但我也是第一次到的嘉龍潭。
誓要下闖拍照的Colourful。
最出名的石板潭連環壺穴。
老婆大人好像坐住怪人個口,搞到怪人大細眼,嘴歪歪。
豆丁腳架再次發揮功用。
看完潭水壺穴,步向鹿頸山。
中途也要玩玩人錬。
上鹿頸山途中所拍的水鄉。
4:30p.m. 鹿頸山頂,今天有些新隊友,可能未行過咁長程,在山頭不停聽到有人打電話報平安,然後又說個山好難行,不知如何下山.....
咦!大叔又浦頭,再玩過!
在戰壕附近捉到個間諜,唔駛審,馬上槍斃!
『鳴嗚!我仔細老婆好,唔可以咁咖。』
轟隆!轟隆隆!!! 天變呀!有冤情呀!快啲放人喇!
哈哈哈哈!同一班開心友行山,真係充滿樂趣!
回覆刪除好特別。新娘潭呢個地方唔錯~
山水兄, 我地買咗S90喇, 拍夜景都OK喎, 要唔要整多部玩吓?
[版主回覆11/10/2009 09:10:00]呢處係石板潭,離開新娘潭有三小時腳程。
部S90真係睇到我心郁郁,但我已經有5部相機,太多喇,要忍忍手。
咁妳快啲開工,重新上載相片畀大家分享喇!
回覆刪除我見過水乾有人穿左入去
[版主回覆11/10/2009 13:17:00]咦!不如等下次水滿潛入去。
幫大叔嘴邊加幾滴血 好嚇人!
回覆刪除[版主回覆11/10/2009 13:19:00]哈哈!不如下次帶幾包茄汁送界大叔,一為賠罪,二是再整蠱。
>有人打電話報平安,然後又說個山好難行,不知如何下山 警察先生...我好攰呀仲未落到山 咩呀?我起咩鹿頸呀 聽都未聽過 都唔知自己起邊 救我呀
回覆刪除[版主回覆11/10/2009 13:21:00]哈哈哈哈!最後要加句:記者剎那現場報導。
每次上烏蛟騰都看照鏡潭頂那個孔。正!
回覆刪除[版主回覆11/10/2009 13:23:00]哈哈!我是第一次去,真係好正。
回覆刪除呢幾個洞好正!
[版主回覆11/10/2009 18:43:00]香港好似只有這個潭有連環壺穴,真係好奇妙!
回覆刪除喜歡呢張相!
[版主回覆11/10/2009 18:43:00]謝謝欣賞!
都係一啲小品。
回覆刪除睇呢張冇問題, 睇張BANNER 就有D畏高感覺呢.....
[版主回覆11/10/2009 18:44:00]所以相係大張好睇啲。
乜呢位大叔敢勁?痾尿射穿石!
回覆刪除[版主回覆11/13/2009 17:35:00]哈哈哈哈!如果Colourful 真係咁勁,咁就要帶佢環球表演了。
山水
回覆刪除你話有五部相機,有無計埋你老婆大人果d架?如果無計咪仲得人驚,新娘潭我都係未去過,見你哋玩得咁開心就好想去呀! 都係周圍睇多d先,因為依家喊都無用
[版主回覆11/13/2009 17:38:00]Annie
我有五部,老婆大人有四部,兩個人有九部相機。
有時間就一齊來玩啦!
哈哈,第一次做banner
回覆刪除[版主回覆11/13/2009 17:43:00]你咁型,型男睇到唔知點諗呢?
在山頭不停聽到有人打電話報平安,然後又說個山好難行,不知如何下山
回覆刪除劫後餘生?傍惶、恐懼........
[版主回覆11/13/2009 17:45:00]哈哈!新手行一小段山路已經覺得好辛苦,如果去螺洲唔知點算呢?
咁似我行完鬼手出返郊遊徑的一幕,
回覆刪除[版主回覆11/13/2009 17:46:00]哈哈!你咁行得,點會咁呀!
瀑布幫你洗頭,當時一定好爽
回覆刪除[版主回覆11/13/2009 17:49:00]哈哈!幾十歲人才第一次去新娘潭,真係笑C 人。
當日沖洗全身的有剎那人及老師。
如果大叔的朋友睇到,一定唔會話俾佢知.... 等我地有故仔睇
回覆刪除[版主回覆11/13/2009 17:51:00]大叔真係好好玩,玩極都唔嬲,大家見面時笑到『卡卡』聲,佢唔知發生什麼事,也笑埋一份,真係好開心。
這種行山路線就適合我們這些平凡的人了! 我也想去看看新娘潭,請問坐那一號巴士?
回覆刪除我己依照你的方法,但是沒有修復軟件彈出,更遑論找到馬賽克了,請問為何沒有修復軟件彈出呢,我己允計彈出視窗,但是,仍然沒用啊!
[版主回覆11/13/2009 18:02:00]我對行山路線唔多認得,只記得逢星期日有巴士由大埔火車站開往新娘潭,總站下車後有指示牌,很近,假日可以去看看。
用密碼進入自己Blog後,按相簿選取相片,相片上方一定會出現『修圖』方格的,按下去幾秒相片旁就會出現好多功能鍵,再試試吧!
警告 : 正在方便 , 兒童不宜,
回覆刪除[版主回覆11/13/2009 18:05:00]點解咁奇怪,在其他人個Blog 度偷了相片放在這裡,是不是插贓呢?
你們一班朋友都幾玩得啫!
回覆刪除[版主回覆11/13/2009 18:13:00]哈哈!一班大細路,放下工作後當然要玩得投入,玩得盡情。
依揖相有很多爆笑位!
回覆刪除[版主回覆11/13/2009 18:15:00]哈哈!多得大叔全情投入,每次都帶來歡樂。
看得好開心 , 我都未去過 , 真係要找時間去吓 ! 一般人行得到冇 ?
回覆刪除[版主回覆11/13/2009 18:34:00]哈哈!一班人行山的好處是熱鬧,人人都玩得時會特別開心。
每個星期日由大埔火車站都有巴士去新娘潭,路線輕鬆易行。
從照片都可感受到你這班人好玩得,不過見你用部G10咁正,攪到我想入番部添!
回覆刪除[版主回覆11/13/2009 18:38:00]如果唔玩得都唔敢提啦!
G10 真係幾好,有Blog 友提議叫Canon 搵我做G10 代言人,哈哈!係就開心咯!
G10 有40米水深防水殼,啱晒妳做魚魚時用。
Wow! G10 拍出來的真美,真有點心動....
回覆刪除[版主回覆11/13/2009 18:42:00]由三百萬像素的A70 玩到今天的G10,都係覺得Canon 色彩合眼緣。
佢好似正在刷緊牙?
回覆刪除[版主回覆11/13/2009 18:43:00]大叔個樣像刷牙,所以配啲牙刷刷對白給他,好好玩!
唔知係唔係你地開左個索引首頁去頂那Spam文,近日似乎少左。
回覆刪除[版主回覆11/13/2009 18:45:00]個壇鎮得住,冇晒垃圾留言了。
山水
回覆刪除想同你哋一齊玩,我諗要等我減肥成功先至得,如果唔係跟唔到你哋既步伐喎
[版主回覆11/14/2009 09:22:00]Annie
我們的路線有難有易,可以由易入難兼減肥。
你地越來越生鬼!自編自導自演,不如整個領獎禮呀!選最佳男女角啦!
回覆刪除[版主回覆11/14/2009 09:25:00]哈哈!這輯相是我負責編、導及拍攝,大叔做最佳男主角,其他隊友全力支援。
我都係幾十歲人才第一次去新娘潭,早你幾年o者!
回覆刪除[版主回覆11/14/2009 09:26:00]哈哈!原來唔係人人小學都去過新娘潭嘅。
哈哈!香港人平時嘆慣,偶然出來捱下騾仔,我想他們下次……還敢不敢再來。
回覆刪除[版主回覆11/21/2009 14:00:00]哈哈!我相信他們也有行郊遊徑的經驗,但是要用手用腳上落的路線,對他們而言,太辛苦了。
我好似二十多歲時才到新娘潭
回覆刪除小學經常去城門水塘, 到現在都係
[版主回覆01/29/2010 23:14:00]可能由細到大都好少行正常路線,到了年過半百才第一次行這段路。