2010年 8月16日 晴 4~5級 東風
地 點 : 甕缸群島 之 峭壁洲
相機仔 : Canon S80
近期工作較忙,連放在公司的 G10 也沒有時間取回,今天探遊的地點是『峭壁洲』,並不適宜帶大機,幸好還有一部 S80 跟身,就用它來紀錄今天的行程吧!
上午維港的風浪依然平靜。
為乜黑船長個姿勢咁似....... 馬騮
來到佛堂門,感受到東風的威力。
肥 m 又帶來古怪鏡頭。
咁古怪的鏡頭,當然要搶過來玩玩。
攝影對象,自然係在駕駛艙走唔甩的黑船長。
嘩!支鏡真係正,黑船長的眼神、鬚根、及粗糙的毛孔,都一一呈現。
玩完黑船長,好快來到沙塘口洞。
估唔到大東風下的海蝕洞那麼平靜,獨木舟隊可以輕鬆穿越。
窄窄的沙塘口洞水道,令人有穿越的時空的感覺。
另一邊的出口,形如蠟燭。
天窗眼與洞道。
可能在大東風下,其他海蝕洞都難以靠近,很多船隊都來這裡遊覽。
遊完沙塘口洞,就在洞口附近登陸。
敢死隊跟隨傻領隊上攀。
由於此段岩坡風化嚴重,相信以後都不會再在此登陸了。
第一個景點,試膽崖。
試完膽就要試身手,在亂石中上攀。
爬到上山脊,回頭看看其他隊友。 隊尾有人中暑,又要老婆大人看護。
天氣酷熱,SK 在爭取時間休息。
在山脊上看峭壁。
對面的火石洲,9月12日的目標。
這邊的小島 - 匙洲,至今還未踏足其上。
塌陷的崖壁。
社長叫它做『大崩崖』。
千百年來的大量崩塌,形成今天的地貌。
有隻綠毛猩猩在食煙頭。
站在崖上看岩坡,最精彩!
山下的『大石塘』石灘。
天崖孤客。
隊尾離我們很遠。
峭壁洲最高點,可以看到甕缸群島其他成員。
火石洲全景,9月12日可以看到多少呢?
晨曦島、橫洲、棟心三洲,都是東海好美麗的海島。
番鬼倫洲 與 火石洲 - 海鰍環。
這個夏季,多了很多外籍人士同行,他們都十分欣賞香港的海島風光。
目的地 - 甕缸灣
下山前,再看看海岸風光。
好熱鬧的甕缸灣。
Uncle Fat 已經在海邊等候。
欣賞完清晰的海水再回大船。
由於老婆大人在隊尾照顧中暑的隊友,整個行程都見不到她;幸好隊友經料理後能自行完成整個旅程,相信她們也有一個難忘旅程。
其實遊荒島路程並不長,但較崎嶇及需要攀爬,這一點希望有興趣參與的朋友明白,報名前要多點準備。
同行隊友:1372 skpoon Badman
跟着你穿洞、沿途有你導賞、好正 以下是 峭壁洲穿洞 - 原聲短片
回覆刪除[版主回覆08/17/2010 18:52:00]謝謝支持!
不過我還未想到你是那一位?
還有你的【試膽】照片
回覆刪除[版主回覆08/17/2010 18:54:00]呵呵!看不到相片。
可能你沒有上載至網誌的相片簿,所以沒有顯示。
山水兄
回覆刪除講真果句...我好難想像你哋點解會忍受到咁熱既天氣行山架...我零三年十月去夏門既鼓浪嶼都搞到中暑收場...一聽見你哋有隊友中暑...我就驚到暈暈地添...
[版主回覆08/17/2010 18:56:00]『忍受』? 我們是享受啊!
只要身體好,準備足,我們真的不覺得太熱。
嘩! Banner 的黑船長簡直可拎去參展
回覆刪除[版主回覆08/17/2010 18:56:00]參展? 農展會嗎?
看左邊的我 (九點半位置) , 也是第一次猶豫很久才找到方法繼續上攀
回覆刪除[版主回覆08/17/2010 18:59:00]可能我上得快咗尐,不過唔會再行這段山岩了。
Banner 的黑船長無得頂
回覆刪除[版主回覆08/17/2010 19:00:00]哈哈!黑船長近期大熱,你都有一輯吖。
番鬼倫洲 , 個名好正呀
回覆刪除[版主回覆08/17/2010 19:01:00]哈哈!社長話係粗口嚟咖,每次講的時候都要好小心。
無得再玩喇
回覆刪除[版主回覆08/17/2010 19:03:00]真係好碎,不宜再爬。
不過火石洲有條劍脊仲激。
回覆刪除坐係度欣賞咁美麗嘅風景,實在太爽了!
[版主回覆08/17/2010 19:04:00]哈哈!妳睇下佢個背脊,濕到淋晒。
靚姐姐好大膽
回覆刪除[版主回覆08/17/2010 19:05:00]可以上鏡,可以留念,搏少少喇!
去得呢度,真係要有好手尾,唔係好易有人中頭奬 呢度真係要小心搵腳位
回覆刪除[版主回覆08/17/2010 19:06:00]手長腳長著數啲。
<<<咁古怪的鏡頭,當然要搶過來玩玩。>>> 玩過有無上引...haha 係你自己怪,枝鏡頭不知幾正常。
回覆刪除[版主回覆08/17/2010 19:07:00]哈哈!我都話帶個機身,其他你帶晒,咁就乜引都冇問題喇!
真係好鬼爽,好鬼就爽。
回覆刪除[版主回覆08/17/2010 19:08:00]哈哈!佢似乎流汗不止喎。
[版主回覆08/17/2010 19:09:00](Empty)
哈哈!掛住影相,連魚尾紋都出賣添
回覆刪除[版主回覆08/17/2010 19:11:00]哈哈!肥m要soso 幫佢做面膜美容啦!
好有質感!
回覆刪除[版主回覆08/19/2010 06:44:00]肥m 話呢支係電影鏡,影人特別正!
>不過火石洲有條劍脊仲激 帶我去呀
回覆刪除[版主回覆08/19/2010 06:48:00]不過嗰日好似社長親自押陣,唔知去唔去劍脊喎,你都知佢個贍細咗好多。
山水人士,
回覆刪除這樣的天氣,未經嚴格訓練,真係唔好模仿!
見到都想落去浸!
Ksze
[版主回覆08/19/2010 06:49:00]只要肯試,一定可以,孖媽就係最佳例子。
院長影船長 ,好叻!
回覆刪除[版主回覆08/19/2010 06:50:00]支鏡頭最叻!
Hi ,又嚟跟你遊山玩水
回覆刪除[版主回覆08/19/2010 06:53:00]歡迎時時來曬太陽。
係我 噢! 原來唔可以喺回應加入我個人網站中的照片 有勞你到這網址 Click Me 才可以睇到【試膽石】上的英姿
回覆刪除[版主回覆08/19/2010 06:54:00]呵呵!知道了,你可以將張相放在blog 頭就易認啦!
你地影到黑船長咁型,如果佢好似犀利哥咁,成為網路紅人唔揸船,我地無得出海,點算? haha
回覆刪除[版主回覆08/19/2010 07:02:00]哈哈!一齊推紅黑船長,等佢又紅又黑。
真係好熱鬧
回覆刪除[版主回覆08/19/2010 07:04:00]當日吹東風,西貢好多泳灘都大浪,所以好多船來這個向西的泳灘。
回覆刪除好美的風景,好和諧的色調!
外籍人士一定很羨慕香港人,不需要太長途跋涉就可以欣賞美麗的海島。
[版主回覆08/19/2010 23:50:00]香港的海島風光各有特色,真係好靚。
近來真係多咗外國人參加,個個都話好靚及估唔到。
黑船長呢星期成長blog常客,
回覆刪除相信連佢自己都估唔到
[版主回覆08/20/2010 09:03:00]上星期我同黑船長講要捧紅佢,佢即刻去換衫,話醒神啲喎。
拍得很美 黑船長笑容好含蓄 眼神深邃 很有魅力
回覆刪除[版主回覆08/23/2010 09:33:00]捕捉了黑船長的表情,還要支鏡頭有極佳的特性,才有這張相片的出現。
真係好神似, 希望佢快 d 戒煙 la 等個天空再靚 d
回覆刪除[版主回覆08/23/2010 09:35:00]哈哈!今年夏天天氣不錯啊!
可能綠毛猩猩只是食煙仔餅。
Hi, How are u ?? These two weeks was very busy, do really want to huge the sun, smell the sea and kiss the mountain .... but need to work .... busy but non-productive, this is life : ( ....... anyway hope u guys have fun and wait for yr photo
回覆刪除[版主回覆08/23/2010 09:38:00]我都好鬼忙,上星期的行程還在相機內。
有工作,有娛樂,美好人生呀!
山水兄; 原因太多, 很久沒有來探你, 但見你風采依然, 遨遊山與水中, 真是好!! 總有令人會心微笑! 吁!! 好美呵~ 哈哈!!
回覆刪除[版主回覆08/23/2010 09:40:00]呵呵!歡迎再來探我。
山水人士愛山水,好難改變!