2010年 2月16日 (大年初三) 天陰 寒冷 間中有微雨
地點:城門水塘
相機:Canon 5D 鏡頭 : 24~105mm 70~200mm F4
農曆年假期,經過初一、初二跟長輩拜年後,今天赤口,約了開心老爺、奶奶出來走動一下,由於新春不想太辛勞,便選了到城門水塘行個大運,希望今年一切順順利利。
城門水塘最出名的風光 ─ 白千層樹林
對岸有人在擺陣拍攝。
究竟是誰,吸引到不少人在觀看。
還高聲打招呼!
看到是誰嗎?
還是看不清?不如走過去,叫聲 Hello! 發哥!
友善的發哥說:得,得,等我一陣,稍後同你哋影。
老婆大人:真係影咖?不過我唔係好想影喎。
發哥還叫我們續一合照,但老爺、奶奶是秤不離鉈,當然要一齊影啦。
拍完合照後,發哥跟我們談了些攝影心得,還拿起我部相機拍了一張相。
** 周潤發 攝 **
與發哥分手後..... 吖!唔記得攞簽名! 又再漫步水塘邊。
大城石澗下游
風 光 優 美
另一出名的觀光點 ─ 路旁的猴群
母子相依
由於猴群長時間與人類接觸,已經完全不怕人,還時常在遊人身上搶奪食物。
另一對母猴與小猴。
雄猴大王,剛在另一邊搶食物,被遊人驅趕過來。
馬 騮 仔
可能天氣凍,每隻猴子坐下時都用這個姿勢來保持肚皮溫暖。
這隻母猴個樣,越看越似 - 靚次伯
看完猴子,再看看水塘風光。
當天的遊人,似乎忘記了這裡是水塘,竟然有人“片石”、玩水。
這裡真的是馬騮山,垃圾桶、草坡,都有猴子的蹤影。
天色越來越暗,還灑了點雨。
水塘主壩
群 山 疊 翠
新春行了個大運,精神爽利!
*************************************************************
上一篇網誌,登出了由 LS 修訂了的上聯,誠徵下聯,得到各方好友支持,現在登出來與大家分享:
智者樂山,勇者樂水,山水人士樂山水,智勇兼備。
Michelle:
文人賞詩,武士賞畫,詩畫人士賞詩畫,文武皆宜!
Janejane:
文人詠詩,藝人詠歌,詩歌撰者詠詩歌,文藝雙全。
QQ Florence:
文士愛天,武士愛地,天地眾生愛天地,文武雙全。
Candy:
「文者善書、武者善闖、 諸 君相識滿天下,文武雙全」
mmm :
愚子樂吃,懦子樂玩,吃玩人士樂吃玩,愚懦為伴
剎那之間:
一.「天有飛鳥,地有走獸;天地萬賴昭天地,鳥獸共鳴」
二.「日照餘彩,月映凌霞;日月交替又日月,彩霞亂舞」
大隻男:
一.文官多智,武官多勇,智勇英雄多智勇,文武雙全。
二.孝子動天,義子動地,天地兒女動天地,孝義共存。
山水人士:
先天是愚,後天是儒,愚儒眾生是愚儒,先後相同。
咁都遇到... 近排愛上用長鏡影動物 見到你尐馬騮相... 心痕添
回覆刪除[版主回覆02/22/2010 08:53:00]新春遇名人。
如果天陰陰,漫步城門水塘是個不錯的選擇,如果突然身痕,還可以走走大城石澗。
美呀
回覆刪除[版主回覆02/22/2010 08:55:00]陰天的光線,可以讓相片更柔和。
發哥影得好求期 wor
回覆刪除[版主回覆02/22/2010 08:58:00]他只是想比較有偏光鏡同沒有偏光鏡拍攝水影的分別,沒有刻意構圖。
剎那 對得好呀!
回覆刪除[版主回覆02/22/2010 09:01:00]剎那 的兩句已經可以互對。
當然有咁嘅水準,SK 才會稱他為才子喇。
冇院長大人o既?
回覆刪除呵!o係大相喎!
[版主回覆02/22/2010 09:02:00]吓!馬上換大相。
城門水塘,美景咫尺之遙。我最愛你那幅碧綠的湖水。
回覆刪除[版主回覆02/22/2010 09:06:00]是日山清水靜,兼有柔和光線,才能拍下如此風光,謝謝水哥欣賞。
回覆刪除孔子呀!!!!
[版主回覆02/22/2010 09:07:00]孔子真係幾有型,又友善。
我昨日在 谷埔都見到 發哥在小溪影「水石光影」。
回覆刪除[版主回覆02/22/2010 09:09:00]發哥 拍攝愛慢慢嘆,每次只拍一、兩張相,好悠閒。
馬騮仔吸引
回覆刪除不過發哥都好吸引!
[版主回覆02/22/2010 09:17:00]馬騮仔始終不及 金金 可愛。
發哥是個沒有駕子的藝人,幾好。
佢好似搶左人地D金仔朱古力, 連張紙都食埋!!
回覆刪除可能發哥留了鬚, 好似老了不少
[版主回覆02/22/2010 09:22:00]這隻是小猴,還沒有膽量搶人類食物,只可以在垃圾桶檢糖子,舔舔朱古力餘味已很滿足。
男人有白鬚便覺滄老。
回覆刪除祝新年快樂
[版主回覆02/22/2010 09:23:00]祝 丁兄 精神爽利! 時時快樂!
我以前亦曾在城門水塘遇到過他,可惜沒有跟他偷師。
回覆刪除[版主回覆02/22/2010 09:25:00]他只是跟我們說要善用偏光鏡,相信這方面妳絕對沒有問題。
山水人士 晚上好!
回覆刪除恭賀新禧! 虎年行大運!身體健康!
{大蕃薯}遲來拜年, 抱歉!
[版主回覆02/22/2010 09:26:00]祝願 大蕃薯兄 身體健康! 時時歡樂!
山水兄
回覆刪除果然係名副其實行大運喎...一行就有運遇到發哥添...我一直都覺得佢好好人...不過未見過佢真人...有位舊同事係佢親戚...你哋去果度行大運影既馬騮仔相好可愛呀...下次有咁好行既行程...帶埋我去好嗎
[版主回覆02/22/2010 09:33:00]發哥 真係幾友善,幾有型。
去城門水塘是臨時決定,所以只有開心老爺夫婦同行。
如想同行當然冇所謂,不過最好參加一、兩次『友晟旅遊』活動,見見面,看看有沒有合適裝備及基本技巧,牛牛 也是由參加 友晟 活動開始的。
山水兄
回覆刪除講漏左添...原來你哋一班卜友都係文人之士...好犀利呀...果然係文武雙全...
[版主回覆02/22/2010 09:34:00]我的Blog 友 真係臥虎藏龍,個個都行得、玩得、寫得兼食得。
這輯相水碧山翠,境界超然。
回覆刪除[版主回覆02/22/2010 09:35:00]謝謝 老師 欣賞,近 大城石澗 出口的風光真的很好。
我想問問當時幾多點鐘?
回覆刪除我都有去這裡見不到他啊!
[版主回覆02/22/2010 09:39:00]當時大約正午十二時,有Blog 友說曾經在城門水塘也遇過他,相信他會經常去取景。
3 月第一個星期會參加 友晟活動嗎?
講真,隻馬騮又幾似靚次伯喎!
回覆刪除[版主回覆02/22/2010 18:55:00]連我外母一見到張相都大叫一聲:靚次伯 呀!
回覆刪除點解少左張
1)馬騮仔和發哥合照
2) 1372 和大馬仔合照
[版主回覆02/23/2010 08:55:00]少咗嗰張要等得意姐出先至有得睇。
haha....好似院長的親戚喎,都係一樣周山走。
回覆刪除[版主回覆02/23/2010 08:57:00]這一批是遠房兼疏堂親戚,冇往來,好少見,所以冇蕉食。
阿jack上身,周圍搵野食。
回覆刪除[版主回覆02/23/2010 08:58:00]同阿Jack 一樣,食到三件頭。
所以大家可以一齊食雪糕。
回覆刪除我杯雪糕留番3月21食
[版主回覆02/23/2010 08:59:00]你嗰杯初四已經預支咗。
嘩~ 發哥好型喔~
回覆刪除[版主回覆02/23/2010 14:55:00]好耐冇見啦! 祝妳 精神爽利! 萬事如意!
發哥真係好型仔咖!
山水兄~
回覆刪除唔知發哥高定係山水兄高呢???
以前發哥係老媽住個區搵d老爺機曾經見佢一次.......當時攞o左簽名但冇相機影相啊..............可惜可惜~
[版主回覆02/23/2010 14:56:00]發哥比我高一點,估計有 5呎11 左右。
B線金唔金?
我仍未報名
[版主回覆02/24/2010 14:47:00]3月7日B線 路程不長,也不辛苦,可作行荒島入門。
回覆刪除新年快樂 拜晚年 sorry 前幾日忙 過幾日更忙
哇 真好彩 發哥
[版主回覆02/26/2010 09:17:00]那麼 大家一齊發啦!
新年見發哥,你今年必發喇!
回覆刪除[版主回覆02/26/2010 09:18:00]好呀!咁就齊齊發啦!
頂頭張相好靚呀?? 係城門水塘影既????
回覆刪除[版主回覆02/26/2010 09:20:00]謝謝欣賞!
真的在城門水塘拍的,位置近大城石澗出口。
水位仲係好低, 但顏色好靚!
回覆刪除[版主回覆02/26/2010 09:22:00]當日有腳架,有偏光鏡,有時間,加上天陰的光線,所以色調好柔。
恭賀虎年行大運
回覆刪除金銀美食堆滿屋
鴻運當頭身體好
幸福盈門全家樂
[版主回覆02/26/2010 13:44:00]也祝你 精神爽利! 事事順意!
回覆刪除好有feel, 正呀
[版主回覆02/26/2010 13:45:00]香港雖細,但好地方不少。
好叻呀…竟然遇到發哥!
回覆刪除相片影得真係好靚!
[版主回覆02/26/2010 13:46:00]哈哈!新春好意頭,發發!
謝謝欣賞!
我給你一個接財神的電郵呀, 個漫畫好好笑架, 覺得你與得意姐會喜歡看
回覆刪除[版主回覆02/27/2010 17:53:00]已經看了,真係好好笑,有觸覺,有創意。
你真係新春行大運喎,香港之寶發哥都俾你踫到,哈,好野! 你的monkey母子照片好感人呢! 萬物間的親情真令人感動!
回覆刪除[版主回覆02/27/2010 17:55:00]咦!終於有時間出來探人喇!
有空去郊外走走,可以見到更多呢!
我今早都去咗城門水塘,那兒風景很寧靜,
回覆刪除但可惜"齊天大聖"太多,影響了遊人
[版主回覆03/04/2010 19:36:00]我去的時候都唔少野猴,也有想過來搵食物的,但我大叫一聲:企定!冇大冇細! 那些老猴都不敢過來了。
回覆刪除見到發哥 , 令人妒忌呀!
我去成十幾年跑步都見唔到 ! ! !
發哥用的不是數碼機 , 真係......真係......有錢。
[版主回覆03/09/2010 18:20:00]謝謝來訪!
可能你跑得快,走過龍,睇唔到發哥。
發哥用的是大底片機,每次出動只係影一至兩張相,然後回去沖曬,要好好心機,好花時間。
據上次發哥的影展前《蘋果日報》訪問中大概知道 , 如果那天情境不合心意 , 即使等了數天、去了數次都係唔會影一張相 , 真係一般人不能想像。
回覆刪除[版主回覆03/10/2010 09:41:00]這種拍攝方式真係要有閒心及閒情之人才可以,當天他也向我們表示,拍攝是享受,不可以匆匆忙忙。
多謝你的回覆 , 我都幾認同他的說法 , 我認同拍照或是行山 , 甚至做任何事都要少而慢 , 假日用最多的時間做最少的事情 , 因為香港人幹甚麼事情都要「急!趕!快!」 , 更要多快好省 , 我真的有點吃不消。如網友你行山為例 , 走很多很遠很難的路有當中的挑戰性 , 不過現在我少行了 , 也會選擇短而易的路程 , 累了便睡一覺 , 不用趕路 , 不用假日行山都像追巴士一樣那麼忙 , 慢慢感受四周的環境和寧靜氣氛。
回覆刪除想問一問 , 你們每星期都走這麼長又遠又難的路 , 會否感到很辛苦和吃力 ? 當中所享受到的又是甚麼 ?
[版主回覆03/11/2010 09:03:00]哈哈!年輕時會以長程急走為樂,所過之處其實印象不深,今天我們走的路線,多以奇趣或幽美為主,可能會以兩三小時才完成一兩公里路程,而近年更以海島或海岸線為主,每次最多行四、五小時,路程也只有三、四公里,怎會辛苦和吃力呢? 如果做一件事情會感到辛苦、吃力的話,我這把年紀就絕對不會做了!
新年見到發哥,真係正喎
回覆刪除[版主回覆05/10/2010 14:48:00]哈哈!大家一齊發!
要影一幅好既相片,真係要花時間去plan,去影 喺同一個地方可能等幾日未必有適合既天時、地利、人和咁影相 所以我都幾欣賞一D大師既作品,佢哋可能等左幾個月先影一張相
回覆刪除[版主回覆05/10/2010 18:12:00]我都好欣賞大師的專業態度,但我就沒有耐性等拍照的,我的拍照習慣是見到就拍,見唔到就行。