記憶中,每年的7月1日陽光都特別猛烈,天空特別藍,海水特別清,今年也沒有例外。
早上8時30分已經在尖沙嘴碼頭,看着維港上空的藍天白雲,雖然汗如豆大,但心中依然高呼:正呀!正呀!正呀!
維 港 的 天 空
東 龍 島 燈 塔
香港天然奇景之一 大象汲水
哈佬!釣魚翁,又係我呀!
第一站,先看看燕子岩。
這個岩洞,近洞口岩壁上,有不同海鳥築巢,而洞尾靠向左側,有一個不知多深的洞穴,內裡漆黑一片,地上積滿夜明砂(蝙蝠屎),奇臭無比,試過一次掩鼻靠近,但離洞口十步已經無法再進,因有大量蝙蝠撲面而來,嚇得抱頭閃躲,自此亦不敢再踏入洞尾。
探完燕子岩,便送喜歡海浴的團友往香港頂級沙灘─咸田灣。
蚺蛇尖下的咸田灣,水清沙幼,屬大浪四灣之一。
放下部份團友,我們再尋找我們的樂趣。
大洲、尖洲,稍後來探你們。
我們的探奇項目:長咀 賊岩 ( 獺 岩 )。
要入洞,便要濕身。
這個海蝕洞有十多公尺高,深達四、五十米,只有兩米闊。
有人探訪,住在洞內的蝙蝠馬上飛出來看看。
這裡的蝙蝠樣子可愛。
一群探奇者
步出洞口
好 熱 鬧
又 見 藍 天
遊人走後,蝙蝠回復清靜,可安心繼續睡覺。
又 再 靠 近 大 洲
摸住石頭入洞。
呵呵!洞口咁細,洞內咁大,好特別啊!
關於 大洲 及 尖 洲,去年探遊時有詳細記載,有時間就去睇睇喇。
探完兩個海蝕洞,還有點時間,馬上趕回咸田灣,在船邊跳上跳落,盡情享受陽光與海水。
東海上的果洲群島
回程時,有隻麻鷹在船邊盤旋,似在跟我們道別。
又享受了一個美麗的星期日,真係要大大聲講句:
『我愛夏日長!』
果洲好靚
回覆刪除[版主回覆07/18/2009 16:26:00]一年唔係有好多日可以見到咁清的天氣。
藍天白雲,望到都開心
回覆刪除[版主回覆07/18/2009 16:26:00]咁得閒就來看看喇。
回覆刪除好多顏色~ 好靚!!!
[版主回覆07/18/2009 16:27:00]香港的天然海蝕洞都有這種色彩。
回覆刪除好少見藍天白雲下香港!夏天少咗出街,更是難得一見.
[版主回覆07/18/2009 16:30:00]香港人近幾年經常叫還我藍天,在出現藍天白雲時,又有多少人願意離開冷氣房,親親藍天呢!
回覆刪除要濕到甘
[版主回覆07/18/2009 16:31:00]係呀!玩定唔玩自由選擇。
係甘全部人都入去?
[版主回覆07/18/2009 16:32:00]只有五、六個在洞外曬太陽。
燕子岩裏住的是蝙蝠,好吊詭!
回覆刪除[版主回覆07/18/2009 16:34:00]內裡全是蝙蝠,可能有少量燕子在洞口築巢。
全部都係藍天與白雲,好正呀
回覆刪除[版主回覆07/18/2009 16:36:00]所以我愛夏日長!
呢個洞應該好好玩!有機會要去一去。
回覆刪除[版主回覆07/18/2009 16:36:00]夏天多數會穿海洞,有時間就來喇!
可惜明天的探洞行程被颱風吹走了。
個個星期日都四圍去喎!
回覆刪除夏日, 大家都來盡情玩吓啦
[版主回覆07/18/2009 16:39:00]星期日減肥嘛!
玩到好似『蒙古佬打仔』- 大汗疊細汗。
好利害! 有水的山洞都夠胆摸入去
回覆刪除[版主回覆07/18/2009 16:40:00]如果準備充足,沒有什麼地方不敢去。
好濕!好正
回覆刪除[版主回覆07/18/2009 16:41:00]乜唔係好濕 好熱嗎?
下次一定要跟你去啊!
回覆刪除[版主回覆07/18/2009 16:42:00]哈哈!好呀!下次見喇!
不如就青洲見喇!
幫個忙好嗎?把這個發給其他人。上新中有個女孩子叫陳家琦,她有一個可愛的19歲她得了白血病,希望大家幫助她,留住的小生命。把這完整地發給30個以上的網友。不再線的也算。: 完成後,系統自動加你為陽光天使。把這個簡訊傳給你所有及時通的人,別人看到你得名子就會是金色的
回覆刪除[版主回覆07/18/2009 17:05:00]盡力而為啦!
回覆刪除齋看d 雲都靚到4 !!!!!!!!!
[版主回覆07/18/2009 17:08:00]藍天白雲真係好好睇,所以時常『頭岳岳』,可惜明天刮颱風,冇得睇。
回覆刪除地上果d 係.................垃圾!!!!!!!!!
[版主回覆07/18/2009 17:12:00]唉!香港政府講了好多年,對減低使用發泡膠完全沒進展,所以海上經常漂滿這些白色污染物。
(廣州多年前已經禁止快餐店用發泡膠。)
洞內浸浴,超舒服
回覆刪除[版主回覆07/20/2009 09:13:00]海蝕洞內有涼風吹送,有海浪沖身,真係好舒服,但不一定可以入洞,例如水太漲或浪太大。
我都唔知香港原來仲有咁水清沙幼的沙灘添.....
回覆刪除[版主回覆07/20/2009 09:16:00]香港頂級海灘都在西貢東部海域,如果由陸路去要行個多小時才到,我們坐船就要兩小時航程。
我最怕濕身
回覆刪除[版主回覆07/20/2009 09:18:00]濕腳o者,有奪寶奇兵feel 喎。
夏天行山,始終都會濕身。
個天清到咁,這裏不是香港,是馬兒代夫。
回覆刪除一定是山水兄變魔法變出來
[版主回覆07/20/2009 09:22:00]哈哈!如果可以變就唔會連續兩個星期打風啦。
2003年以來,每年的7.1 都好熱,好勁太陽,不知是否幫特首減少示威人數呢?
穿洞咪成身濕晒!是否準備咗衣服呢換呢?
回覆刪除[版主回覆07/20/2009 09:25:00]坐船出海最大好處是可以帶多點東西,當然會有整套後備衣服啦!不過我就會換定泳褲。
燕子岩有無找到燕窩呢!
回覆刪除[版主回覆07/20/2009 09:30:00]以前洞頂真係有燕窩,不過近十年蝙蝠越來越多,燕窩就好難見到了。
你哋真有探險精神
回覆刪除[版主回覆07/20/2009 09:33:00]其實妳都可以;入洞浸濕腳的嬸嬸已經是婆婆級,平時照顧孫女,假日就跟我們上山下海,好玩得咖!
回覆刪除一條條的燈光,點解向上?點影到呢?
[版主回覆07/22/2009 13:03:00]拍下了元神出竅。
其實係在絕對漆黑環境下,快門0.5秒,加閃燈,按下快門然後將相機下拉,將電筒的光做成光軌。
碰啱咁好天氣,濕下腳都無妨!
回覆刪除[版主回覆07/22/2009 13:03:00]果日咁好天,潛水都得啦!